Jeremías 32:10 - DIOSPA QHELQACHISQ

¹⁰ Chay tratotataj papelpi qhelqaspa, chantá sellaspa ima wakicherqayku. Papeltaqa testigokunaj rikunankuta ruwarqayku, jinaspataj mañakusqan qolqe metalta balanzapi tuporqani.

Qheshwa Biblia DC

¹⁰ Chay tratotataj ruwarqayku papelpi qelqaspa, sellasqatataj, testigospa sutisnintawan qelqaykuspa.

DIOSPA QHELQACHISQAN DEUTEROCANONICAL

¹⁰ Chay tratotataj papelpi qhelqaspa, chantá sellaspa ima wakicherqayku. Papeltaqa testigokunaj rikunankuta ruwarqayku, jinaspataj mañakusqan qolqe metalta balanzapi tuporqani.

Jeremías 32:10 ပူးပေါင်းရင်းမြစ်များ

Génesis 23:16

Chantá Abrahamqa Efronwan parlaspa, mañasqan preciota pagarqa. Jititakuna rikushajtinkutaj, sumaj qolqe metalmanta tawa kilota jina pesarqa.

Génesis 23:20

Ajinata Abrahamqa chay jallp'amanta dueño karqa, chhankapi aya p'ampanamanta ima, mayqentachus jititakuna aya p'ampanapaj vendesqanku, chaymanta.

Job 14:17

Manachayqa juchayta qonqayman churawaj, pantasqaymantataj llimphuchawankiman.

TAKIYKUNA 8:6

Sonqoykipi sellowan jina churaykuway, makiykipi anillota jina. Munakoyqa wañuy jina atiyniyojmin, wañuy jina mana kutimuyniyoj. Munakoyqa nina jina k'ajarin, sinch'i nina lawray jina.

Isaías 30:8

Kunanqa jamuy, mosqoypi jina rikusqaykita uj p'anqaman qhelqaykuy, qhepanejman wiñaypaj testigo jina kananpaj.

Isaías 44:5

Chaypachataj nenqanku: Noqaqa Tata Diospata kani, nispa. Ujtaj nenqa: Noqaqa Jacobpa mirayninmanta kani, nispa. Ujkunataj makinkupi qhelqakonqanku: Noqaqa Tata Diospata kani, nispa. Israel sutiwantaj sutichakonqanku, nispa.

Jeremías 32:12

Chantá chay papelkunata Neriaspa churin Maseiaspa allchhin Barucman jaywarqani. Tioypa churin Janamelpa ñawpaqenpi, pikunachus testigo jina sutinkuta qhelqaykorqanku, chaykunaj ñawpaqenkupipis jaywarqani. Jinallataj pikunachus kuraj kamachejpa wasinta qhawajkunaj pationpi kasharqanku, chay judiokunaj ñawpaqenkupi ima jaywarqani.

Jeremías 32:25

Chaywanpis, Tukuyta Kamachej Tata Dios, qanqa kamachiwarqanki testigokunaj rikunanta uj jallp'ata rantikunayta, kay llajtata Caldeamanta runakuna jap'inanku kashajtinpis, nispa.

Jeremías 32:44

Jallp'ata qolqewan rantikuspa, papel ruwasqankuta sellaspa testigokunaj rikunankuta wakichenqanku. Ajina kanqa Benjamín jap'iypi, jinallataj Jerusalén llajtaj muyuyninpi, chantapis Judáj llajtankunapi, orqorara cheqanejpi kaj llajtakunapi, pampapi kaj llajtakunapi, jinataj Néguev cheqapi kaj llajtakunapi ima. Ajina kanqa, imaraykuchus noqa Babiloniamanta paykunata kutichimusaj. Noqa Tata Dios chayta nini.

Daniel (hebreo) 8:26

Ch'isin paqarintaj mosqoypi jina rikusqaykeqa cheqapuni. Kunantaj chayta sonqoykipi waqaychay, imaraykuchus unaymantaraj junt'akonqa, nispa.

San Mateo 27:66

Paykunataj rispa, chay aya p'ampanaj yaykunanta sumajta wisq'aykorqanku. Chay wisq'ana rumita kamachejpa sellonwan sellaykuspataj, qhawaj soldadokunata churarqanku.

San Juan 3:33

Tukuy pichus sut'inchasqanta jap'ikojqa sut'ita nin Dios cheqatapuni parlasqanta.

San Juan 6:27

Ama tukukoj mikhunata tarinaykichejraykullaqa chhikatapuni phutikuychejchu. Aswanpis qankunaqa wiñay kawsayta mask'anaykichejpaj tukuy sonqoykichejta churaychej. Chayta noqa Runaj Churillan qoyta atiykichej, imaraykuchus Tata Dios chaypaj churawarqa, nispa.

2 Corintios 1:22

Jinallatataj Santo Espirituta sonqonchejman kachamuwarqanchej, nisqanta junt'ananmanta seña kananpaj.

Efesios 1:13

Qankuna mana judío kajkunapis Dios qhespichinanmanta sumaj willayta uyarerqankichej, chay willaytaj cheqa willaymin. Maypachachus Cristopi atinikorqankichej chaypacha, Diosqa paypata kasqaykichejmanta yachayta qospa, Santo Espirituwan sellasorqachej, pitachus ñawpajta qonanta nerqa, chaywan.

Efesios 4:30

Imaynachus purisqaykichejwan Diospa Santo Espiritunta ama llakichiychejchu, imaraykuchus paywan sellasqa kankichej jaqay jamoj p'unchaypi wiñay kawsaypaj kacharichisqa kanaykichejkama.

Deuteronomio 32:34

Tata Diosqa nin: Chay tukuy imata jallch'akushani, qhapaj kapuyniyta jina waqaychashani.

Josué 18:9

Chantá chay runakunaqa tukuy chay jap'iynejta muyurimorqanku, qanchisman rak'ispataj, mojonarqanku. Chantá sapa rak'isqanku jap'iypi mashkhachus llajtakuna kasqantawan qhelqarqanku. Chaymantataj Silopi, Josué kasharqa, chayman kutimorqanku.

Apocalipsis 7:2

Jinallataj waj angelta rikorqani inti llojsimuynejmanta wicharimojta. Chay angeltaj kawsaj Diospa sellon aparisqa kasharqa. Paytaj chay tawa angelkunaman sinch'ita qhaparerqa, pikunachus mama qochata, chantá jallp'atawan ñak'arichinankupaj atiyta jap'isharqanku, chaykunaman.

Apocalipsis 9:4

Chay phinki phinkikunaqa kamachisqa karqanku jallp'api kaj qhorata, ni ima q'omerta, nitaj ima sach'atapis ama imananankuta. Manachayqa runakunallata ñak'arichinanku karqa, pikunachus mat'inkupi Diospa sellonwan mana sellasqachu karqanku, chaykunata.

Rut 4:1

Chay qhepata Boozqa llajta yaykuna punkuman rispa, tiyaykukorqa, maypichus runakuna tantakoj kanku, chaypi. Chaypachapuni, pimantachus Boozqa Rutman parlasqa, chay ayllun chayninta pasasharqa. Booztaj nerqa: Yu, jamuriy má. Kaypi tiyarikuy, nispa. Chay runataj chimpaspa, tiyarikorqa.