Jeremías 30:5 - DIOSPA QHELQACHISQ

⁵ Tata Dios nin: Runakunata manchachikuywan qhaparishajta uyarini. Sinch'i manchachikuy tiyan, manataj allin kawsay kanchu.

DIOSPA QHELQACHISQAN DEUTEROCANONICAL

⁵ Tata Dios nin: Runakunata manchachikuywan qhaparishajta uyarini. Sinch'i manchachikuy tiyan, manataj allin kawsay kanchu.

Jeremías 30:5 ပူးပေါင်းရင်းမြစ်များ

Isaías 5:30

Chay p'unchay chayamojtin, chay suyumanta kaj soldadokunaqa mama qocha jina Israelpa contranpi qhaparenqanku. Pillapis suyuntinta qhawarejqa llakiywan laqhayaykushajta rikonqa. Janajpi k'anchajkunatapis yana phuyu laqhayaykuchenqa.

Isaías 59:11

Tukuyninchej jukumari jina qhaparinchej. Urpi jina uy, uy, nispa waqanchej. Justicia kananta suyanchej, manataj tarinchejchu. Kacharichisqa kanapis noqanchejmanta karunchakun.

Jeremías 12:12

Tukuy ch'in orqokunapi tukuy imata phirej wapu soldadokuna jamorqanku, imaraykuchus noqa Tata Diospa espaday tukuy runata wañurachin, kay suyoj ujnin k'uchunmanta ujnin k'uchunkama. Jinataj allin kawsay mana pipajpis kanchu.

Jeremías 25:36

Michejkuna qhaparinku. Nanaywan ayqonku ovejaykunata pusajkuna, imaraykuchus Tata Diosmin pastonkuta ch'akirparichin.

Jeremías 30:4

Kaytamin Tata Dios Israelmanta, Judamantawan Jeremiasman nerqa:

Jeremías 46:5

Jinapis imatataj rikushaniri? Paykunaqa mayta mancharikuspa kutiripunku. Aswan wapu soldadonkunaqa atipachikuspa, ch'eqeranku, qhepata mana qhawarikuspataj, usqhay usqhayta ayqeranku. Tukuynejpi mancharikuylla tiyan. Noqa Tata Diosmin chayta nini.

Jeremías 6:22

Tata Dios ajinata nin: Wichaynejmanta may jina atiyniyoj suyu jamunanpaj wakichikushan.

Jeremías 6:26

Ayllúy, qhashqa p'achata churakuy, ushphapitaj qhoshpaspa, llakiyniykita rikuchiy. Luto p'achata churakuspa, sonqo nanayta waqay, imaynatachus pipis uj k'ata wawan wañupojtin waqan, ajinata, imaraykuchus wañuchejkuna contraykipi ñapis jamonqankuña, nispa.

Jeremías 8:16

Awqakuna jamushankuña. Caballokunaj samaqesqankupis Danmantapachaña uyarikun. Caballokuna qhaparejtinku, tukuy jallp'a kharkatitin. Kay jallp'api tukuy ima kajta chinkarparichej jamushanku. Tukuy llajtata, chaypi tiyakojkunatawan ima chinkarparichenqanku, nispa.

Jeremías 8:19

Aylluypa waqasqanqa karu llajtamanta uyarikun: Tata Diosqa manañachu Sionpa kuraj kamachejnin? Manañachu kuraj kamachejnin chaypi kashanri? nispa. Tata Diostajrí kutichin: Imaraykutaj qhasi manakaj lantikunata yupaychaspa phiñachiwarqankichejri? nispa.

Jeremías 9:19

19 (18) Sionmantapacha llakiymanta waqaspa qhaparisqanku uyarikun: Ay, imaynatataj mana imayoj llakiypi rikhurinchej. May p'enqachisqa kashanchej. Kay suyunchejta saqerparinanchej tiyan, imaraykuchus wasinchejqa raqaykunallaña, nispa.

Amós 8:10

Raymiykichejta waqanaman tukuchisaj, takisqaykichejtapis llakiy yarawiman. Lutochisqaykichej, umaykichejtataj t'ojluchisqaykichej, sinch'i llakisqa kasqaykichej yachakunanpaj. Waqankichej, imaynatachus uj runa waqan k'ata wawan wañupojtin, jinata. Tukuy imataj may llakiyman tukonqa, nispa.

Habacuc 1:10

Kuraj kamachejkunamanta alqochakunku, jinallataj may uyarisqa runakunamantapis. Sumaj perqawan jark'achasqa llajtakunamantapis asiykukunku. Perqata wasaykunankupaj jallp'a moqota oqharispataj, llajtata jap'inku.

Habacuc 1:6

Noqaqa caldeokunata maqanakuman yaykunapaj jina wakichisaj. Paykuna may sajra rumi sonqo kanku, mana khuyakuyniyojtaj. Jinataj kay pachata uj ladomanta uj ladoman purispa, wajkunaj jallp'ankuta qhechunankupaj jinalla kashanku.