Jeremías 31:5 - DIOSPA QHELQACHISQ

⁵ Samaria orqokunapi watej uva huertata mallkinkichej. Pichus uva mallkejtaj poqoyninta mikhullanqataj.

Qheshwa Biblia DC

⁵ Samaria orqospi watejmanta uvas sach'asta plantankichej. Pichus plantajqa poqoykunasninta mikhonqa.

DIOSPA QHELQACHISQAN DEUTEROCANONICAL

⁵ Samaria orqokunapi watej uva huertata mallkinkichej. Pichus uva mallkejtaj poqoyninta mikhullanqataj.

Jeremías 31:5 ပူးပေါင်းရင်းမြစ်များ

Salmos 107:37

Chajrata tarporqanku, uvatapis mallkerqanku, sumaj poqoytataj oqharerqanku.

Jeremías 32:15

Israelpa Tukuy Atiyniyoj Tata Diosnin nin: Kay suyupi watej wasikunata, jallp'akunata, uva huertakunatapis rantikullanqankutaj, nispa.

Ezequiel 28:26

Chaypi paykuna ni imata manchachikuspa, tukuy sonqo tiyakonqanku. Wasikunata ruwakonqanku, uva sach'akunatapis churanqanku. Maypachachus Israel aylluypa qayllanpi tiyakojkunata jasut'isaj aylluyta pisipaj qhawasqankurayku chaypacha, Israel aylluy yachanqanku noqa Tata Diosninku kasqayta, nispa. Ajinata nin Tata Dios.

Ezequiel 36:8

Qankuna, Israelpa orqonkunarí, sumaj sach'akunata wiñarichinkichej, Israel aylluypajtaj tukuy imata sumajta poqochipunkichej, imaraykuchus aylluypa kutimpunan p'unchay qayllamushanña.

Amós 9:14

Chantá karu suyukunaman mana munashajta apasqa kasqanmanta Israel aylluyta pusakampusaj. Paykuna thuñisqa llajtankukunata watej sayarichenqanku, chaypitaj tiyakonqanku. Watej uva sach'akunata mallkenqanku, vinotataj ujyanqanku. Huertakunatapis ruwanqanku, poqojtataj mikhonqanku.

Abdías 1:19

Chantá Neguevpi tiyakoj israelitakuna Esaúj orqonkunata jap'ikaponqanku, vallemanta kajkunataj filisteokunaj jallp'ankuta. Chantapis jap'ikapullanqankutaj Efrainpa jallp'anta, Samariaj jallp'anta ima, Benjaminmanta kajkunataj Galaadta jap'ikaponqanku.

Miqueas 1:6

Chayraykumin, Tata Dios nin: Samaria llajtata laqayaman tukuchisaj, uva huertata churanapaj jina. Chay llajtaj perqanmanta rumikunata valleman wijch'usaj, cimientontapis sut'iman rikhurichisaj.

Miqueas 4:4

Manachayqa, tukuyninku ni imata manchachikuspa kawsakonqanku. Sapa runa uva sach'anpa llanthunpi samarikuyta atenqa, jinataj higo sach'anpa llanthunpi tiyarikonqa. Ajinata Tukuy Atiyniyoj Tata Dios nin.

Zacarías 3:10

Chay p'unchay chayamojtintaj, ujkuna ujkuna wajyarinakunkichej, chantá uva sach'aj llanthunpi, jinataj higo sach'aj llanthun urapi mikhuspa samarikunkichej. Noqa Tukuy Atiyniyoj Tata Diosmin chayta nini.

Deuteronomio 20:6

Sichus mayqenniykichej uva huertata churaspa, manaraj imatapis chaymanta mikhurerqachu chayqa, wasinman kutipuchun, uva huertanmanta mikhunanpaj. Pajtataj maqanakupi wañojtin, wajtaj uvaj poqosqanta pallanman.

Deuteronomio 28:30

Casaranaykipaj parlapayakusqayki warmiwanpis waj qhari puñuykonqa. Wasita ruwakunki chaypis, mana chaypi tiyakunkichu. Uva huertata ruwanki chaypis, nillataj poqoyninta mikhunkichu.

1 Samuel 21:5

5 (6) Chantá David Sacerdoteman kuticherqa: Ama chaymanta llakikuychu. Sapa kuti maqanakoj llojsinaykupajqa warmiykuwan mana puñuykuykuchu. Kay kutipi noqayku mana maqanakojchu llojsimuyku chaypis, runaykunaqa mana warminkuwan puñuykorqankuchu. Chayrayku paykunaqa Diosman qayllanankupaj jina llimphuchasqa kashanku, nispa.