Jeremías 31:11 - DIOSPA QHELQACHISQ

¹¹ Tata Diosmin preciota pagaspa, Jacobpa ayllunta kacharicherqa paykunamanta aswan atiyniyoj suyukunamanta, nispa.

Qheshwa Biblia DC

¹¹ Señorqa watejmanta Jacobpa ayllunta jap'ikaporqa, payta kacharicherqa aswan atiyniyojkunamanta.

DIOSPA QHELQACHISQAN DEUTEROCANONICAL

¹¹ Tata Diosmin preciota pagaspa, Jacobpa ayllunta kacharicherqa paykunamanta aswan atiyniyoj suyukunamanta, nispa.

Jeremías 31:11 ပူးပေါင်းရင်းမြစ်များ

Salmos 142:6

6 (7) Qhaparikamususqayta uyariway, imaraykuchus ancha pisi kallpa kashani. Chejnikuspa qhatiykachawajkunamanta kacharichiway, imaraykuchus paykuna noqamanta nisqaqa aswan kallpayoj kanku.

Éxodo 15:16

Paykunaj patankuman kharkatitiy, manchachikuy ima urmachun. May jina atiyniykiwan rumi jina titipacha kachunku, Israel aylluyki pasanankama, orqhokapusqayki ayllu chimpanankama.

Isaías 44:23

Janaj, kusiywan takiy, imaraykuchus kaytaqa Tata Diosmin ruwan. Ukhu pacha, kusiywan qhapariy. Qankuna orqokuna, montepi tukuy sach'akuna ima kusiywan takirikuychej, imaraykuchus Tata Diosqa Jacobpa ayllunta pagota qospa kacharichin, ajinamantataj Israelpi jatun kayninta rikuchin.

Isaías 48:20

Chaywanpis kunan Babiloniamanta llojsiychej, caldeokunamantataj ayqekuychej. Kay imakunamanta kusiywan willamuychej, kay pachaj k'uchunkamataj uyarichiychej. Chaypacha niychej: Tata Dios pagota qospa kamachin Jacobta kacharichin, nispa.

Isaías 49:24

Pitaj soldadokunamanta imatachus maqanakupi qhechusqanta qhechuyta atinmanri? Uj runa presochasqa kasqanmanta ayqekuyta atinmanchu?

Isaías 49:25

Tata Diostajrí ninpuni: Presochasqa runaqa kallpayoj soldadoj makinmanta qhechusqa kanqa, presochasqa runapis millay runaj makinmanta kacharichisqallataj kanqa. Qanwan churanakojkunawan noqa churanakusaj, noqa kikiytaj wawaykikunata kacharichisaj.

Isaías 51:11

Pikunatachus Tata Dios pagota qospa kacharicherqa, chaykuna kutimponqankupuni. May kusiywan takirispa, Sión llajtaman yaykonqanku, chaypitaj wiñaypaj kusisqa tiyakonqanku. Paykunaqa kusisqallapuni kanqanku, nanaywan, waqaywantajrí chinkaponqa.

Jeremías 15:21

Noqamin preciota pagaspa millay runakunaj makinkumanta kacharichisqayki, mana khuyakojkunaj atiyninkumantataj qhespichisqayki, nispa.

Jeremías 50:33

Tukuy Atiyniyoj Tata Dios nillantaj: Israel suyu, jinataj Judá suyupis manchay ñak'arichisqa kashanku. Awqanku paykunata presochaspa jap'inku, manataj kachariyta munankuchu.

Jeremías 50:34

Jinapis preciota pagaspa kacharichejninkoqa may kallpasapamin, sutintaj Tukuy Atiyniyoj Tata Dios. Paymin paykunarayku justiciata ruwanqa, allin kawsaytataj suyunkuman apamonqa. Babiloniapi tiyakojkunamanrí jatun manchachikuyta kachaykonqa, nispa.

Lamentaciones 3:58

Tukuyta Kamachej Dios, noqaman kutikuwaspa, sayaykorqanki, kawsayniytataj qhespichiwarqanki.

Oseas 13:14

Ukhu pachaj atiyninmantapis libranaychu kanqa? Preciota pagaspa, wañuymantapis kacharichinaychu kanqa? Ya, wañuy, atiyniyki maypitaj kashanri? Qanpatapis, ukhu pacha, maypitaj atiyniyki kashan? Manaña kay runakunamanta khuyakusajchu.

Zacarías 9:16

Chay p'unchaypi Tata Diosqa ayllunta awqankumanta kacharichenqa oveja tropata jina, paykunataj kikin llajtankupi pillupi valorniyoj k'achitu rumi jina lliphipirenqanku.

San Mateo 12:29

Chayrí imaynatataj pipis kallpasapa runaj wasinman yaykuyta atinman, kapuyninta qhechoj, manachus ñawpajta chay runata wataykunmanraj chayqa? Chay runata wataykusparajpuni, pipis paypa wasinpi kaj chhikata suwakapunman.

San Mateo 20:28

Noqa Runaj Churenqa mana runawan sirvichikunaypajchu jamorqani. Aswanpis runakunaj kamachin jina kanaypaj jamorqani, kawsayniytataj qoj, ashkha runakuna qhespichisqa kanankupaj, nispa.

San Mateo 22:29

Chantá Jesús paykunaman kuticherqa: Qankunaqa pantashankichej, mana Diospa Qhelqachisqanta, nitaj Diospa atiynintapis yachasqaykichejrayku.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.