Jeremías 31:8 - DIOSPA QHELQACHISQ

⁸ Noqa paykunata wichaynej suyumanta kutichimusaj, jinallataj kay pachaj tukuy k'uchunmantapacha paykunata tantaykullasajtaj. Paykunawan lerq'okuna, wist'u chakiyojkuna, wijsallisqa warmikuna, onqokoj warmikuna ima jamonqanku. Manchay ashkhapuni kutimonqanku.

Qheshwa Biblia DC

⁸ Kutichimusqaykichej chay pata jallp'asmanta, tantaykusqaykichejtaj kay pachaj tukuy k'uchusninmantapacha. Paykunawan jamonqanku lerq'os, wist'us, wijsallisqa warmis, nacechikojkuna ima. Manchay ashkhapuni kutimonqanku.

DIOSPA QHELQACHISQAN DEUTEROCANONICAL

⁸ Noqa paykunata wichaynej suyumanta kutichimusaj, jinallataj kay pachaj tukuy k'uchunmantapacha paykunata tantaykullasajtaj. Paykunawan lerq'okuna, wist'u chakiyojkuna, wijsallisqa warmikuna, onqokoj warmikuna ima jamonqanku. Manchay ashkhapuni kutimonqanku.

Jeremías 31:8 ပူးပေါင်းရင်းမြစ်များ

Salmos 107:3

Tata Dios paykunata tukuy suyumanta tantarqa, inti llojsimuynejmanta, inti yaykuynejmanta, uranejmanta, wichaynejmantapis.

Salmos 65:5

5 (6) Qhespichiwajniyku Dios, justiciawan t'ukunata ruwaspa, qan kutichiwayku. Kay pachapi tukuy tiyakojkuna qanpi atinikunku, jinallataj aswan karu mama qocha kantupi tiyakojkunapis.

Salmos 98:3

Payqa Israel ayllunrayku khuyakuyninta, cheqa kaynintawan ima mana qonqarqachu. Tukuy kay pachapi runakunaqa Diosninchejpa atipasqanta rikorqanku.

Isaías 40:11

Ayllunta qhawanqa, imaynatachus uj michej ovejankunata michin, ajinata. Corderokunata makinpi marq'arikonqa, uñachakojtataj alliyllawan pusanqa.

Isaías 42:16

Ñawsakunata mosoj ñanta pusasaj, jinataj mana rejsisqanku chaki ñankunata purichisaj. Ñawpaqenkupi kaj laqhayayta k'anchayman tukuchisaj, mana puriy atina ñantapis pampaman tukuchillasajtaj. Chaykunata noqamin ruwasaj, manataj paykunata saqerpayasajchu.

Isaías 43:6

Wichaynejpi kaj suyuta nisaj: Paykunata kutichimuy, nispa. Uranejpi kaj suyutapis nillasajtaj: Ama paykunata jap'ikuyñachu. Kay pachaj aswan karu k'uchunmantapacha churiykunata, ususiykunatawan apampuway.

Isaías 45:22

Tukuy kay pachapi tiyakojkuna, qhespichisqa kanaykichejpaj noqaman jamuychej. Noqamin Dios kani, manataj waj Dios kanchu.

Isaías 52:10

Tata Diosqa makinta q'empirakun atiyninta rikuchinanpaj tukuy suyoj ñawpaqenkupi. Chantá tukuy kay pachaj k'uchunpi tiyakojkunaqa Diosninchej kacharichiwasqanchejta rikonqanku.

Jeremías 16:15

Manachayqa ajinata tilunkichej: Tata Diospa sutinpi tiluni, pichus israelitakunata wichay suyumanta orqhomorqa, jinataj maymanchus ch'eqerachisqa karqanku, chay suyumantapis, chaypa sutinrayku, nispa. Ajinata ninkichej, imaraykuchus noqa kutichimusqaykichej, ñawpa tataykichejkunaman qorqani, chay suyuman.

Jeremías 23:3

Tata Dios nillantaj: Noqa kikin puchoj ovejaykunata tantasaj, maymanchus wijch'orqani, chay suyumantapacha kanchankuman kutichimpusaj, chaypitaj mayta miranqanku.

Jeremías 23:8

Manachayqa tilonqanku: Tata Diospa sutinpi tiluyku, pichus wichaynej suyumanta, chantá tukuynin waj suyukunamantapis, ch'eqerasqa kasharqanku, chay israelitakunata pusakamporqa, chayrayku, nispa. Chantá paykuna kikin suyunkupi tiyakonqanku, nispa.

Jeremías 29:14

Arí, noqata qankuna tariwankichej, chantá preso kasqaykichejta tukuchisaj. Chay suyumanta orqhomusqaykichej, maymanchus apasqa karqankichej, chaymanta tantaykusqaykichej. Chantá Jerusalén llajtaman kutichimusqaykichej, maymantachus karuman apacherqaykichej, chayllamantaj. Noqa Tata Diosmin chayta nini.

Jeremías 3:12

Chayrayku, wichaynejman rispa, kayta Israelman willamuy: Tata Dios nin: Noqaman kutimpuway, wasanchawaj Israel. Mana phiñasqachu qanta qhawasqayki, nitaj phiñakuyneyqa wiñaypajchu kanqa, imaraykuchus noqaqa khuyakuyniyojmin kani. Noqa Tata Diosmin chayta niykichej.

Jeremías 3:18

Chay p'unchay chayamojtin, Judá aylloqa Israel aylluwan khuska tantakonqa. Iskayninkutaj wichaynej suyumanta kutimonqanku, ñawpa tataykichejkunaman chayaqepaj qorqani, chay jallp'aman.

Ezequiel 20:34

Noqa mayqen llajtakunapichus, mayqen suyukunapitajchus ch'eqerasqa kashankichej, chaymanta orqhomusqaykichej. Arí, jatun atiyniywan, k'araj phiñakuyniypi jasut'ispataj tantaykusqaykichej.

Ezequiel 20:41

Ima munayta q'apashaj inciensota jina jap'ikapusqaykichej, maypachachus ch'eqerasqa kashankichej, chay suyukunamanta, llajtakunamantawan orqhomuspa tantaykusqaykichej, chaypacha. Chantapis qankunanejta may llimphu kasqayta tukuy suyukunapi kaj runakunaman rikuchisaj.

Ezequiel 34:12

Imaynatachus ovejakunata michej ch'eqerasqa ovejankunata tantaykuspa michin, ajinata noqapis ovejaykunata michisaj. Maykunamanchus phuyusqa laqha p'unchaypi ch'eqerarqanku, chaykunamanta paykunata tarikampusaj.

Ezequiel 34:13

Chantá waj suyukunamanta orqhomuytawan, ujllaman tantaykuspa, paykunata kikin suyunkuman qhatikapusaj. Israel orqokunapi, tukuy mayu kantupi, runaj tiyakunanpi ima paykunata michisaj.

Ezequiel 34:16

Chinkasqa ovejakunata noqa mask'amusaj, ch'eqerasqatataj tropaman kutirichimusaj. Chakin p'akisqata tableyaykusaj, mayt'uykusajtaj. Tulluyajkunata makimanta mikhuchisaj, kallpasapa wira ovejakunatataj maychus michinata michisaj, nispa.

Miqueas 4:6

Tata Dios kaytapis nillantaj: Chay p'unchay, ñak'arichisqay ovejaykunata, chakin p'akisqata, sayk'usqata, jinataj ch'eqerasqata ima tantaykusaj.

Sofonías 3:19

Chay p'unchaypi noqa oqharikusaj, pikunachus ñak'arichisunku, chaykunaj contrankupi. Imaynatachus michejqa chakin p'akisqa ovejata yanapan, chinkasqa kajtataj pusakampun, ajinata yanapasqayki. Noqa pisipaj qhawasqa kasqaykichejta jatunchasqa kanaman, chantá may uyarisqa kanaman tijrasaj.

Zacarías 2:6

6 (10) Tata Dios nillantaj: Noqamin qankunata tukuynejman ch'eqeracherqaykichej. Kunantajrí niykichej: Wichaynej suyumanta usqhayta llojsimuychej.

San Mateo 12:20

Lajrasqa soqosollatapis mana p'akenqachu, nitaj ñak'ayllata lawrashaj mecherotapis wañuchenqachu, cheqan justiciata atipachinankama.

San Juan 21:15

Mikhuyta tukusqankutawan, Jesusqa Simón Pedrota nerqa: Jonaspa churin Simón, kaykunamanta astawanchu munakuwanki? nispa. Pedrotaj kuticherqa: Arí, Tukuyta Kamachej, munakususqayta qan yachanki, nispa. Jesustaj nerqa: Ajina chayqa, corderoykunata michipuway, nispa.

1 Corintios 8:10

Nisunman: Qan chayta yachashaspa, lanti yupaychana wasipi mikhoj tiyaykurikuwaj. Sichus jinallaman pisi kallpa wawqeyki mikhushajta rikusunkiman chayqa, manachu paypis lantikunaman jaywasqa mikhunata mikhuyta munallanmantaj?

Deuteronomio 30:4

Kay pachaj k'uchunkamapis ch'eqerachisqa kawajchej chaypis, chaymantapacha Tata Diosniykichejqa kutirichimusonqachej.

1 Tesalonicenses 5:14

Ajinallatataj wawqe panakuna, mañarikuyku qhellakunata k'aminaykichejta, manchalikunata kallpachanaykichejta, pisi kallpayojkunatapis yanapanaykichejta, tukuywantaj pacienciayoj kanaykichejta.

Hebreos 12:12

Chayrayku qankuna utisqa makiykichejta mosoj kallpawan kallpachaychej, jinallataj llawch'iyasqa chaki moqoykichejtapis.

Hebreos 4:15

Chay Kuraj Kaj Sacerdotenchej pisi kallpa kasqanchejta yachaspa, khuyarikuwanchej, imaraykuchus payqa noqanchej jinallataj juchallinaman tanqasqa karqa. Chaywanpis pay mana jayk'ajpis juchallerqachu.