Jeremías 31:3 - DIOSPA QHELQACHISQ

³ Unay Tata Diosqa Israelta nerqa: Noqa mana jayk'aj tukukoj munakuywan munakorqayki. Chayrayku khuyakuynillaywanpuni qanta qhawasqayki.

Qheshwa Biblia DC

³ Noqa unaymantapacha paywan rikuchikorqani. Nerqanitaj: Noqa munakorqayki wiñay munakuywan, chayrayku khuyakuynillaywampuni qanta pusaykachayki.

DIOSPA QHELQACHISQAN DEUTEROCANONICAL

³ Unay Tata Diosqa Israelta nerqa: Noqa mana jayk'aj tukukoj munakuywan munakorqayki. Chayrayku khuyakuynillaywanpuni qanta qhawasqayki.

Jeremías 31:3 ပူးပေါင်းရင်းမြစ်များ

1 Reyes 10:9

Tata Diosniyki yupaychasqa kachun, pichus qanwan kusisqa kaspa Israel suyuta kamachinaykipaj churasunki, chay. Israel suyuta wiñaypaj munakusqanrayku payqa kuraj kamachej kanaykipaj, cheqa kajtataj ruwanaykipaj churasunki, nispa.

Salmos 103:17

Tata Diospa khuyakuyninrí wiñay wiñaypaj payta may jatun respetowan qhawajkunapaj. Justicianpis tukuy tiempo runakunapaj mana tukukuyniyoj

Salmos 25:6

Tata Diosníy, k'acha kayniykita, khuyakuyniykita ima sapa p'unchay rikuchiwasqaykita yuyarikuy.

TAKIYKUNA 1:4

Usqhayta pusarikuway ari. Kuraj kamachejníy, puñunaykiman pusakuway. Qanwan manchayta kusikusqayku. Munarikusqaykeqa vinomantapis astawan misk'i. Chayrayku sipaskunaqa mayta munakusunku.

Isaías 43:4

Noqapaj may k'acha kanki, may allinpaj qhawayki, chantá munakuykitaj. Chayrayku kacharichisunaypaj waj runakunata, waj suyukunata ima pagota jina qosaj.

Isaías 45:17

Tata Dios israelitakunata wiñaypaj qhespichenqa. Paykunataj manaña jayk'ajpis p'enqachisqachu nitaj k'umuykachachisqachu kanqanku.

Isaías 49:14

Jinapis Sión llajta nin: Tata Diosqa saqerpariwan, qonqarpariwantaj, nispa.

Oseas 11:1

Tata Dios nin: Maypachachus Israel aylluy wawallaraj karqa chaypacha, noqa payta munakorqani, jinataj Egipto suyumanta payta wajyarqani.

Oseas 11:4

Misk'i simiwan sonqonta suwarqani, munakuywantaj waskhawan jina payta aysamorqani. Ñuñoj wawata jina uyayman astawan k'askaykuchikorqani, makiywantaj mikhucherqani.

Malaquías 1:2

Tata Dios nin: Noqa qankunata munakuykichej, nispa. Qankunatajrí niwankichej: Imaynapi yachaykuman qan noqaykuta munakuwasqaykutari? nispa. Chantá Tata Dios kutichin: Esauqa Jacobpa wawqen karqa. Chaywanpis noqa Jacobta munakorqani, ajinallatataj qankunatapis munakuykichej.

Romanos 8:30

Pikunatachus qallariypi ajllarqa, chaykunata wajyarqa. Chay wajyasqankunatataj cheqan runapaj qhawarqa, ajinata qhawaspataj, jatun kayninwan paykunata jatuncharqa.

Romanos 9:13

Diospa Qhelqachisqanpi ajinata nin: Jacobta munakorqani, Esautatajrí chejnerqani, nispa.

Deuteronomio 10:15

Chaywanpis Tata Diosqa qankunaj tataykichejta munakorqa, tukuy ayllu ukhumantataj paykunaj mirayninkuta ajllakorqa. Chaykunaqa qankuna kankichej, imaynatachus kunan rikushanchej, chay.

Deuteronomio 33:26

Jesurunpa Diosnin jinaqa mana pipis kanchu. Payqa Israel ayllunta yanapananpaj janajpi phuyu chawpipi may jina atiyninwan purin.

Deuteronomio 33:3

Tata Diosqa ayllunta munakun. Tukuy paypaj t'aqasqa kajkuna makinpi kashanku. Paykunaqa ñawpaqenman k'umuykunku, Paypa nisqantataj kasunku.

Deuteronomio 4:37

Payqa ñawpa tataykichejkunata munakusqanrayku, mirayninkuta ajllakorqa. Paymin jatun atiyninwan Egiptomanta orqhomusorqachej.

2 Timoteo 1:9

Paymin qhespichiwarqanchej, chantá juchamanta t'aqasqa jina kawsananchejpaj wajyawarqanchej, mana allin kajta ruwasqanchejraykuchu, aswanpis imatachus munasqanta junt'ananrayku, chantá qhasilla k'acha yanapayninrayku ima. Ajinata Diosqa Cristo Jesusnejta chay qhasilla k'acha yanapayninta qowarqanchej, manaraj kay pacha ruwasqa kashajtin.

Santiago 1:18

Payllataj munasqanrayku cheqan nisqannejta kawsayta qowarqanchej, tukuy imatachus ruwasqanmanta noqanchej ñawpaj kaj poqoy jina kananchejpaj.

1 Pedro 1:3

Yupaychasqa kachun Tukuyta Kamachej Jesucristonchejpa Tatan Dios. Payqa jatun khuyakuyninrayku watejmanta paqarichiwarqanchej, Jesucristota wañusqamanta kawsarichisqannejta. Chayrayku kunan mayta suyakushanchej

1 Juan 4:19

Noqanchejqa ujkuna ujkuna munakunchej, imaraykuchus Diosraj ñawpajta munakuwarqanchej.