Jeremías 31:7 - DIOSPA QHELQACHISQ

⁷ Tata Dios nin: Jacobpa ayllunrayku kusikuspa takiychej. Munasqa suyurayku kusiywan qhapariychej. Yupaychaspa, kay jinata niychej: Tata Diosqa ayllunta kacharichin, Israelmanta puchojkunatataj kacharichin, nispa.

Qheshwa Biblia DC

⁷ Señorqa nin: Kusiy takiykunasta kusiywan takiychej Jacobpa ayllunrayku. Paymin tukuy nacionesmanta aswan kurajqa. Uyariychej yupaychaykunasta, niychejtaj: Señorqa ayllunta salvarqa, Israelmanta puchojkunata.

DIOSPA QHELQACHISQAN DEUTEROCANONICAL

⁷ Tata Dios nin: Jacobpa ayllunrayku kusikuspa takiychej. Munasqa suyurayku kusiywan qhapariychej. Yupaychaspa, kay jinata niychej: Tata Diosqa ayllunta kacharichin, Israelmanta puchojkunatataj kacharichin, nispa.

Jeremías 31:7 ပူးပေါင်းရင်းမြစ်များ

Salmos 106:47

Qhespichiwayku, Tata Diosniyku. Tukuy suyumanta tantaykapuwayku, may llimphu sutiykita jatunchanaykupaj, jinataj kusisqa qanta yupaychanaykupaj.

Salmos 126:2

Chaypacha noqayku jatunmanta asirikorqayku, kusiywantaj jatunmanta takerqayku. Chaypacha Tata Diosta mana qhatejkuna nerqanku: Tata Dios paykunapaj t'ukuna imakunata ruwasqa, nispa.

Salmos 14:7

Mayta munayman Sionmanta Israelta kacharichej jamunanta. Maypachachus Tata Dios ayllunta suyunkuman kutichimonqa chaypacha, Jacobpa miraynin manchayta kusikonqanku, Israel ayllumanta kajkunataj kusiywan qhaparikonqanku.

Salmos 28:9

Tata Dios, aylluykita qhespichiy, qanpata kajkunatataj saminchay. Paykunata ovejata jina michiy, ichurikuspataj, wiñaypaj paykunata apaykachay.

Salmos 67:1

1 (2) Diosniyku, noqaykumanta khuyarikuwayku, saminchawaykutaj, allin ñawiwantaj qhawawayku.

Salmos 69:35

35 (36) Diosqa Sionta qhespichenqa, Judapi llajtakunatataj ujtawan sayarichenqa. Chantá wawankuna chaypi tiyakonqanku, jallp'ankutataj watej jap'ikaponqanku.

Isaías 1:9

Sichus Tukuy Atiyniyoj Tata Dios noqanchejmanta wakinkunata mana kawsashajta saqenmanchu karqa chayqa, Sodoma jina, Gomorra jinataj chinkachisqa kasunman karqa.

Isaías 11:11

Chaypacha Tata Dios ujtawan atiyninta rikuchillanqataj, maykunapichus ayllunmanta kajkuna puchorqanku, chaykunata kutichimunanpaj: Asiriamanta, Egiptomanta, Patrosmanta, Etiopiamanta, Elammanta, Sinarmanta, Jamatmanta, mama qochaj kantunmanta ima.

Isaías 37:31

Judá ayllumanta puchojkunaqa sach'a jina sumajta saphichakunkichej, chaymantataj poqonkichej.

Isaías 37:4

Ichapis Tata Diosniyki Asiriamanta soldadokunata kamachejpa nisqanta uyarin, pitachus Asiriata kuraj kamachej kachamun kaypi Kawsaj Diospa contranta parlananpaj, chaypata. Tata Diostaj payta imatachus parlasqanmanta jasut'ichun. Chayrayku Tata Diosmanta mañapuwayku ari, kaypi mashkhachus puchunchejraj, chaykunapaj, nispa.

Isaías 44:23

Janaj, kusiywan takiy, imaraykuchus kaytaqa Tata Diosmin ruwan. Ukhu pacha, kusiywan qhapariy. Qankuna orqokuna, montepi tukuy sach'akuna ima kusiywan takirikuychej, imaraykuchus Tata Diosqa Jacobpa ayllunta pagota qospa kacharichin, ajinamantataj Israelpi jatun kayninta rikuchin.

Isaías 52:8

Llajta qhawajniykikunaj qhaparisqankuta uyariy. Tukuyninku ujllapi kusiymanta qhaparinku, imaraykuchus kikin ñawinkuwan Tata Diosta Sionman kutimushajta rikunku.

Isaías 61:9

Israelitakunaj mirayninku tukuy suyu ukhupi uyarisqa kanqanku, llajtakuna chawpipitaj paykunaj mirayninku may uyarisqa kanqanku. Tukuy chayta rikojkunataj nenqanku: Tata Diosmin paykunata saminchan, nispa.

Jeremías 20:13

Tata Diosman takiychej, Tata Diosta jatunchaspa takiychej, imaraykuchus payllamin llakiypi kajta millay ruwajkunaj makinkumanta kacharichin.

Jeremías 23:3

Tata Dios nillantaj: Noqa kikin puchoj ovejaykunata tantasaj, maymanchus wijch'orqani, chay suyumantapacha kanchankuman kutichimpusaj, chaypitaj mayta miranqanku.

Jeremías 3:23

Cheqapuni qhasi kasqa orqo pataman lantikunata yupaychaj wicharisqaykoqa, jinallataj orqokunapi qhaparqachasqaykupis. Diosniyku Tata Diosllamin Israel suyuta yanapawasqayku.

Jeremías 31:12

Tata Dios nillantaj: Chantá jamuspa, paykuna Sión orqo patapi kusiywan takenqanku. Noqa Tata Dios kay imakunawan paykunata saminchasqayrayku kusikonqanku: Trigowan, vinowan, aceitewan, ovejakunawan, wakakunawan ima. Paykunaqa sumaj qarpasqa huerta jina kanqanku, manañataj kallpankupis pisiyanqachu.

Lamentaciones 1:1

Jerusalén llajta unay may chhika runayoj karqa, kunantaj ch'inpacha qhepakun. Llajtakuna ukhupi chay chhika jatun llajta kashaspa, warmisapaman jina tukun. Suyukunata kamachej llajtataj kunanqa mit'animan tukun.

Ezequiel 6:8

Chaywanpis noqa saqesaj paykuna ukhumanta wakinkuna mana wañunankuta, astawanpis kawsanankuta waj suyukunaman ch'eqerasqa kaspa.

Oseas 1:7

Judá suyumantarí khuyakusaj. Tata Diosninku jina noqa paykunata kacharichisaj mana maqanakuwanchu, nitaj flechawanchu, nitaj espadawanchu, nillataj caballokunapi purejkunawanchu, nispa.

Joel 2:32

32 (3.5) Chaywanpis pikunachus noqa Tata Diospa sutiyta oqharispa Diosninkupaj rejsikapuwajkunaqa wañunamanta qhespichisqa kanqanku. Noqa Tata Dios nisqayman jina Sión orqopi, Jerusalenpi ima paykunata qhespichisaj. Pikunatachá noqa ajllasaj, chaykunamin kawsanqanku.

Amós 5:15

Mana allin kajta chejniychej, allin kajtataj munakuychej. Justicia ruwana wasipi cheqan justicia ruwasqa kananta mask'aychej. Jinata ruwajtiykichej, ichapis Tukuy Atiyniyoj Tata Dios puchoj israelitakunamanta khuyarikunman.

Miqueas 2:12

Aswan qhepamanrí, noqa Jacobpa ayllunmanta kajkunata tukuyninta tantasaj. Israelmanta uj chhika puchojta tantaykakapusaj, imaynatachus ovejata tropanman tantaykunchej, ajinata. Chantá pasto chawpipi michisqa oveja jina kanqanku, may chhika runapis kankuman jinataj ch'ajwarenqanku.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

Sofonías 2:9

Chayrayku noqa, Israelpa Tukuy Atiyniyoj Tata Diosnin kawsayniyrayku tiluspa, nini: Moab suyu Sodoma jina chinkachisqa kanqa, Amonpi tiyakojkunataj Gomorrapi tiyakojkuna jina tukukonqanku. Jallp'ankukunapis khishka pampaman tukonqa, kachi orqhona qhoya jinataj ch'in pampa kanqa. Aylluymanta puchojkunataj chay suyukunaj kapuyninkuta qhechuranqanku, jallp'ankutapis jap'ikaponqanku, nispa.

Romanos 11:5

Ajinallataj kunanpis israelitakunamanta pisilla Diospi atinikuspa kanku. Diosrí paykunata qhasilla k'acha yanapayninman jina ajllakorqa.

Romanos 9:27

Israelitakunamanta parlaspa, Isaiaspis nillarqataj: Israelitakunaj mirayninchus mama qochapi t'iyu jina kanman chaypis, chaykunamanta pisilla qhespichisqa kanqanku.

Deuteronomio 28:13

Sichus kunan Tata Diosniykej kamachisqanta qoshayki, chayta junt'anki chayqa, Tata Diosqa ñawpajman churasonqa mana qhepamanchu. Qanqa patapipuni kanki, mana urapichu.

Deuteronomio 32:43

Waj suyukuna, Diospa ayllunwan khuska kusikuychej, imaraykuchus Diosqa kamachinkunata wañuchisqankumanta pagachikonqa. Awqankunawan pagachikuspa, payqa suyunpata, ayllunpatawan ima juchankuta pampachanqa, nispa.