Jeremías 31:1 - DIOSPA QHELQACHISQ

¹ Tata Dios nin: Maypachachus Babiloniamanta kutimponqanku chay p'unchaypi noqa tukuy israelitakunaj Diosninku kasaj, paykunataj aylluy kanqanku, nispa.

Qheshwa Biblia DC

¹ Señorqa nillantaj: Chay p'unchaypeqa tukuy Israel aylluspa Diosninku kasaj, paykunataj aylluy kanqanku, nispa.

DIOSPA QHELQACHISQAN DEUTEROCANONICAL

¹ Tata Dios nin: Maypachachus Babiloniamanta kutimponqanku chay p'unchaypi noqa tukuy israelitakunaj Diosninku kasaj, paykunataj aylluy kanqanku, nispa.

Jeremías 31:1 ပူးပေါင်းရင်းမြစ်များ

2 Samuel 7:24

Qan churarqanki Israelta wiñaypaj aylluyki kananpaj, Tata Diosnin kanaykipajtaj.

Salmos 144:15

Tukuy chaykunata tarej llajtayojkunaqa kusikuyniyoj kanqanku. Tata Dios, Diosninkupaj rejsikapusoj suyoqa kusikuyniyojllataj kanqanku.

Salmos 48:14

14 (15) Ajinamin Diosninchejqa, payqa wiñay wiñaypaj Diosninchejmin. Pay wañupunanchej p'unchaykama pusawasunchej, nispa.

Isaías 20:6

Chaypacha mama qocha kantupi tiyakojkuna nenqanku: Qhawariychej atinikusqanchej suyu imapichus rikhurisqanta. Ima mana allin kajtinpis, payman qayllakoj kanchej, Asiriata kuraj kamachejmanta jark'akunawanchejpaj. Kunanrí imaynallatataj ayqekusunri? nispa.

Isaías 41:10

Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

Jeremías 23:6

Pay kamachishajtin, Judá suyuta allin renqa, Israel suyupis sumaj waqaychasqa tiyarikonqa. Chay kuraj kamachejtaj sutichasqa kanqa: Tata Diosmin Justiciata Ruwajninchejqa, nispa.

Jeremías 3:18

Chay p'unchay chayamojtin, Judá aylloqa Israel aylluwan khuska tantakonqa. Iskayninkutaj wichaynej suyumanta kutimonqanku, ñawpa tataykichejkunaman chayaqepaj qorqani, chay jallp'aman.

Jeremías 30:10

Noqa Tata Dios nillanitaj: Kamachiy Jacobpa ayllun, ama manchachikuychejchu. Israel, ama mancharikuychu. Noqa qankunata, wawaykichejkunatapis karu llajtamanta kacharichimusaj, maymanchus apasqa karqankichej, chaymanta. Watej allin kawsaypi tiyakunkichej, ni pejpa ima nisqan, ni imata manchachikuspataj.

Jeremías 30:22

Ajinamanta israelitakunaqa aylluy kanqanku, noqataj Diosninku kasaj. Noqa Tata Diosmin chayta nini.

Jeremías 30:24

Tata Diospa k'araj phiñakuynenqa mana thasnukonqachu imatachus pay munasqanta junt'anankama. Qankunataj qhepanejman chaymanta sut'ita yachankichej.

Jeremías 30:3

Uj p'unchay jamushan, chay p'unchaytaj Israelmanta, Judamantawan apasqa kajkuna llajtankuman kutimponqanku. Noqaqa paykunata ñawpa tatankuman qosqay suyuman kutichimusaj, chaypi tiyakunankupaj. Noqa Tata Diosmin chayta nini.

Jeremías 31:33

Aswan qhepamanrí Israelwan tratota ruwasaj, chay tratotaj kay jina kanqa: Kamachisqayta yuyayninkuman churasaj, sonqonkupitaj qhelqaykusaj. Noqa Diosninku kasaj, paykunataj aylluy kanqanku. Noqa Tata Diosmin chayta nini.

Jeremías 32:38

Paykuna aylluy kanqanku, noqataj Diosninku kasaj.

Jeremías 33:14

Tata Dios nillantaj: Uj p'unchay jamonqa, chay p'unchaypitaj, imatachus Israelman, Judaman ima qonayta nerqani, chayta noqa junt'asaj.

Jeremías 33:7

Noqaqa Judata, Israeltawan watej t'ikarichisaj, jinaspataj, imaynachus ñawpajta karqanku, ajinata sayarichisaj.

Jeremías 50:4

Tata Dios nin: Chay p'unchaypi israelitakuna, jinataj Judamanta kajkuna ima waqaspa Tata Diosninkuta mask'anqanku.

Ezequiel 11:20

Chantá paykuna kamachisqayman jina kawsanqanku, nisqayman jinataj purenqanku, junt'anqankutaj. Paykunaqa aylluy kanqanku, noqataj paykunaj Diosninku kasaj.

Ezequiel 34:24

Noqa Tata Diosninku kasaj, David kamachiytaj kuraj kamachejninku kanqa. Noqa Tata Diosmin chayta nini.

Ezequiel 34:31

Qankunaqa ovejaykuna kankichej, sumaj pastoyoj jallp'api kaj tropa ovejaykuna, noqataj Diosniykichej kani. Noqa Tukuyta Kamachej Tata Dios chayta nini.

Ezequiel 36:28

Chantá ñawpa tataykichejkunaman qorqani, chay suyupi tiyakunkichej. Qankunaqa aylluy kankichej, noqataj Diosniykichej kasaj.

Ezequiel 39:22

Chay p'unchaymantapacha ñawpajmantaj Israel aylloqa yachanqanku noqa Tata Dios kasqayta.

Ezequiel 39:25

Chayrayku noqa Tukuyta Kamachej Tata Dios nillanitaj: Kunanqa Jacobpa mirayninta kutichimpusaj. Israel ayllumantaqa tukuyninkumanta khuyakusaj, manataj may llimphu sutiyta ch'ichichanankuta saqesajchu.

Oseas 1:11

11 (2.2) Chaypacha Judá suyumanta kajkuna, Israel suyumanta kajkunawan ujllaman tantakonqanku. Paykuna uj kamachejllata churakonqanku, chantataj tukuynejmanta Jerusalenman kutimponqanku. Jezrelpa p'unchaynenqa may yuyarisqamin kanqa.

Levítico 26:12

Noqa qankunaj chawpiykichejpi purisaj. Diosniykichej kasaj, qankunataj aylluy kankichej.

Zacarías 13:9

Chay qhepakojkunarí ninawan ch'uwanchasqa kanqanku. Imaynatachus runa qolqe metalta ninapi ch'uwanchan, chayrí qorita ch'uwanchan, ajinata noqapis paykunata llimphuchasaj. Chaypacha paykunaqa sutiyta oqharenqanku Diosninkupaj rejsikapuwasqankurayku, noqataj mañakuwasqankuta uyarisaj. Chantá paykunata nisaj: Qankuna aylluy kankichej, nispa. Paykunataj kutichiwanqanku: Tata Diosqa Diosninchej, nispa. Noqa Tata Diosmin chayta nini.

San Juan 20:17

Jesustaj nerqa: Ama jap'iwaychu, imaraykuchus patapi kashaj Tatayman manaraj rinirajchu. Astawanqa wawqeykunaman nimuy: Pay nisunkichej: Tatayman, Tataykichejman, Diosniyman, Diosniykichejmantaj rishani, nispa.

2 Corintios 6:16

Diospa Templonpeqa ni ima lanti kananchu tiyan, icharí? Qankunamin kawsashaj Diospa templon kankichej. Diosmin kayta nin: Noqaqa paykuna ukhupi tiyakusaj, purisajtaj. Paykunaj Diosninku kasaj, paykunataj aylluy kanqanku, nispa.

Hebreos 12:16

Amallataj pipis khuchiriyopi purikoj runa kachunchu nitaj Esaú jina Diosta pisipaj qhawachunchu. Payqa mikhunaraykulla imatachus kuraj kaj churi jap'inan karqa, chayta chhalarparisqa.