Jeremías 30:24 - DIOSPA QHELQACHISQ

²⁴ Tata Diospa k'araj phiñakuynenqa mana thasnukonqachu imatachus pay munasqanta junt'anankama. Qankunataj qhepanejman chaymanta sut'ita yachankichej.

Qheshwa Biblia DC

²⁴ Señorpa phiñakuynenqa mana thasnukonqachu imatachus munasqanta junt'anankama. Qhepa p'unchaykunaman tukuy kay imastaqa unanchankichej.

DIOSPA QHELQACHISQAN DEUTEROCANONICAL

²⁴ Tata Diospa k'araj phiñakuynenqa mana thasnukonqachu imatachus pay munasqanta junt'anankama. Qankunataj qhepanejman chaymanta sut'ita yachankichej.

Jeremías 30:24 ပူးပေါင်းရင်းမြစ်များ

Génesis 49:1

Chaymanta qhepaman Jacobqa churinkunata wajyachispa, nerqa: Qayllamuwaychej, noqataj nisqaykichej qhepanejman qankunawan imachus kananmanta:

Isaías 14:24

Tukuy Atiyniyoj Tata Dios tiluspa, nillantaj: Cheqapuni imatachus yuyasqayqa junt'akonqapuni, imatachus nisqaypis ruwakonqapuni.

Isaías 46:11

Inti llojsimuynejmanta uj runata wajyani. Payqa karu suyumantapacha anka jina jamonqa wakichisqayta junt'ananpaj. Noqa ruwanayta nini, chay nisqaytataj junt'asajpuni. Imatachus wakichisqayta ruwasajpuni.

Jeremías 23:19

Diospa k'araj phiñakuynenqa llojlla para jina, sinch'i muyoj wayra jinataj millay ruwajkunaj patankuman urman.

Jeremías 23:20

Tata Diospa k'araj phiñakuynenqa mana thasnukonqachu, imachus ruwananta junt'anankama. Qhepanejman qankunaqa chaykunamanta sut'ita yachaqankichej.

Jeremías 4:28

Tukuy jallp'aman llakiylla junt'aykonqa, janajpis llakiy p'achata churakonqa. Chayta nini, manataj imatachus nisqaymanta kutirisajchu. Chayta niniña, manataj kutiriymanchu, nispa.

Jeremías 4:8

Chayrayku qhashqa p'achawan p'achallikuychej. Nanaywan qhaparqachaspa waqaychej, imaraykuchus Tata Diospa k'araj phiñakuynenqa manaraj noqanchejmanta t'aqakunchu, nispa.

Jeremías 48:47

Chaywanpis qhepanejman noqaqa Moabta imaynachus ñawpata karqa, ajinaman kutichisaj. Noqa Tata Diosmin chayta nini. Kaykama kashan Moab jasut'isqa kananmanta Jeremiaspa willasqanqa.

Jeremías 49:37

Noqaqa Elammanta kaj runakunata awqankoj ñawpaqenkupi phirisaj, pikunachus paykunata wañuchiyta munajkunaj ñawpaqenkupi. May ñak'ariykunata, may k'araj phiñakuyniytawan paykunaj patankuman kachaykusaj. Maqanakuta kachaykullasajtaj tukuy paykunata chinkachinaykama. Noqa Tata Diosmin chayta nini.

Jeremías 49:39

Chaywanpis aswan qhepaman noqaqa ñawpa tiempopi kasqankuman jina paykunata Elamman kutichisaj. Noqa Tata Diosmin chayta nini.

Lamentaciones 1:12

Qankuna kay ñanta purejkuna, manachu sonqoykichej nanasunkichej noqata rikuwaspa? Sayarispa, qhawariwaychej. Kay ñak'arisqaymanta astawan sinch'i ñak'ariy kanmanchu? Kay jina ñak'ariyta Tata Dios k'arajta phiñakuspa, apachimuwan.

Ezequiel 38:16

Chantá Israel aylluypa contranpi qan maqanakoj yaykunki, yana phuyu jina Israelpa tukuynin jallp'anta p'ampaykuspa. Chay qhepa p'unchaykunapi noqaqa aylluypa contranpi pusamusqayki, waj suyukunamanta runakuna noqata rejsinawankupaj. Chaypachataj qannejta noqa may llimphu kasqayta rikuchikusaj, nispa.

Daniel (hebreo) 10:14

Noqa jamuni willasunaypaj qhepanejman llajta masiykikunaman imachus jamunanmanta. Imatachus rikusqaykeqa, chay p'unchaykunamantamin willashan, nispa.

Daniel (hebreo) 2:28

Chaywanpis janaj pachapi uj Dios tiyan, pichus pakaypi kaj tukuy imata sut'ita rikuchin, chay. Paymin qan kuraj kamachej Nabucodonosorman sut'ita rikuchisorqa jamoj p'unchaykunapi imachus kananmanta. Kunantaj imatachus puñushaspa mosqokusqaykita noqa willasqayki:

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Miqueas 4:1

Jamoj p'unchaypi, maypichus Tata Diospa Templon kashan, chay orqoqa maypaj qhawasqa kanqa. Tukuy orqokunamanta aswan uyarisqa kanqa, tukuy suyumanta runakunataj chayman jamonqanku.

Números 24:14

Jinaqa, llajtayman kutipusaj. Manaraj ripushasparí, qhepanejman israelitakuna runaykikunata imatachus ruwanankuta willasqayki.

Deuteronomio 31:29

Noqa yachani wañupusqaymanta qhepaman qankunaqa manaña Diosta kasunaykichejta, yachachisqaytapis mana kasuta ruwanaykichejta. Yachallanitaj qhepamanqa sinch'i llakiykuna qhatirisunaykichejta, Tata Diospa ñawpaqenpi mana allin kajta ruwasqaykichejrayku, millayta ruwaspataj, payta phiñachisqaykichejrayku, nispa.

Deuteronomio 4:30

Maypachachus llakiykuna phutiykunapis chayamusojtiykichej chay qhepata, qankunaqa Tata Diosman kutirikuspa, payta kasunkichej.

1 Samuel 3:12

Chaypacha noqaqa Elíj ayllunpa contranta tukuy nisqayta junt'asaj.