Jeremías 31:16 - DIOSPA QHELQACHISQ

¹⁶ Tata Dios nillantaj: Raquel, amaña astawan waqaychu. Waqayniykita pichakuy, wawaykikunarayku ruwasqaykimantaqa t'inkayki kanqapuni. Wawaykikunaqa awqankoj suyunmanta kutimponqanku. Noqa Tata Diosmin chayta nini.

Qheshwa Biblia DC

¹⁶ Señortaj nin: Raquel, amaña astawan waqaychu, amaña waqaykunasniykita suruchiychu, imaraykuchus chay waqaykunasniykeqa t'inkayoj kanqa; wawasniykeqa enemigosniykej jallp'anmanta kutimponqanku. Noqa Señor chayta nini.

DIOSPA QHELQACHISQAN DEUTEROCANONICAL

¹⁶ Tata Dios nillantaj: Raquel, amaña astawan waqaychu. Waqayniykita pichakuy, wawaykikunarayku ruwasqaykimantaqa t'inkayki kanqapuni. Wawaykikunaqa awqankoj suyunmanta kutimponqanku. Noqa Tata Diosmin chayta nini.

Jeremías 31:16 ပူးပေါင်းရင်းမြစ်များ

Génesis 43:31

Sonqon tiyaykojtintaj, uyanta mayllarqokuytawan, llojsimorqa. Chantá kamachinkunata nerqa: Mikhunata qarallaychejña, nispa.

Génesis 45:1

Judajpa nisqanta José uyarejtin, sonqon wawayarqa, jinataj kamachinkunaj ñawpaqenkupi manaña awantakuyta aterqachu. Chayrayku jatunmanta qhaparispa, paykunata nerqa: Kaymanta tukuy llojsiychej, nispa. Ajinaqa José wawqenkunaman rejsichikushajtin, Egipto llajtayojkunamanta mana pipis paywan karqachu.

2 Crónicas 15:7

Chayrayku qankunaqa kallpachakuychej, amataj iskayrayaychejchu, imaraykuchus tukuy allin ruwasqaykichejmanta t'inkachisqa kankichej, nispa.

Salmos 126:5

Pikunachus waqaspa tarpojkunaqa kusiymanta takirispa chajraj poqosqanta oqharenqanku.

Salmos 30:5

5 (6) Tata Dios phiñakun chaypis, mana unaypajchu, k'acha kaynintajrí wiñaypaj kallanpuni. Sichus tutan waqasunman chaypis, sut'iyayta kusiymanta phinkirisunchej.

Eclesiastés 9:7

Chayrayku qanqa kusisqa mikhuy, vinoykitapis tukuy sonqo ujyarikuy, imaraykuchus Diosqa ruwasqanchejta allin kasqanta nin.

Isaías 25:8

Tukuyta Kamachej Tata Diosqa wañuyta wiñaypaj chinkachenqa, tukuypa waqaynintataj pichanqa. Ayllunpa mana allinpaj qhawasqa kayninkutapis tukuy kay pachamanta chinkachillanqataj. Ajinata Tata Diosqa nin.

Isaías 30:19

Sionmanta runakuna, pikunachus Jerusalén llajtapi tiyakushankichej, qankuna manaña astawan waqankichejchu. Khuyakoj Tata Dios yanapananta mañakusqaykichejta uyarisonqachejpacha.

Isaías 40:10

Tukuyta Kamachej Tata Dios jatun atiyninwan jamuspa, atiyniyoj makinwan tukuy imata k'umuykuchin. Payqa ayllunta kacharichiytawan, paykunata pusamushan.

Jeremías 23:3

Tata Dios nillantaj: Noqa kikin puchoj ovejaykunata tantasaj, maymanchus wijch'orqani, chay suyumantapacha kanchankuman kutichimpusaj, chaypitaj mayta miranqanku.

Jeremías 29:14

Arí, noqata qankuna tariwankichej, chantá preso kasqaykichejta tukuchisaj. Chay suyumanta orqhomusqaykichej, maymanchus apasqa karqankichej, chaymanta tantaykusqaykichej. Chantá Jerusalén llajtaman kutichimusqaykichej, maymantachus karuman apacherqaykichej, chayllamantaj. Noqa Tata Diosmin chayta nini.

Jeremías 30:18

Tata Dios nillantaj: Jacobta waj suyuman apasqa kasqanmanta kutichimusaj, suyunmantataj khuyakusaj. Llajtanqa raqaykuna patallapitaj watej sayarichisqa kanqa. Kamachina wasikunapis, maypichus karqanku, chayllapitaj sayarichisqa kanqanku.

Jeremías 30:3

Uj p'unchay jamushan, chay p'unchaytaj Israelmanta, Judamantawan apasqa kajkuna llajtankuman kutimponqanku. Noqaqa paykunata ñawpa tatankuman qosqay suyuman kutichimusaj, chaypi tiyakunankupaj. Noqa Tata Diosmin chayta nini.

Jeremías 33:11

Jinallataj casarakojkunaj kusiymanta takisqanku ima uyarikullanqataj. Chantá Tata Diospa Templonman pachis nispa jaywanata apamojkunaj takisqanku uyarikullanqataj. Kay jinata takenqanku: Tukuy Atiyniyoj Tata Diosman pachis niychej, imaraykuchus Tata Diosqa k'achamin, khuyakuynintaj wiñaypaj, nispa. Arí, noqa kay suyuta watejmanta kutichisaj, ñawpajta karqa, ajinallataj kananpaj. Noqa Tata Diosmin chayta nini.

Jeremías 33:7

Noqaqa Judata, Israeltawan watej t'ikarichisaj, jinaspataj, imaynachus ñawpajta karqanku, ajinata sayarichisaj.

Ezequiel 37:21

Jinaspataj, paykunata ninki: Tukuyta Kamachej Tata Dios kay jinata nin: Israelitakuna maymanchus ch'eqerasqa chayarqanku, chay suyukuna ukhumanta orqhomuspa, paykunata tukuynejmanta tantaykamusaj, suyunkumantaj kutirichimusaj.

Oseas 1:11

11 (2.2) Chaypacha Judá suyumanta kajkuna, Israel suyumanta kajkunawan ujllaman tantakonqanku. Paykuna uj kamachejllata churakonqanku, chantataj tukuynejmanta Jerusalenman kutimponqanku. Jezrelpa p'unchaynenqa may yuyarisqamin kanqa.

1 Tesalonicenses 4:14

Noqanchejqa Jesús wañusqanta, chantá kawsarimpusqanta creenchej. Ajinallataj creenchej Dios kawsarichinanta, Jesuspi atinikojkunamanta pikunachus wañupunkuña, chaykunata.

Hebreos 11:6

Diospi mana atinikuspaqa, mana pipis atinmanchu Diospa ñawpaqenpi allinpaj qhawasqa kayta, imaraykuchus Diosman qayllaykojqa pay kasqantapuni tukuy sonqo creenan tiyan. Yachanallantaj tiyan, pikunachus Diosta tukuy sonqo mask'anku, chaykunaman Diosqa sumaj t'inkata qonanta.

Hebreos 6:10

Diosqa cheqan kaspa, ruwasqaykichejmanta mana qonqaponqachu, jinallataj payta munakusqaykichejmantapis. Chayrayku qankuna Diospa ajllakusqankunata yanaparqankichej, kunanpis yanapashallankichejpuni.

Rut 2:12

Israelpa Tata Diosnin, pipichus atinikushanki, paymin suegraykita yanapasqaykimanta kutichipusuchun, allin kajtataj qopusuchun tukuy ruwasqaykimanta, nispa.