Jeremías 31:12 - DIOSPA QHELQACHISQ

¹² Tata Dios nillantaj: Chantá jamuspa, paykuna Sión orqo patapi kusiywan takenqanku. Noqa Tata Dios kay imakunawan paykunata saminchasqayrayku kusikonqanku: Trigowan, vinowan, aceitewan, ovejakunawan, wakakunawan ima. Paykunaqa sumaj qarpasqa huerta jina kanqanku, manañataj kallpankupis pisiyanqachu.

Qheshwa Biblia DC

¹² Jamonqanku, kusiywantaj Sión orqo patapi takenqanku, Señorpa allin kaj imasta apachimusqasninmanta kusikonqanku; trigowan, vinowan, aceitewan, ovejaswan, wakaswan ima, kausayninkoqa sumaj qarpasqa huerta jina kanqa; manataj kallpankuta chinkachenqankuchu.

DIOSPA QHELQACHISQAN DEUTEROCANONICAL

¹² Tata Dios nillantaj: Chantá jamuspa, paykuna Sión orqo patapi kusiywan takenqanku. Noqa Tata Dios kay imakunawan paykunata saminchasqayrayku kusikonqanku: Trigowan, vinowan, aceitewan, ovejakunawan, wakakunawan ima. Paykunaqa sumaj qarpasqa huerta jina kanqanku, manañataj kallpankupis pisiyanqachu.

Jeremías 31:12 ပူးပေါင်းရင်းမြစ်များ

Salmos 130:4

Juchallisqayku pampachasqa kananta qanllapi tariyku, qanllata jatunchanaykupaj.

Isaías 1:30

Qankuna qawisqa laqheyoj encina sach'a jina kankichej, mana qarpasqa huertamantaj rijch'akunkichej.

Isaías 35:10

Ajinata Tata Diospa qhespichisqan kajkuna kutimponqanku, Sionmantaj takirikuspa yaykuponqanku. Jatun kuseyqa pillu jina umankupi kanqa. Chaypacha paykunata jatun kusiy taripanqa, llakiywan, ayqoywantaj paykunapaj tukukaponqa.

Isaías 51:11

Pikunatachus Tata Dios pagota qospa kacharicherqa, chaykuna kutimponqankupuni. May kusiywan takirispa, Sión llajtaman yaykonqanku, chaypitaj wiñaypaj kusisqa tiyakonqanku. Paykunaqa kusisqallapuni kanqanku, nanaywan, waqaywantajrí chinkaponqa.

Isaías 52:8

Llajta qhawajniykikunaj qhaparisqankuta uyariy. Tukuyninku ujllapi kusiymanta qhaparinku, imaraykuchus kikin ñawinkuwan Tata Diosta Sionman kutimushajta rikunku.

Isaías 58:11

Chantá noqa Tata Diosqa pusaykachasqaykichejpuni. Ch'innejpi ashkha mikhunata qosqaykichej. Ukhuykichejtapis sumajta kallpachasaj. Qankunataj sumaj qarpasqa huerta jina kankichej, mana jayk'aj ch'akej yaku juturi jinataj.

Isaías 60:20

Inteqa mana jayk'ajpis yaykuponqachu, nitaj killa wañuypis kanqachu. Noqa Tata Diosmin wiñaypaj k'anchayniyki kasaj, jinataj phutisqa purinayki p'unchaykunapis tukukaponqa.

Isaías 65:19

Chaypacha Jerusalén llajtarayku kusikusaj, aylluytaj noqapaj may jatun kusiy kanqa. Chay llajtapi manaña jayk'ajpis waqajkunata uyarenqankuchu, nitaj llakiywan qhaparejkunatapis.

Jeremías 3:14

Tata Dios nillantaj: Contrayta oqharikoj churiykuna, noqaman kutirimuychej, imaraykuchus noqa qankunaj dueñoykichej kani. Noqa sapa llajtamanta ujta ajllakusaj, sapa ayllumantataj iskayta, jinaspataj, Sionman ujtawan kutichimusaj.

Jeremías 31:24

Judá suyoj llajtankunapi runakuna tiyakonqanku, tukuy llank'ajkuna, ovejakunata michejkuna ima.

Jeremías 31:25

Yarqhasqa kajkunaman mikhuchisaj, yakumanta ch'akisqakunamantaj yakuta ujyachisaj, nispa.

Jeremías 31:4

Munasqa Israel ayllúy, watej oqharisqayki, sayarichisqataj kanki. Watej panderetata oqharispa, kusiywan tusurinki.

Jeremías 31:6

Uj p'unchay chayamonqa, chay p'unchaypitaj llajtata qhawajkuna Efrainpa orqonkunapi qhaparenqanku: Jamuychej, Sión orqoman jaku rinachej Tata Diosninchejta yupaychaj, nispa.

Jeremías 31:7

Tata Dios nin: Jacobpa ayllunrayku kusikuspa takiychej. Munasqa suyurayku kusiywan qhapariychej. Yupaychaspa, kay jinata niychej: Tata Diosqa ayllunta kacharichin, Israelmanta puchojkunatataj kacharichin, nispa.

Jeremías 32:15

Israelpa Tukuy Atiyniyoj Tata Diosnin nin: Kay suyupi watej wasikunata, jallp'akunata, uva huertakunatapis rantikullanqankutaj, nispa.

Jeremías 33:12

Tukuy Atiyniyoj Tata Dios nillantaj: Kay suyoqa kunan ch'inpacha kashan, manataj runakuna, nitaj uywakunapis kanchu. Chaywanpis tukuynejpi watej pasto wiñallanqataj, tukuy michejkuna chaypi ovejankuta michinankupaj.

Jeremías 33:13

Chay orqopi kaj llajtakunapi, inti yaykuynej pampapi, Néguev ch'innejpi, Benjamín jap'iypi ima uywankuta yuparispa kanqanku. Jinallataj Jerusalenpa muyuyninpi kaj llajtakunapi, Judá suyoj wakin llajtanpipis watej michejkuna ovejankuta yupaspa kallanqankutaj. Noqa Tata Diosmin chayta nini.

Ezequiel 17:23

Israelpi aswan jatun orqopi mallkisaj. Chantá thansanqa may jinata wiñarenqa, poqonqataj. Manchay sumaj pinomanpuni tukonqa. Tukuy imaymana animalkunapis llanthun urapi kawsakonqanku, tukuy imaymana p'isqokunapis thansanpi thapachakonqanku.

Ezequiel 20:40

Ajllakusqay orqopi, Israelpa jatun orqonpi tukuynin israelitakuna yupaychawanqanku. Chaypi noqa tukuy sonqo jap'ikapusqaykichej. Chayllapitaj qankunamanta mañasqaykichej jaywanata jaywanawaykichejta, chajraykichejmantataj ñawpaj kaj poqoyta apamunawaykichejta, chantá imatachus qonawaykichejpaj t'aqankichej, chaykunatawan. Noqa Tukuyta Kamachej Tata Dios ajinata nini.

Ezequiel 34:14

Israelpa orqo puntanpi sumachaj pastokunapi paykunata mikhuchimusaj. Chaynejpi puñukonqanku, may sumachaj pastotataj mikhukonqanku.

Ezequiel 36:30

Jinallatataj sach'aykichejta, chajraykichejtapis ashkhata poqochipusqaykichej, amaña jayk'ajpis ujtawan waj suyukunaj ñawpaqenpi yarqhaywan p'enqayta rikhurinaykichejpaj.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Joel 3:18

18 (4.18) Chay p'unchayqa orqokunapi, lomakunapi ima vinowan, lechewan yaku jina purenqanku. Judá suyupitaj juch'uy mayukunapis ashkha yakuyoj kanqanku. Noqaj Temploypi yaku juturi rikhurenqa, chaytaj Sitín valleta qarpanqa.

Hageo 2:19

Qankuna kay p'unchaymanta allinta unanchariychej. Kunanmanta ñawpajman pirwaykichejpi trigo manaña pisiyanqachu. Mana uvapis, nitaj higopis, ni granadapis, ni olivopis poqoshanrajchu. Chaywanpis kunanmantapacha noqa saminchasqaykichej. Noqa Tata Diosmin chayta nini.

Zacarías 8:12

Paykuna ukhupi allinpi kawsakuy tarpusqa kanqa. Uva sach'akunapis poqonqanku, chajrata tarpusqankupis ima munayta poqorenqa. Parapis paramullanqapuni. Noqataj kutimoj israelitakunaman kay tukuy imata paykunajta kananpaj qosaj.

San Juan 16:22

Ajinallatataj qankunapis kunan llakikushankichej. Chaywanpis uj kutitawan rikusqaykichej, sonqoykichejtaj kusikonqa, manataj pipis chay kusikuyta qankunamanta qhechuyta atenqachu.

Romanos 2:4

Ajinata ruwaspa, qanqa Diospa qhapaj khuyakuyninta qhesachashanki, paciencianta, jatun munakuyninta ima. Manachu yachanki munakuynenqa Diosman kutirikunaykipaj qanta pusashasusqanta?

Apocalipsis 21:4

Payqa tukuy waqayta ñawinkumanta pichanqa, manañataj wañuy kanqachu, nitaj waqanapis, nitaj ayqonapis, nillataj nanaypis, imaraykuchus imachus ñawpajta karqanku, chaykunaqa manaña kanqachu, nispa.

Apocalipsis 7:17

Kamachina tiyanapi tiyashaj Corderoqa paykunata michenqa, kawsayta qoj yaku juturinkunamantaj pusanqa. Diostaj paykunaj ñawinkumanta waqasqankuta pichanqa, nispa.