Jeremías 30:18 - DIOSPA QHELQACHISQ

¹⁸ Tata Dios nillantaj: Jacobta waj suyuman apasqa kasqanmanta kutichimusaj, suyunmantataj khuyakusaj. Llajtanqa raqaykuna patallapitaj watej sayarichisqa kanqa. Kamachina wasikunapis, maypichus karqanku, chayllapitaj sayarichisqa kanqanku.

Qheshwa Biblia DC

¹⁸ Señorqa nin: Jacobpa ayllunta wasinman kutichimpusaj, tukuy nacionninmanta khuyakusaj, llajtaspis chay raqaykuna patallapitaj jatarichisqas kanqanku, palaciospis mayupichus karqanku chayllapitaj.

DIOSPA QHELQACHISQAN DEUTEROCANONICAL

¹⁸ Tata Dios nillantaj: Jacobta waj suyuman apasqa kasqanmanta kutichimusaj, suyunmantataj khuyakusaj. Llajtanqa raqaykuna patallapitaj watej sayarichisqa kanqa. Kamachina wasikunapis, maypichus karqanku, chayllapitaj sayarichisqa kanqanku.

Jeremías 30:18 ပူးပေါင်းရင်းမြစ်များ

1 Crónicas 29:1

Chantá kuraj kamachej Davidqa tukuy tantasqa runakunata nerqa: Diosqa churiy Salomonllata ajllakorqa. Chaywanpis payqa waynallaraj, manaraj poqoykusqa runa jinachu. Templo ruwanataj manchay jatun, imaraykuchus waseqa mana runapajchu, manachayqa Tata Diospajmin kanqa.

1 Crónicas 29:19

Churiy Salomonmanpis qollaytaj, tukuy sonqomanta kasukuyta munananpaj, kamachisqaykita, nisqaykita, yuyaychasqaykita junt'ayta atinanpaj. Jinallataj mañakuyki, tukuy imata tantasqaywan qanpaj Templota ruwachinanta, imaraykuchus chaypajqa tukuy imata wakichiniña, nispa.

Nehemías 7:4

Jerusalén llajtaqa jatun karqa. Chaypitaj pisillaraj tiyakorqayku, manaraj watejmanta wasikunata sayarichisqaykurayku.

Salmos 102:13

13 (14) Sayarikuspa, Sionmanta khuyakuy, imaraykuchus khuyakunaykipaj tiempo chayamunña. Israelpa juchanta pampachanaykipaj phaneqa chayamunña.

Salmos 102:14

14 (15) Kamachiykikunaqa Sión llajtaj ruminkunata munakunku. Chayrayku raqayllataña rikojtinku, sonqonku nanan.

Salmos 122:7

Chay sumaj perqachasqa llajtapi tiyakojkunapaj sonqo tiyaykusqa kawsay kachun, kamachina wasiykikunapipis mana imata manchachikuspa kawsakuy kachun.

Salmos 48:13

13 (14) Jawa perqanta sumajta qhawaychej, jinallataj kamachina wasinkunatapis, qhepa jamojkunaman willayta atinaykichejpaj:

Salmos 48:3

3 (4) Diosqa Jerusalenpi kamachina wasikunapi rejsichikun pay sumaj pakakuna kasqanta.

Salmos 78:69

Diosqa yupaychana wasinta, janajta jina jatunta sayacherqa, kay pachata jinataj sinch'ita sayacherqa.

Salmos 85:1

1 (2) Tata Dios, qanqa Israel suyuykiwan manchay k'acha karqanki. Qanqa Jacobta waj suyuman preso apasqa kasqanmanta kutichimporqanki.

Isaías 44:26

Chaywanpis kamachiykunaj nisqanku junt'akunanta ruwani, jinallataj kachasqay runakunaj yuyasqankupis. Paykunanejta Jerusalenman nini: Kay cheqapi runakuna watej tiyakonqanku, nispa. Nillanitaj: Judá suyupi llajtakunapis watej ruwasqa kanqanku, nispa. Kamachillanitaj laqayakunapis watej sayarichisqa kanankuta.

Isaías 44:28

Kuraj kamachej Cirotapis nini: Qanqa michejniy kanki, jinataj munasqaytapuni ruwanki, nispa. Jerusalentapis nini: Qanqa watej ruwasqa kanki, nispa. Templotapis nillanitaj: Cimientoyki churasqa kanqa, nispa.

Jeremías 23:3

Tata Dios nillantaj: Noqa kikin puchoj ovejaykunata tantasaj, maymanchus wijch'orqani, chay suyumantapacha kanchankuman kutichimpusaj, chaypitaj mayta miranqanku.

Jeremías 29:11

Noqalla yachani imatachus qankunapaj yuyasqayta. Chay yuyayqa mana qankuna ñak'arichisqa kanaykichejpajchu, manachayqa qankuna allinta kawsakunaykichejpaj yuyani, jinallataj qhepanejmanpis allin kawsayta tarinaykichejpaj. Noqa Tata Diosmin chayta nini.

Jeremías 29:14

Arí, noqata qankuna tariwankichej, chantá preso kasqaykichejta tukuchisaj. Chay suyumanta orqhomusqaykichej, maymanchus apasqa karqankichej, chaymanta tantaykusqaykichej. Chantá Jerusalén llajtaman kutichimusqaykichej, maymantachus karuman apacherqaykichej, chayllamantaj. Noqa Tata Diosmin chayta nini.

Jeremías 30:3

Uj p'unchay jamushan, chay p'unchaytaj Israelmanta, Judamantawan apasqa kajkuna llajtankuman kutimponqanku. Noqaqa paykunata ñawpa tatankuman qosqay suyuman kutichimusaj, chaypi tiyakunankupaj. Noqa Tata Diosmin chayta nini.

Jeremías 31:23

Israelpa Tukuy Atiyniyoj Tata Diosnin kayta nin: Waj suyuman apasqa kasqankumanta paykunata kutichimojtiy, Judá suyu ujtawan paykunaj jallp'ankupi, llajtankupi ima tiyakonqankuña. Chantá nenqanku: Tata Dios saminchachun Diospaj t'aqasqa llajtata, jinallataj Diospa Templonta, maypichus justicia ruwakun, chayta, nispa.

Jeremías 31:38

Tata Dios nillantaj: Uj p'unchay jamonqa, chay p'unchaypitaj kay llajtay Jerusalén watej sayarichisqa kanqa, Jananel torremantapacha K'uchu nisqa punkukama.

Jeremías 31:4

Munasqa Israel ayllúy, watej oqharisqayki, sayarichisqataj kanki. Watej panderetata oqharispa, kusiywan tusurinki.

Jeremías 31:40

Chantá tukuynin valle, maypichus wañusqakunata p'ampanku, ushphatataj wijch'unku, chayninta rillanqapuni. Chantá Cedrón wayq'o chaymanta inti llojsimuynejman, chay patapi tukuy pampapis, Caballo Yaykuna punku nisqa k'uchukama chayanqa. Chay tukuy cheqaqa noqapaj t'aqasqa kanqa, Jerusalentaj manaña jayk'ajpis urmachisqachu, nitaj thuñisqachu kanqa, nispa.

Jeremías 32:15

Israelpa Tukuy Atiyniyoj Tata Diosnin nin: Kay suyupi watej wasikunata, jallp'akunata, uva huertakunatapis rantikullanqankutaj, nispa.

Jeremías 32:44

Jallp'ata qolqewan rantikuspa, papel ruwasqankuta sellaspa testigokunaj rikunankuta wakichenqanku. Ajina kanqa Benjamín jap'iypi, jinallataj Jerusalén llajtaj muyuyninpi, chantapis Judáj llajtankunapi, orqorara cheqanejpi kaj llajtakunapi, pampapi kaj llajtakunapi, jinataj Néguev cheqapi kaj llajtakunapi ima. Ajina kanqa, imaraykuchus noqa Babiloniamanta paykunata kutichimusaj. Noqa Tata Dios chayta nini.

Jeremías 33:11

Jinallataj casarakojkunaj kusiymanta takisqanku ima uyarikullanqataj. Chantá Tata Diospa Templonman pachis nispa jaywanata apamojkunaj takisqanku uyarikullanqataj. Kay jinata takenqanku: Tukuy Atiyniyoj Tata Diosman pachis niychej, imaraykuchus Tata Diosqa k'achamin, khuyakuynintaj wiñaypaj, nispa. Arí, noqa kay suyuta watejmanta kutichisaj, ñawpajta karqa, ajinallataj kananpaj. Noqa Tata Diosmin chayta nini.

Jeremías 33:7

Noqaqa Judata, Israeltawan watej t'ikarichisaj, jinaspataj, imaynachus ñawpajta karqanku, ajinata sayarichisaj.

Jeremías 46:27

Kamachiy Jacob, ama mancharikuychu. Israelníy, ama llawch'iyaychu. Qanwan, wawaykikunawanpis karu suyuman apasqa karqankichej. Noqatajrí chaymanta pusakampusqaykichej. Watej ni pejpa mancharichisqan allinta kawsakunki.

Jeremías 49:39

Chaywanpis aswan qhepaman noqaqa ñawpa tiempopi kasqankuman jina paykunata Elamman kutichisaj. Noqa Tata Diosmin chayta nini.

Jeremías 49:6

Chaymanta qhepamanrí noqaqa amonitakunata apasqa kasqankumanta kutichimusaj. Noqa Tata Diosmin chayta nini.

Ezequiel 36:11

Qankunapi runakunata, uywakunatapis ashkhata miraykuchisaj. Miranqanku, ashkhamantaj tukonqanku. Imaynatachus ñawpa tiempopi tiyakorqankichej ajinallatataj tiyakunkichej. Qankunataqa ñawpajmantapis astawan allintaraj ruwasqaykichej. Chaypachataj qankuna yachankichej noqa Tata Dios kasqayta.

Amós 9:14

Chantá karu suyukunaman mana munashajta apasqa kasqanmanta Israel aylluyta pusakampusaj. Paykuna thuñisqa llajtankukunata watej sayarichenqanku, chaypitaj tiyakonqanku. Watej uva sach'akunata mallkenqanku, vinotataj ujyanqanku. Huertakunatapis ruwanqanku, poqojtataj mikhonqanku.

Zacarías 1:12

Chantá Tata Diospa angelnin nerqa: Tukuy Atiyniyoj Tata Dios, Jerusalenpaj chantá Judapi kaj llajtakunapajpis qanchis chunka watataña phiñasqa kanki. Mayk'ajkamataj paykunamanta mana khuyarikunkichuri? nispa.

Zacarías 1:16

Chayrayku noqa Tata Dios nini: Noqaqa Jerusalenmanta watej khuyarikusaj. Temploypis watej sayarichisqa kanqa, nispa.

Zacarías 12:6

Chay p'unchaypi Judamanta kurajkunata ruwasaj llant'a ukhupi nina k'ajarishaj jina kanankupaj, trigo marq'a ukhupitaj uj lawrashaj nina jina kanankupaj. Qayllapi kaj suyukunata, lloq'enpi kajta, pañanpi kajtapis phirenqanku. Chantá runakuna watej Jerusalenpi tiyakonqanku.

Zacarías 12:7

Ñawpajta noqa Tata Diosqa Judá ayllumanta kajkunataraj kacharichisaj, Davidpa miraynin, jinataj Jerusalenpi tiyakojkunapis ama yuyanankupaj Judá ayllumanta nisqaqa aswan sumaj kasqankuta.

Zacarías 14:10

Chantá Jerusalenmanta uraynejpi, Gebamanta Rimonkama tukuy kay suyu pampaman tukonqa. Jerusalén llajta may uyarisqa kanqa, chaynejpitaj runakuna Benjamín Punkumantapacha Esquina Punku nisqakama tiyakonqanku, maypichus ñawpa punku karqa, chaykama. Jinallataj tiyakonqanku Jananelpa Torrenmantapacha kuraj kamachejpata uva sarunan cheqakama.