Jeremías 30:21 - DIOSPA QHELQACHISQ

²¹ Chantá paykuna ukhumanta kuraj kamachejninku rikhurenqa, paytaj paykunata kamachenqa. Noqaqa payta qayllachimusaj, paytaj qayllamuwanqa. Pitaj noqaman payllamanta qayllaykamuwanmanri?

Qheshwa Biblia DC

²¹ Paykuna ukhumanta kuraj kajninku llojsenqa, kamachejninkupis paykuna ukhullamantataj llojsenqa. Paytaqa noqaman qayllachimusaj. Pitaj kausayninta qoyta munanman noqaman qayllamunawampajri?

DIOSPA QHELQACHISQAN DEUTEROCANONICAL

²¹ Chantá paykuna ukhumanta kuraj kamachejninku rikhurenqa, paytaj paykunata kamachenqa. Noqaqa payta qayllachimusaj, paytaj qayllamuwanqa. Pitaj noqaman payllamanta qayllaykamuwanmanri?

Jeremías 30:21 ပူးပေါင်းရင်းမြစ်များ

Génesis 18:27

Chantá Abraham Tata Diosta ujtawan nillarqataj: Qanqa Diosmin kanki, noqataj mana ni imachu kani. Chaywanpis ama jina kaspa, mañakusqayta uyariway ari.

Génesis 18:30

Abrahamtajrí ujtawan nillarqataj: Diosníy, chayllamantapuni parlasqaymanta ama phiñakuychu ari. Sichus cheqanta ruwajkuna kinsa chunkalla kankuman chayrí? nispa. Tata Diostaj nerqa: Kinsa chunkalla kajtinkupis, chay llajtapi tiyakojkunamanta khuyarikusaj, nispa.

Génesis 18:32

Chantá Abraham ujtawan nillarqataj: Diosníy, ama noqapaj phiñakuychu ari, kayllatawanña parlarikusaj. Sichus chunkallata tariwaj chayri? Imanankitajri? nispa. Tata Diostaj kuticherqa: Chunka cheqanta ruwajkunalla kajtinkupis, chaykunarayku llajtapi tiyakojkunamanta khuyarikusaj, nispa.

Génesis 49:10

Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

2 Samuel 7:13

Paymin templota ruwapuwanqa, noqataj wiñaypaj kamachinanta sayachisaj.

Esdras 2:2

Paykunata pusarejkuna kaykuna karqanku: Zorobabel, Josué, Nehemías, Seraías, Relaías, Mardoqueo, Bilsán, Mispar, Bigvay, Rejún, Baná ima. Israel ayllumanta qharikunaqa kay jina yupasqa karqanku:

Nehemías 7:2

Chaymantataj wawqey Jananita Jerusalenpi kamachinanpaj churarqani. Jananiastataj kuraj kamachejpa wasinta qhawananpaj churarqani. Jananiasqa Diosta may respetowan qhawaj karqa, cheqan runataj.

Salmos 65:4

4 (5) Kusikuyniyojmin ajllakusqayki runaqa, qayllaykipi tiyakunanpaj pusasqayki kaj. Wasiykipi tukuy allinkunawan junt'achisqa kasqayku, ajllakusqayki Temploykipitaj saminchasqa kasqayku.

Salmos 89:29

29 (30) Paypa mirayninmanta kuraj kamachejqa kallanqapuni, janaj kanankamataj kamachillanqapuni.

Éxodo 3:5

Tata Diostaj nerqa: Ama astawan qayllamuychu. Juk'utaykita orqhokuy, imaraykuchus sayashanki, chaynejqa noqapaj t'aqasqamin, nispa.

Isaías 63:1

Pitaj Edom suyumanta jamushanri? Pitaj Bosra llajtamanta jamushan puka p'achayojri? Pitaj sumaj p'achallisqa atiyniyoj thaskejri? Chaymin noqa Tata Dios kani, pichus qhespichinapaj atiyniyoj kaspa, atipanaytapuni willani, chay.

Jeremías 30:9

Chantá noqa Tata Diosninkuta yupaychawanqanku, jinallataj churasqay kuraj kamachej Davidpa kamachiyninpipis kanqanku.

Jeremías 33:15

Chay p'unchaypi Davidpa mirayninmanta uj kuraj kamachejta churasaj, paytaj chay suyupi cheqan kajta, justiciata ima ruwanqa.

Jeremías 49:19

Mana yuyasqaykichej p'unchaypi noqaqa jamusaj, imaynatachus Jordán mayu kantupi ch'umimanta león imata jina llojsimun sumaj wira uywakunata jap'inanpaj, ajinata. Edommanta kajkunatataj chaymanta ayqechisaj. Chantá pitachus noqa ajllasaj, chayta kamachinanpaj churasaj. Pitaj noqa jina kanmanri? Pitaj noqaman sayaykuwayta atinmanri? Mayqen michejtaj ñawpaqeyman churanakoj jamuwanmanri?

Jeremías 50:44

Ajinata Tata Diosqa Babiloniaj contranpi nin: Imaynatachus león Jordán mayu kantupi ch'umi ukhumanta ujllata llojsimuspa, sumaj wira uywaman phinkiykun, ajinata noqapis jamusaj, Babiloniamanta kajkunatataj chaynejmanta ayqechisaj. Chantá ajllakusqay kamachiyta churasaj chaypi kamachinanpaj. Pitaj noqa jina kanmanri? Pitaj noqaman sayaykuwanmanri? Mayqen michejtaj ñawpaqeypi sayanmanri?

Ezequiel 37:24

Chantá kamachiy Davidqa kuraj kamachejninku kanqa, uj k'ata michejniyojlla tukuyninku kanqanku. Nisqayta kasonqanku, kamachisqaytataj junt'anqanku.

Oseas 1:11

11 (2.2) Chaypacha Judá suyumanta kajkuna, Israel suyumanta kajkunawan ujllaman tantakonqanku. Paykuna uj kamachejllata churakonqanku, chantataj tukuynejmanta Jerusalenman kutimponqanku. Jezrelpa p'unchaynenqa may yuyarisqamin kanqa.

Números 16:40

40 (17.5) Ajinata ruwarqa tukuy israelitakuna yuyarikunankupaj, mana pillapis Tata Diosman inciensota q'oshñichispa jaywayta atisqankuta, manachayqa Aaronpa ayllunmanta kajkunalla. Wajkuna chay jinallataj ruwankuman chayqa, Coré, chantá payta qhatejkuna imaynatachus wañorqanku, jinallatataj wañonqanku. Ajinata Eleazar Tata Dios Moisesnejta kamachisqanman jina, ruwarqa.

Números 16:5

Chantá Coreta, jinataj pikunachus paywan kasharqanku, chaykunatawan ima nerqa: Q'aya tutamanta Tata Dios niwasun pikunachus paypata kasqankuta, pikunatajchus Diospaj t'aqasqa kasqankuta. Ajinallataj pikunatachus Tata Dios ajllan, chaykunalla payman qayllaykunankuta nenqa.

San Mateo 2:2

Chantá tapurikorqanku: Maypitaj kashanman pichus judiokunaj kuraj kamachejnin kananpaj paqarikojri? Kayta niyku, imaraykuchus inti llojsimuynejpi ch'askanta rikorqayku. Chayrayku payta yupaychaj jamuyku, nispa.

San Mateo 27:37

Jesuspa cruzninpi, uman patanejpi kay jina uj qhelqasqata churarqanku imamantachus juchachasqankuta rejsichispa: Kayqa Jesús, judiokunaj kuraj kamachejninku, nispa.

San Mateo 3:17

Jinallapitaj janaj pachamanta Dios nimorqa: Qanmin munasqa Churiy kanki, qanwantaj sonqo junt'asqa kani, nispa.

San Lucas 24:26

Manachu Cristo chay tukuyta ñak'arinanpuni karqa, manaraj jatunchasqa kashaspa? nispa.

Hechos 5:31

Diostaj atiyninwan Jesusta aswan pataman oqharerqa Tukuyta Kamachej chantá runata Qhespichej kananpaj. Dios munallantaj noqanchej israelitakuna payman kutirikunanchejta, tukuy juchanchej pampachasqa kananpaj.

Romanos 8:34

Chantá, pitaj juchachawasunmanri? Ni pi, imaraykuchus Cristo noqanchejrayku wañorqaña, wañusqamantapis kawsarimporqa, kunantaj Diospa pañanpi kaspa noqanchejrayku mañapushawanchej.

Deuteronomio 17:15

Jina kanman chayqa, Tata Diosniykichej qankuna ukhumanta ajllasqanta kuraj kamachej kananpaj churankichej. Ama waj llajtayojtaqa churankichejchu, israelita llajta masiykichejtapuni kuraj kamachej kananpaj churankichej.

Deuteronomio 18:18

Noqaqa qanta jina llajta masinku ukhumanta uj sut'inchajta rikhurichisaj. Noqa payman nisaj, paytaj noqaj nisqayta, chantá paykunaman imatachus kamachisqayta willanqa.

Deuteronomio 33:5

Tata Diosqa Jesurunpi kuraj kamachej karqa, maypachachus llajtamanta kurajkuna, Israelmanta ayllukunawan ima tantakorqanku chaypacha, nispa.

Hebreos 1:3

Diospa Churenqa Diospa jatun kayninpa lliphipiyninta rikuchin, paypa kaynintaj Tata Diospa kayninta rejsichiwanchej. Payllataj atiyniyoj simi nisqanwan tukuy kaj chhikata maychus kananpi purichin. Chantá juchanchejta pampachaspa llimphuchawarqanchej, jinaspataj, janaj pachapi jatun atiyniyoj Kamachejpa pañanman tiyaykukorqa.

1 Juan 2:2

Paymin juchanchej pampachasqa kananpaj ñak'asqa uywata q'olachisqa jina jaywasqa karqa. Manataj noqanchejpa juchanchejraykullachu, jaywasqa karqa, astawanqa kay pachapi tukuy runaj juchankurayku.

Apocalipsis 19:16

P'achanpitaj, moqon patanejpitaj kay suti qhelqasqa karqa: Kamachejkunaj Kuraj Kamachejninku, Wiraqochikunaj Kamachejnintaj, nispa.