Jeremías 31:30 - DIOSPA QHELQACHISQ

³⁰ Manachayqa pikunachari k'allku uvata mikhojkunalla kirunkuta khipichikonqanku. Sapa ujpis juchanrayku wañonqa, nispa.

Qheshwa Biblia DC

³⁰ Pischari k'allku uvasmanta mikhojkunalla kirusninkuta chañachikunku. Sapa ujpis juchasninrayku wañonqanku.

DIOSPA QHELQACHISQAN DEUTEROCANONICAL

³⁰ Manachayqa pikunachari k'allku uvata mikhojkunalla kirunkuta khipichikonqanku. Sapa ujpis juchanrayku wañonqa, nispa.

Jeremías 31:30 ပူးပေါင်းရင်းမြစ်များ

2 Reyes 14:6

Tatanta wañuchejkunaj wawankukunatarí mana wañucherqachu, imaraykuchus Tata Dios Moisesnejta nisqa: Tatakunataqa mana wawankoj juchankurayku wañuchinkichejchu, nitaj wawakunatapis tatankoj juchankumanta wañuchinkichejchu. Aswanpis sapa runa juchanmanta wañuchisqa kachun, nispa.

Job 21:20

Pay kikinpuni Tukuy Atiyniyoj Diospa makinmanta jasut'ita jap'inan tiyan.

Isaías 3:11

Juchasapa runakunarí imanakullanqankuchus. Paykunataqa mana allinchu renqa, imaraykuchus paykunaman ruwasqankuman jina pagasqa kanqa.

Ezequiel 18:20

Pichus juchallikojlla wañonqa. Wawaqa tatanpa millay ruwasqanmanta mana juchachasqachu kanqa, nitaj tatapis wawanpa millay ruwasqamanta juchachasqallatajchu kanqa. Cheqan kaj runaqa cheqan ruwasqanmanta t'inkata jap'enqa. Mana allin puriyniyoj runatajrí millay ruwasqanmanta ñak'arillanata jap'enqa.

Ezequiel 18:4

Noqajtamin tukuy runakuna kanku, tatapis, jinallataj wawapis. Noqataj kayta nini: Pichus juchallejqa, chaymin wañonqapuni, nispa.

Ezequiel 3:24

Chaypacha Diospa Espíritun sonqoyman yaykuspa, sinch'ita sayachiwarqa. Tata Diostaj parlamuwaspa, niwarqa: Wasiykiman rispa, wasiyki ukhupi wisq'aykakamuy.

Ezequiel 33:13

Ichapis noqa cheqanta purej runata nisaj: Cheqamanta qanqa kawsanki, nispa. Jinapi sichus pay cheqan ruwasqanpi atinikuspa millay imakunata ruwanman chayqa, noqa tukuy cheqan ruwasqanta qonqasaj. Aswanpis chay runa millay ruwasqanmanta wañonqa.

Ezequiel 33:18

Sichus cheqan kaj runa cheqan kajta ruwayta saqespa millay kajta ruwanman chayqa, chay runa mana allinta ruwasqanrayku wañonqa.

Ezequiel 33:8

Sichus noqa juchasapa runata nini: Mana allinta ruwaj runa, cheqapuni wañunki, nispa chayqa, qantaj mana allinta ruwasqanmanta karunchakunanpaj mana reparachinkichu chayqa, mana allinta ruwaj runaqa juchanrayku wañonqa. Noqatajrí chay runa wañusqanmanta cuentata qanmanta mañasqayki.

Gálatas 6:5

imajtinchus sapa ujpis imatachus ruwasqanmanta cuentayoj kanqa.

Deuteronomio 24:16

Mana pipis wawanpa juchanrayku wañuchisqa kanqachu, nillataj pipis tatanpa juchanrayku wañuchisqa kallanqatajchu. Manachayqa sapa uj juchanmanta wañuchisqa kanqa.

Santiago 1:15

Chantá chay mana allin kajta ruwayta munanata pay kasun, jinataj juchallin. Pichus juchallispallapuni purejtaj wiñaypaj wañuyta tarikun.