Jeremías 31:14 - DIOSPA QHELQACHISQ

¹⁴ Sacerdotekunamanpis allin mikhunata mikhuchisaj, aylluytataj chhika patapi kawsarichisaj, ashkha allin imakunata qosqaywan. Ajinata noqa Tata Dios nini.

Qheshwa Biblia DC

¹⁴ Chay sacerdotes kajkuna aswan allin kaj mikhunasta mikhunankuta nisaj, aylluytaj kusikuchun ashkha allin imasta qosqasniykiwan. Noqa Señor chayta nini.

DIOSPA QHELQACHISQAN DEUTEROCANONICAL

¹⁴ Sacerdotekunamanpis allin mikhunata mikhuchisaj, aylluytataj chhika patapi kawsarichisaj, ashkha allin imakunata qosqaywan. Ajinata noqa Tata Dios nini.

Jeremías 31:14 ပူးပေါင်းရင်းမြစ်များ

2 Crónicas 6:41

Tata Diosníy, samakunayki cheqaman jamuy, arcaykiwan khuska, mayqenchus jatun atiyniykita rikuchin, chaywan. Tata Diosníy, sacerdoteykikunaqa tukuy runaman qhespichiyniykimanta willachunku, kamachisqaykita ruwajkunataj kusikuyta rikuchunku.

Nehemías 10:39

Israelitakuna, jinataj levitakunapis apanqanku imatachus Diosman qonankuta granomanta, vinomanta, aceitemanta ima, Templopi jallch'ana wasiman. Chaypi kashan Templopi imachus ruwanata ruwanapaj imakuna. Chayllapitaj kashanku sacerdotekuna, Templopi ruwanayoj kajkuna, punkuta qhawajkuna, jinataj takejkunapis. Ajinata niyku Diosniykoj Templonta mana saqerparinaykuta, nispa.

Salmos 107:9

Payqa yakumanta ch'akikojta ujyachin, yarqhasqa kajkunamantaj ashkha mikhunata qon.

Salmos 132:16

Sacerdotenkunata llimphu kawsaywan p'achawan jina p'achallichisaj. Diosta mana wasanchaj kamachikunapis kusiymanta takirikonqanku.

Salmos 132:9

Sacerdoteykikunaqa llimphu kawsaywan p'achawan jina p'achallisqa kachunku, kamachiyniykipi kajkunapis kusiymanta takichunku.

Salmos 17:15

Noqatajrí cheqanta ruwaj kaspa, uyaykita rikusaj. Rijch'arispa, qanta rikusqayki, chaywantaj sonqo junt'asqa kasaj.

Salmos 36:8

8 (9) Wasiykipi ashkha mikhunawan paykunata sajsachinki, misk'i yaku mayumantataj paykunata ujyachinki.

Salmos 63:2

2 (3) Yupaychana wasiykipi rikusuyta munayki. Atiyniykita, jatun kayniykej lliphipiyninta ima qhawayta munani.

Salmos 63:5

5 (6) Almayqa may kusisqa, sajsasqataj kanqa, jatun mikhuypi misk'i mikhunawan sajsakoj runa jina. Chantá kusiy takiykunawan yupaychasqayki.

Salmos 63:6

6 (7) Puñunaypi sirisqa kashaspa, qanmanta yuyarikuni, tukuy tuta qanllamanta unancharini.

Salmos 65:4

4 (5) Kusikuyniyojmin ajllakusqayki runaqa, qayllaykipi tiyakunanpaj pusasqayki kaj. Wasiykipi tukuy allinkunawan junt'achisqa kasqayku, ajllakusqayki Temploykipitaj saminchasqa kasqayku.

Salmos 85:13

13 (14) Justiciaqa Tata Diospa ñawpaqenta kacha jina renqa, ñantataj purinanpaj wakichiponqa.

Salmos 90:14

Tutamanta munakuyniykiwan sajsachiwayku, mayk'ajkamachus kawsanaykukamataj kusisqa takisqayku.

TAKIYKUNA 5:1

Noqa huertayman yaykuniña, chunkitúy, munasqetáy. Noqaqa mirraytawan, sumaj k'acha q'apayniyoj jawinatapis pallaniña. Chantá abeja misk'itapis mikhuniña. Vinoytawan, lecheytawanpis ujyaniña. Munasqa kawsaqeykuna, mikhurikuychej, ujyarikuychej munanakuspa sajsanaykichejkama.

Isaías 25:6

Chaypachataj Tukuy Atiyniyoj Dios Sión orqopi tukuy suyupaj jatun mikhuyta wakichenqa misk'i mikhuykunawan, sumaj kaj vinowan ima. Chantá sumaj kaj aycha mat'akunata mikhuchenqa, aswan sumaj poqosqa vinotawan ujyachenqa.

Isaías 61:6

Qankunataj Tata Diospa sacerdotenkuna nisqa kankichej, Diospa kamachinkuna nisqataj. Qankunaqa waj suyukunaj qhapaj kapuyninkumanta mikhunkichej, qhapaj kayninkuwantaj kusikunkichej.

Jeremías 31:25

Yarqhasqa kajkunaman mikhuchisaj, yakumanta ch'akisqakunamantaj yakuta ujyachisaj, nispa.

Jeremías 33:9

Chantá Jerusalén llajta kusikunay llajta kanqa, tukuy suyoj ñawpaqenkupi manchay uyarisqa kanqa. Paykunanejta kay pachapi tukuy suyukunaj ñawpaqenpi yupaychasqa, chantá manchay uyarisqa kasaj. Jinataj sonqo tiyaykuy kawsayta qosqayrayku chantá tukuy imawan junt'achisqayta rikuspa, waj suyukunamanta runakuna kharkatitenqanku, nispa.

Jeremías 50:19

Israel aylluytarí tiyakunanku llajtaman kutichimusaj, chaypitaj ovejakuna jina sumaj pastota mikhonqanku Carmelopi, Basanpi, Efrainpa orqonpi, Galaadpi ima, nispa.

Ezequiel 34:14

Israelpa orqo puntanpi sumachaj pastokunapi paykunata mikhuchimusaj. Chaynejpi puñukonqanku, may sumachaj pastotataj mikhukonqanku.

Hageo 2:19

Qankuna kay p'unchaymanta allinta unanchariychej. Kunanmanta ñawpajman pirwaykichejpi trigo manaña pisiyanqachu. Mana uvapis, nitaj higopis, ni granadapis, ni olivopis poqoshanrajchu. Chaywanpis kunanmantapacha noqa saminchasqaykichej. Noqa Tata Diosmin chayta nini.

San Mateo 5:6

Kusikuyniyojmin kanku cheqan kawsaymanta yarqhachikojkunaqa, ch'akichikojkunapis, imaraykuchus Dios paykunata sajsachenqa.

Efesios 1:3

Tukuyta Kamachej Jesucristonchejpa Tata Diosninta yupaychana, imaraykuchus Cristoman ujchasqa kasqanchejrayku, Santo Espirituman jina janaj pachapi tukuy imaymanamanta saminchaykuwanchej.

Efesios 3:19

Chantapis mañapullaykichejtaj Cristoj munakuyninta sumajta rejsinaykichejpaj, mayqenchus tukuy runaj yuyayninta atipan, chayta. Ajinamanta Diosmanta jamoj kawsaywan, chantá atiyninwan ima junt'asqa kayta atinkichej.

Deuteronomio 33:23

Moisés Neftalí jatun ayllumanta parlasparí, nerqa: Neftalitaqa Tata Dios allinta qhawan. Tata Dios yanapasqanrayku tukuy imawan saminchasqa kashan. Paypa jallp'anqa mama qochamanta uranejkama kanqa, nispa.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

Apocalipsis 5:10

Jinallataj paykunata ruwarqanki Diosninchejpaj kuraj kamachejkuna, chantá sacerdotekuna ima kanankuta, paykunataj kay pachapi kamachenqanku, nispa.