Jeremías 31:20 - DIOSPA QHELQACHISQ

²⁰ Noqapaj Efrainqa munasqa waway, aswan munasqa kaj churiy. Payta kutin kutinta k'amini chaypis, manapuni paymantaqa qonqapunichu. Sonqoypis wawayan, maytataj paymanta khuyakuni. Ajinata noqa Tata Dios nini.

Qheshwa Biblia DC

²⁰ Efraín llajtaqa noqapaj munasqa waway jina; aswan munasqa kaj wawaj. Payta k'amini chaypis, manapuni paymanta qonqakapunichu, sonqoy wawayawajtin, mayta paymanta khuyakuni. Noqa Señor chayta nini.

DIOSPA QHELQACHISQAN DEUTEROCANONICAL

²⁰ Noqapaj Efrainqa munasqa waway, aswan munasqa kaj churiy. Payta kutin kutinta k'amini chaypis, manapuni paymantaqa qonqapunichu. Sonqoypis wawayan, maytataj paymanta khuyakuni. Ajinata noqa Tata Dios nini.

Jeremías 31:20 ပူးပေါင်းရင်းမြစ်များ

Isaías 55:7

Millayta ruwajqa millay kawsayninta saqechun. Millay runapis imatachus yuyasqanta saqechun. Tata Diosman kutirikamuchun, imaraykuchus paymanta khuyakonqa. Diosninchejman kutirikuchun, paytaj jatun sonqoyoj kasqanman jina chay runaj tukuy juchanta pampachanqa.

Isaías 63:15

Tata Dios, qan janaj pachamanta qhawarimuy, may llimphu kamachinayki tiyanamanta allinta qhawarimuy. Maytaj kunan chay sinch'i munakuyniyki, kallpaykitajri? Khuyakuyniyki tukukapunchu, sonqoykipis noqaykurayku manañachu wawayan?

Salmos 103:13

Imaynatachus uj tata wawanmanta khuyakun, ajinallatataj Tata Diospis payta may jatun respetowan qhawajkunata khuyakun.

Oseas 14:4

Tata Dios nin: Mana kasukoj kasqaykichejta noqa jampisaj. Noqa tukuy sonqo munakusqaykichej mana munakunapaj jina kashajtiykichejpis, imaraykuchus phiñakuyneyqa tiyaykapunña.

Jueces 10:16

Chantá israelitakunaqa chay waj dioskunata saqespa, Tata Diosta yupaycharqanku. Tata Diospis manaña munarqachu israelitakuna astawan ñak'arinallankutapuni, imaraykuchus sinch'ita llakikorqa ñak'arishasqankumanta.

Filipenses 1:8

Dioslla yachan imaynatachus qankunata munakusqayta Jesucristoj sinch'i munakuyninwan.

San Lucas 15:24

Kay wawayqa wañusqa karqa, kawsarimuntaj. Chinkasqa karqa, kunantajrí tarikapuni, nispa. Ajinamanta tukuyninku mayta kusikuspa, raymita ruwayta qallarisqanku.

Jeremías 48:36

Chayrayku sonqoyqa Moabrayku waqan, Quir Jerespi runakunaraykutaj. Wañuypi jina qenata tocarispa waqallanitaj, imaraykuchus tukuy tantasqa qhapaj kapuynenqa chinkapun.

Isaías 16:11

Chayrayku tukuy sonqoywan Moab suyumanta arpa jina waqani, jinallataj Quir Jeresmantapis.

Jeremías 31:9

Waqarikuspa, chantá noqamanta mañarikuspa ima kutimponqanku. Noqa paykunata yakuyoj mayoj kantunta pusaykachasaj, cheqan sumaj ñannintataj, ama misk'akunankupaj, imaraykuchus noqamin Israelpa tatan kani, Efraintaj kuraj kaj waway, nispa.

Jeremías 3:19

Israel, noqa qanta wawaypaj jina jap'ikapuyta yuyarqani, sumaj moq'ena jallp'ata qonasuypaj, tukuy kay pachapi jallp'amanta aswan sumaj jallp'ata. Noqa yuyarqani: Tatáy, nispa ninawaykita, manataj jayk'ajpis noqamanta karunchakunawaykita.

TAKIYKUNA 5:4

Munasqayqa punku k'ajllunta makinta jaywaykamorqa. Chaytajrí, sonqoyta tujtukiyacherqa, tukuy ukhuytaj kharkatitirerqa.

Proverbios 3:12

imaraykuchus Tata Diosqa, pitachus munakun, chayta cheqan ñanman churan, imaynatachus uj tata munasqa wawanta cheqan ñanman churan, ajinata.

1 Reyes 3:26

Chantá chay kawsashaj wawaj mamanqa wawanrayku maytapuni llakikuspa, kuraj kamachejta nerqa: Wiraqochi kuraj kamachejníy, ama wañuchiychejchu chay kawsashaj wawata. Kay warmiman qopuychej, nispa. Chay uj warmitajrí nerqa: Wañuchiychej, ni paypaj ni noqapaj kachunchu. Iskayman khuchurpariychej, nispa.

Deuteronomio 32:36

Chaypacha Tata Diosqa pisi kallpayojta, rikuspa ayllunman kutikonqa. Tata Diosqa kamachinkunamanta khuyakonqa, manaña kallpayoj, nitaj pisi kallpayoj qhepakusqankuta rikuspa.

Génesis 43:30

José sullk'anta rikukapuspa, yaqhapuni waqaywan atipachikorqa, imaraykuchus kusiymanta sonqon wawayarqa. Chayrayku usqhayllata puñunan cuartoman yaykuspa, waqarikorqa.

San Lucas 15:32

Chaywanpis raymita ruwaspa, kusikunanchejpuni karqa, imaraykuchus kay wawqeykeqa wañusqa karqa, kawsarimuntaj, chinkasqa kasqanmantataj tarikapunchej, nispa. Ajinata Jesús runakunaman yachacherqa.

Jeremías 3:12

Chayrayku, wichaynejman rispa, kayta Israelman willamuy: Tata Dios nin: Noqaman kutimpuway, wasanchawaj Israel. Mana phiñasqachu qanta qhawasqayki, nitaj phiñakuyneyqa wiñaypajchu kanqa, imaraykuchus noqaqa khuyakuyniyojmin kani. Noqa Tata Diosmin chayta niykichej.

Jeremías 33:26

Kikillantataj mana jayk'ajpis Jacobpa mirayninta, nitaj kamachiy Davidpa mirayninmanta kamachinanpaj qhesachasajchu. Paykuna ukhumanta Abrahampa, Isaacpa, Jacobpa mirayninta kamachinanpaj jatarichisaj. Paykunamanta khuyakuspa, watej kay suyuman kutichimpusaj, nispa.

Ezequiel 33:11

Chayrayku paykunata niy: Noqa Tukuyta Kamachej Tata Dios sutiyrayku tiluspa nini: Mana munanichu mana allinta ruwaj runa juchanrayku wañunanta. Astawanpis munani millay ruwananmanta kutirikuspa, kawsananta. Israelitakuna, millay kawsayniykichejmanta kutirikamuychej. Imaraykutaj qankuna wañuyta munankichejri? nispa.

Levítico 26:44

Chay tukuywanpis awqaykichejpa llajtanpi kashajtiykichejpis, mana qankunata saqerparisqaykichejchu, nitaj qhesachasqaykichejchu. Nillataj tukuchisunaykichejkama chejnikusqaykichejchu. Manallataj qankunawan ruwasqay tratotapis p'akisajchu, imaraykuchus noqamin Tata Diosniykichej kani.

Isaías 30:18

Chaywanpis Tata Dios qankunaman khuyakuyninta, munakuyninta ima rikuchinasuykichejpaj suyashasunkichej, imaraykuchus payqa cheqanta ruwaj Diosmin. Pay yanapananta tukuy suyakojkunaqa may kusikuyniyojmin kanqanku.

Lamentaciones 3:22

Tata Diospa khuyakuynenqa mana jayk'ajpis tukukunchu, munakuyninpis mana tukukuyniyojchu.