Jeremías 31:9 - DIOSPA QHELQACHISQ

⁹ Waqarikuspa, chantá noqamanta mañarikuspa ima kutimponqanku. Noqa paykunata yakuyoj mayoj kantunta pusaykachasaj, cheqan sumaj ñannintataj, ama misk'akunankupaj, imaraykuchus noqamin Israelpa tatan kani, Efraintaj kuraj kaj waway, nispa.

Qheshwa Biblia DC

⁹ Mañakuspa waqaspataj jamonqanku. Noqa paykunata yakusniyoj mayusman pusaykusaj, sumaj pampachasqa ñannintataj ama misk'akunankupaj. Noqa Israelpa tatan kani, Efraenqa kuraj kaj waway.

DIOSPA QHELQACHISQAN DEUTEROCANONICAL

⁹ Waqarikuspa, chantá noqamanta mañarikuspa ima kutimponqanku. Noqa paykunata yakuyoj mayoj kantunta pusaykachasaj, cheqan sumaj ñannintataj, ama misk'akunankupaj, imaraykuchus noqamin Israelpa tatan kani, Efraintaj kuraj kaj waway, nispa.

Jeremías 31:9 ပူးပေါင်းရင်းမြစ်များ

1 Crónicas 29:10

Chaymantataj Davidqa tukuy tantasqa kajkunaj uyarinankuta Tata Diosta jatuncharqa: Ñawpa tatayku Israelpa Tata Diosnin, qanqa wiñaymanta wiñaypaj yupaychasqa kay.

Salmos 107:7

Tata Diosqa paykunata cheqan ñanta pusarqa, tiyakunapaj jina llajtaman chayanankukama.

Salmos 23:2

Q'omer pampapi michiwan, ujyanaypajtaj misk'i yakuman pusawan.

Salmos 89:27

27 (28) Noqataj payta kuraj kaj churiy kananpaj churasaj, jinataj kay pachapi tukuy kuraj kamachejkunaj patankupi kanqa.

Éxodo 4:22

Chantá faraonta ninki: Tata Dios ajinata nisunki: Israelqa noqaj kuraj kaj churiymin.

Isaías 42:16

Ñawsakunata mosoj ñanta pusasaj, jinataj mana rejsisqanku chaki ñankunata purichisaj. Ñawpaqenkupi kaj laqhayayta k'anchayman tukuchisaj, mana puriy atina ñantapis pampaman tukuchillasajtaj. Chaykunata noqamin ruwasaj, manataj paykunata saqerpayasajchu.

Isaías 43:20

Chantá tukuy k'ita animalkunawan, k'ita alqokunawan, surikunawan ima jatunchawanqanku, imaraykuchus ch'aki jallp'api yakuta rikhurichisaj, ch'innejpitaj yaku mayukunata puririchisaj, ajllakusqay ayllu yakuta ujyanankupaj.

Isaías 45:11

Israelitakunata ruwaj Tata Dios, May Llimphu Kaj Diosqa kay jinata nin: Kunanmanta qhepaman imachus kananmanta tapuriwaychej. Chayrí churiykunamanta, imaynatachus kay pachata ruwasqaymantapis tapurillawaychejtaj.

Isaías 57:14

Tata Dios nillantaj: Ñanta pichaychej. Ñanmanta rumikunata wijch'uychej aylluy chayninta karu suyumanta kutimpunanpaj.

Isaías 63:13

Maytaj kunan pichus mama qochaj ukhunta pusaykachajri? Imaynatachus caballo ch'in pampapi mana misk'anchu, ajinallatataj paykuna mana misk'arqankuchu.

Isaías 63:16

Qanlla tatayku kanki, tatayku Abraham mana rejsikuwajtiykupis. Ñawpa tatayku Israel mana yuyarikuwajtiykupis, qanpuni tatayku kanki, Tata Dios. Wiñaymantapacha pagaspa kacharichiwajniyku kanki.

Isaías 64:8

Chaywanpis, Tata Dios, qanmin tatayku kanki. Noqaykoqa llink'i t'uru jinalla kayku, qantaj manka llut'aj jina kanki. Chayrayku noqaykoqa tukuyniyku makiykej ruwasqan kayku.

Jeremías 3:19

Israel, noqa qanta wawaypaj jina jap'ikapuyta yuyarqani, sumaj moq'ena jallp'ata qonasuypaj, tukuy kay pachapi jallp'amanta aswan sumaj jallp'ata. Noqa yuyarqani: Tatáy, nispa ninawaykita, manataj jayk'ajpis noqamanta karunchakunawaykita.

Jeremías 3:4

Manaraj unaychu niwasqaykeqa: Tatay kanki, sipas kashaspa munakusqay kanki, nispa.

Jeremías 31:20

Noqapaj Efrainqa munasqa waway, aswan munasqa kaj churiy. Payta kutin kutinta k'amini chaypis, manapuni paymantaqa qonqapunichu. Sonqoypis wawayan, maytataj paymanta khuyakuni. Ajinata noqa Tata Dios nini.

Jeremías 50:4

Tata Dios nin: Chay p'unchaypi israelitakuna, jinataj Judamanta kajkuna ima waqaspa Tata Diosninkuta mask'anqanku.

Oseas 12:4

4 (5) Arí, angelwan maqanakorqa, atiparqataj. Waqaspataj, angelmanta saminchananta mañakorqa. Diosqa Betelpi tariparqa, chayllapitaj Jacobwan parlarqa.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Zacarías 12:10

Chantá Davidpa mirayninman, jinataj Jerusalenpi tiyakojkunaman sumaj sonqota qosaj, noqa Diosmanta mañakuyta munana sonqotawan. Noqata qhawariwanqanku, pitachus t'ojserqanku, chayta. Chaymantataj may jinata waqanqanku, imaynatachus runakuna waqanku k'ata wawanku chayrí kuraj kaj churinku wañojtin, ajinata.

Malaquías 2:10

Manachu tukuyninchej uj tatayojlla kanchej? Manachu uj Dioslla tukuyninchejta ruwawarqanchej? Jina kajtin, imajtintaj ujkuna ujkuna q'otiyanakunchej, ajinamanta ñawpa tatanchejkunawan Diospa ruwasqan tratota p'akispari?

Números 2:18

Dioswan Tinkukuna Toldoj inti yaykuynejman Efraín jatun ayllumanta kajkuna wiphalankuwan jarakullanqankutaj. Paykunatataj Amiudpa churin Elisama kamachenqa.

San Mateo 3:3

Diosmanta ñawpa sut'inchaj Isaías kay Juanmanta ajinata nisqa: Ch'innejpi uj runaj qhaparisqan uyarikun: Tata Diospaj ñanta pichaychej, purinantataj cheqanyachiychej, nispa.

San Mateo 5:4

Kusikuyniyojmin kanku kunan waqajkunaqa, imaraykuchus Diosmin paykunata sonqochanqa.

San Mateo 6:9

Chayrayku qankuna kay jinata Dioswan parlarikunkichej: Janaj pachapi kaj Tatayku, sutiyki jatunchasqa kachun.

San Lucas 6:21

Kusikuyniyojmin kankichej kunan yarqhachikojkunaqa, imaraykuchus sajsachisqa kankichej. Kusikuyniyojmin kankichej kunan waqajkunaqa, imaraykuchus qankunaqa qhepaman kusirikunkichej.

Romanos 8:26

Ajinallataj Santo Espiritupis pisi kallpa kayninchejpi yanapawanchej. Noqanchejqa Dioswan parlarikuspa imatachus mañakunanchejta mana yachanchejchu. Santo Espiriturí mana niy atina simiwan ayqospa, noqanchejpaj mañapuwanchej.

2 Corintios 6:18

Chantá noqa Tataykichej kasaj, qankunataj churiykuna, ususiykunataj kankichej, nispa. Ajinata Tukuy Atiyniyoj Dios nin.

Deuteronomio 14:1

Qankunaqa Tata Diosniykichejpata wawankuna kankichej. Chayrayku pipis wañupojtenqa, ama wañusqaj sutinpi ukhuykichejta q'allurakunkichejchu, nitaj chujchaykichejtapis ruthunkichejchu.

Deuteronomio 32:6

Wampu runakuna, mana yachayniyojkuna, ajinatachu Tata Diosmanqa pagankichej? Manachu payqa tataykichej, ruwasojniykichejtaj? Paymin qankunata ruwasorqachej, kawsaytataj qosorqachej.

Hebreos 12:13

Chantá cheqanta purispa kawsaychej, ajinamanta pisi kallpayoj wist'u chaki jina ama ñanta pantananpaj, manachayqa kallpachasqa kaspa thuruta sayananpaj.

Hebreos 12:23

Ajinallataj qankuna Diospa kuraj kaj wawankunaj tantakuyninman qayllaykunkichej, pikunaj sutinkuchus janaj pachapi qhelqasqa kashan, chaykunajman. Jinallataj qankuna Diosmanpuni qayllaykunkichej, pichus tukuypa Jueznin, chayman. Cheqanpaj qhawasqa runakunamanpis qayllallankichejtaj, pikunachus mana pantayniyojman tukuchisqaña kanku, chaykunaman.

Hebreos 5:7

Jesús kay pachallapiraj kawsashaspa, sinch'ita qhaparispa chantá waqaspa Diosmanta mañakorqa, pichus wañunanmanta kacharichinanpaj atiyniyoj karqa, chaymanta. Jinataj Diosta may jatun respetowan qhawaspa tukuy sonqo k'umuykusqanrayku Dios mañakusqanta uyarerqa.

Apocalipsis 7:17

Kamachina tiyanapi tiyashaj Corderoqa paykunata michenqa, kawsayta qoj yaku juturinkunamantaj pusanqa. Diostaj paykunaj ñawinkumanta waqasqankuta pichanqa, nispa.