Jeremías 30:19 - DIOSPA QHELQACHISQ

¹⁹ Chaypi pachis nispa takiykuna uyarikonqa, kusikuymanta asiykunapis uyarikullanqataj. Noqa paykunata ashkhayachisaj, manañataj pisiyanqankuchu. Mana pipis paykunata pisipaj qhawanqachu, imaraykuchus noqamin paykunata jatunpaj qhawasaj.

Qheshwa Biblia DC

¹⁹ Paykuna ukhumanta graciasta qospa takiykunas llojsenqa, kusiywan asirikuykunapis. Mana pisiyanqankuchu, manachayqa astawan ashkhayachisaj. Mana pipis qhesachanqachu, imaraykuchus noqa paykunata allimpaj qhawasaj.

DIOSPA QHELQACHISQAN DEUTEROCANONICAL

¹⁹ Chaypi pachis nispa takiykuna uyarikonqa, kusikuymanta asiykunapis uyarikullanqataj. Noqa paykunata ashkhayachisaj, manañataj pisiyanqankuchu. Mana pipis paykunata pisipaj qhawanqachu, imaraykuchus noqamin paykunata jatunpaj qhawasaj.

Jeremías 30:19 ပူးပေါင်းရင်းမြစ်များ

Esdras 6:22

Qanchis p'unchay junt'ata Mana Levadurayoj T'anta raymita manchay kusiywan ruwarqanku, imaraykuchus Tata Diosqa Asiriamanta kaj kuraj kamachejpa sonqonta llamp'uyachisqa, Israelpa Diosninpa Templonta ruwayta yanapananpaj.

Nehemías 8:12

Ajinaqa tukuy mikhoj, ujyajtaj riporqanku. Mikhunatapis wajkunaman jaywarerqanku, sumaj raymitataj ruwarerqanku, imaraykuchus uyarisqankuta sumajta sonqonkupi jap'eqarqanku.

Nehemías 8:17

Israelitakuna waj suyuman apasqa kasqankumanta kutimpojkunaqa tukuyninku ch'ujllata ruwakorqanku, chaypitaj tiyakorqanku. Nunpa churin Josué kawsasharqa, chaymantapacha, Nehemiaspa p'unchayninkama mana jayk'ajpis chay jina raymita ruwasqankuchu. Paykunataj chaypacha may jinata kusikorqanku.

Salmos 53:6

6 (7) Mayta munayman Sión orqomanta pipis jamunanta Israelta qhespichinanpaj. Chantá Dios ayllunta kacharichispa pusakampojtin, Jacobpa miraynin kusikonqanku, pikunachus Israel ayllumanta kanku, chaykuna.

Isaías 12:1

Chay p'unchaypi ninki: Pachis pachis, Tata Diosníy. Qanqa noqapaj maytapuni phiñakorqanki, chaywanpis chay jina k'araj phiñakuyniykeqa manaña kanchu, aswanpis sonqochawanki.

Isaías 26:15

Qan, Tata Dios, kay suyuykuta jatunyacherqanki, sutiyki jatunchasqa kananpaj. Kay suyuykoj mojonninkunatapis aswan jaqayman churarqanki.

Isaías 27:6

Qhepa p'unchaykunaman Jacobqa sumajta saphinchakonqa. Ajinamanta Israelqa ijispa t'ikanqa, poqoynintaj tukuy kay pachaman junt'aykonqa.

Isaías 35:10

Ajinata Tata Diospa qhespichisqan kajkuna kutimponqanku, Sionmantaj takirikuspa yaykuponqanku. Jatun kuseyqa pillu jina umankupi kanqa. Chaypacha paykunata jatun kusiy taripanqa, llakiywan, ayqoywantaj paykunapaj tukukaponqa.

Isaías 51:11

Pikunatachus Tata Dios pagota qospa kacharicherqa, chaykuna kutimponqankupuni. May kusiywan takirispa, Sión llajtaman yaykonqanku, chaypitaj wiñaypaj kusisqa tiyakonqanku. Paykunaqa kusisqallapuni kanqanku, nanaywan, waqaywantajrí chinkaponqa.

Isaías 51:3

Cheqamanta noqa Tata Dios Sión llajtata sonqochasaj, jinallataj llajtaj laqayankutapis khuyakuywan qhawasaj. Ch'aki ch'in jallp'anta qhallallarichisaj, imaynatachus Edén huertata qhallallaricherqani, ajinata. Chaypi may kusikuy, Diosta jatunchay, tocanawan takiykuna ima kanqa.

Isaías 52:9

Jerusalén llajtaj laqayan, jatunmanta may kusiywan qhapariychej, imaraykuchus Tata Dios ayllunmanta khuyakun, jinataj Jerusalén llajtata kacharichin.

Isaías 55:5

Qanpis mana rejsisqa suyukunata wajyallankitaj. Qanta mana rejsisoj suyukuna usqhayta qanman jamusonqanku Tata Diosniykirayku, Israelpa May Llimphu Kaj Diosnin qanta pataman oqharisusqanraykutaj, nispa.

Isaías 60:19

Chaypacha mana intichu, nitaj killachu k'anchamusonqa, manachayqa noqa Tata Diosmin wiñaypaj k'anchaykamusqayki. Noqa Diosniykirayku jatunchasqapuni kanki.

Isaías 60:22

Kay pisi puchoj runakunaqa waranqata mirankichej, aswan mana kasuta ruwana runakunapis jatun suyuman tukunkichej. Noqa Tata Diosmin chayta nini, imatachus nisqaytaj usqhayllata junt'akonqapuni.

Isaías 60:9

Chaykuna karumanta jamoj barcokuna kanku, Tarsismanta jatuchaj barcokunataj ñawpajta jamushanku. Chay barcokuna churiykikunata qolqenkutawan, qorinkutawan khuska apamushanku. Ajinamanta Tata Diosniyki, Israelpa May Llimphu Kaj Diosnin jatunchasqa kanqa, imaraykuchus payqa jatun kayninpa lliphipiyninwan junt'aykuchisunki.

Jeremías 17:26

Chantá Judá suyumanta, Jerusalén qayllapi llajtakunamanta, Benjamín jatun aylloj llajtankunamanta, mama qocha kantumanta, orqokunamanta, chantá Néguev cheqamanta ima runakuna Tata Diospa Templonman jamonqanku. Chaymantaj uywa ñak'asqa q'olachinakunata, uywa ñak'asqa jaywanata, poqoykunamanta jaywanata, inciensota, pachis nispa jaywanatapis apamonqanku.

Jeremías 3:16

Qankuna jallp'aykichejpi kaspaña, astawan mirajtiykichej, ashkha wawayojñataj kajtiykichej, mana pipis parlanqañachu Tata Diospa trato ruwasqan arcamanta. Manaña pipis chaypi yuyanqañachu, nitaj ujtawan yuyarikunkichejñachu. Manataj pipis watukonqañachu, nitaj qankuna waj mosoj arcata ruwakunkichejchu. Noqa Tata Diosmin chayta nini.

Jeremías 31:27

Tata Dios nillarqataj: Qhepanejman Israelpi, Judapipis runakunata ashkha mirachisaj, jinallataj uywankukunatapis.

Jeremías 31:4

Munasqa Israel ayllúy, watej oqharisqayki, sayarichisqataj kanki. Watej panderetata oqharispa, kusiywan tusurinki.

Jeremías 33:22

Kamachiy Davidpa mirayninta, Levijpa mirayninmanta sacerdoteykunatapis may chhikaman mirachisaj janajpi ch'askakuna chhikata, chantá mama qochaj t'iyun chhikata, mana yupay atinata, nispa.

Ezequiel 36:37

Tukuyta Kamachej Tata Dios kay jinata nillantaj: Israel aylloqa mañarikuwanqaraj astawan imakunata ruwapunaypaj. Chayrayku runata astawan mirachisaj, ovejakunata jinapuni.

Ezequiel 37:10

Chaymantataj Tata Dios kamachiwasqanman jina sut'incharqani, tullukunamantaj kawsay samay yaykorqa. Chantá paykuna kawsarerqanku, sayarerqankutaj. May ashkha, mana yupay atina soldadokuna jina karqanku.

Ezequiel 37:26

Noqataj paykunawan allinpi kawsakunapaj mana jayk'aj tukukoj tratota ruwasaj. Paykunata ashkhaman mirachisaj, sumajtataj sayachisaj. Temploypis paykunaj chawpinkupi wiñaypaj kallanqapuni.

Zacarías 10:8

Noqa Tata Dios wajyaspa, paykunata tantaykakapusaj. Chantá preciota pagaspa paykunata awqankumanta kacharichejtiy, unay tiempopi jina ujtawan may chhikaman miranqanku.

Zacarías 12:8

Chaymantataj noqa Tata Diosqa Jerusalenpi tiyakojkunatañataj waqaychasaj. Chaypi pisi kallpayojkuna David jina kallpasapaman tukonqanku, Davidpa ayllunmanta kajkunataj Dios jina kanqanku, paykunaj ñawpaqenkuta rej Diospa angelnin jinataj.

Zacarías 2:4

4 (8) Jinataj pay nerqa: Usqhayta chay waynaman nimuy: Aswan qhepaman may chhika runakuna watej Jerusalenpi tiyakonqanku, paykunataj may chhika uywayoj kanqanku. Chayrayku llajtapis manaña perqawan muyuchisqachu kanqa, nispa.

Zacarías 8:19

Judajpa miraynin tawa kaj killapi, phishqa kajpi, qanchis kajpi, jinataj chunka kaj killapi ayunasqankoqa paykunapaj kusiyman tukonqa, uj raymi jinataj kanqa. Chayrayku munakuychej ari cheqan kajta, allinpi kawsakuytapis, nispa.

San Juan 17:22

Qan atiyta qowarqanki, noqataj chay atiyllatataj noqata qhatiwajkunaman qorqani, noqanchej jina ujlla kanankupaj.

1 Pedro 1:7

Chay ñak'ariykunaqa Diospi atinikusqaykichej cheqachus manachus kasqanta sut'inchanqa. Chaypacha Diospi atinikusqaykichej cheqapuni kajtin, qankuna Jesucristoj kutimunan p'unchayta jatunchasqa, chantá allinpaj qhawasqa kankichej. Diospi atinikusqaykichejqa qorimanta nisqaqa aswan valorniyoj, imaraykuchus qoreqa ninawan ch'uwachasqa kaspapis, tukukuyniyoj. Diospi atinikusqaykichejrí mana.