Jeremías 30:17 - DIOSPA QHELQACHISQ

¹⁷ Noqataj tukuy k'irisqa kasqaykichejta jampiykusaj, ajinamantataj nanasqaykikunata thañichisaj, imaraykuchus awqaykichejkuna qanmanta ninku: Sionqa saqerparisqa, manataj pipis paymanta yuyarikunchu, nispa. Noqa Tata Diosmin chayta nini.

Qheshwa Biblia DC

¹⁷ Kausayniykita kutichipusqayki, nanasqasniykitataj jampisqayki. Enemigosniykeqa nichunkupis: Sionqa saqerparisqaña kashan, mana pipis paymantaqa yuyarikunchu, nispa. Noqa Señor chayta nini.

DIOSPA QHELQACHISQAN DEUTEROCANONICAL

¹⁷ Noqataj tukuy k'irisqa kasqaykichejta jampiykusaj, ajinamantataj nanasqaykikunata thañichisaj, imaraykuchus awqaykichejkuna qanmanta ninku: Sionqa saqerparisqa, manataj pipis paymanta yuyarikunchu, nispa. Noqa Tata Diosmin chayta nini.

Jeremías 30:17 ပူးပေါင်းရင်းမြစ်များ

Job 5:18

Sichus pay runaj ukhunta nanaykuchin chayqa, payllataj jampenqa. Sichus runata onqochin chayqa, payllataj thañichenqa.

Salmos 103:3

Paymin tukuy millay ruwasqayta pampachan, tukuy onqoymantapis thañichiwan.

Salmos 107:20

Parlasqanwan paykunata qhaliyacherqa, wañuymantataj kacharicherqa.

Salmos 12:5

5 (6) Tata Diosrí kay jinata kutichispa nin: Millayta ruwajkunaqa wajchakunata, pisi kallpayojkunata ima ñak'arichinku, waqachinkutaj. Chayrayku kunan sayarispa, noqaqa ñak'arichisqa runakunaj suyasqankuman jina paykunata yanapasaj, nispa.

Salmos 142:4

4 (5) Pañanejman kutirikuspa qhawani, manataj pipis yanapaj jamoj kanchu, nitaj pipis noqaman kutikuwaj kanchu. Manallataj pipis noqata qhawariwajqa kanchu.

Salmos 23:3

Payqa mosoj kallpata qowan, cheqan ñankunatataj pusawan, sutin jatunchasqa kananpaj.

Éxodo 15:26

Chantá Tata Dios paykunaman nerqa: Sichus Tata Diosniykichej parlasqanta tukuy sonqo uyarinkichej, ñawpaqenpitaj cheqanta ruwankichej, chantá kamachisqantataj kasunkichej chayqa, Egipto llajtayojkunaman kachaykorqani, chay onqoykunata mana qankunaman kachaykamusqaykichejchu. Noqa Tata Diosmin qhaliyachisojniykichej kani, nispa.

Isaías 11:12

Tata Diosqa uj wiphalata señalta jina oqharenqa, karu suyuman apasqa israelitakunatataj ujllaman tantaykonqa. Judá suyumanta ch'eqerasqa kajkunatapis kay pachaj tukuy k'uchunmanta tantamonqa.

Isaías 30:26

Chaypacha killaj k'anchaynenqa intej k'anchaynin jina kanqa. Inteqa k'anchasqanmanta qanchis jinatawan jina k'anchanqa, qanchis intikunapis ujllapi k'anchamushanman jina. Chaypachallataj Tata Diosqa ayllunpa k'irisqanta jampenqa, mayqenkunatachus payllataj k'iriykorqa, chayta.

Isaías 33:24

Mana pipis nenqachu: Onqosqa kani, nispa. Manachayqa Tata Diosqa Sión llajtapi tiyakojkunaj juchankuta pampachanqa.

Isaías 54:6

Qanqa saqerparisqa, may llakisqa warmi jina karqanki, mayqenchus sipaspacha qosayoj kashaspa wijch'usqa karqa, chay jina. Chaywanpis Tata Diosqa watej wajyakapusunki. Kunantaj kay jinata nisunki:

Isaías 56:8

Noqa Tukuyta Kamachej Tata Dios, pichus karuman wijch'usqa israelitakunata tantamuni, kayta nini: Kay tukuy tantamusqaymanta jawaqa wajkunatapis tantamusajraj, nispa.

Isaías 57:18

Imaynatachus kawsasqanta rikuni. Chaywanpis noqa payta qhaliyachisaj, pusaykachaspataj sonqochasaj, kusichisaj ima.

Isaías 57:19

Noqataj paykunata nisaj: Karupi kajkunapaj jinallataj qayllapi kajkunapaj allin kawsay kachun. Ajinata noqamin aylluyta qhaliyachisaj, nispa.

Isaías 58:8

Chantá k'acha kawsayniykichejqa tutamanta inti llojsimuy jina k'ancharenqa. Chaypacha k'irisqa kasqaykichejpis usqhayta qhaliyanqa. Justiciata ruwasqaykichejpis ñawpaqeykichejta renqa, Tata Diospa jatun kaynintaj qhepaykichejpi waqaychasonqachej.

Isaías 60:15

Qan ñawpajta saqerpayasqa, chejnisqataj karqanki, jinataj qan chaynejta mana pipis pasayllatapis munajchu. Kunanrí noqaqa wiñaypaj chhika pataman oqharisqayki, qanpitaj tukuy mita runakuna kusikonqanku.

Jeremías 10:20

Toldoykupis tukuynin llik'irasqa, watanankunapis p'itirasqa kashanku. Wawaykukunapis saqerpariwayku, manañataj kankuchu. Manaña pipis watej toldoykuta oqharej kanchu, nillataj cortinaykuta aysaykurejpis kanchu.

Jeremías 17:14

Tata Dios, qan jampiway, qhaliyachisqataj kasaj. Qan qhespichiway, kacharichisqataj kasaj, imaraykuchus Tata Dios, qanllata yupaychayki.

Jeremías 3:22

Tata Diosrí paykunata nin: Mana kasukoj churikuna, noqaman kutirimpuwaychej, noqataj contrayta oqharikoj sonqollapuni kasqaykichejmanta qhaliyachisqaykichej, nispa. Qankuna niwankichej: Arí, watejmanta kutimpusqayku, imaraykuchus qanllamin Diosniyku Tata Dios kanki.

Jeremías 30:13

Qankunaqa mana piniyoj jina kankichej. K'irisqa kasqaykichejta mana pipis jampiykoj kanchu, nillataj jampipis kanchu.

Jeremías 33:24

Manachu reparanki imatachus runakuna nishasqankuta? Paykuna nishanku: Tata Diosqa chay iskaynin ajllakusqan aylluta qhesachan, nispa. Chayrayku pisipaj qhawaspa, aylluytaqa manaña suyupaj jinachu qhawashanku, nispa.

Jeremías 33:6

Chaywanpis qhepanejman kay llajtayojkunata jampispa, qhaliyachisaj. Chantá chhika patata allin kawsaypi paykunata kawsachisaj, nitaj ni imamanta manchachikonqankuchu.

Jeremías 8:22

Manachu ima jampipis Galaad llajtapi kanmanri? Manachu jaqaypi pipis jampiykurej kanmanri? Imaraykutaj kay aylluy mana qhaliyayta atinchuri? nispa.

Lamentaciones 2:15

Ñanta tukuy purejkunaqa qanmanta asikuspa, t'ajllarakunku. Silbarispa, umankuta khiwirispataj, Jerusalén llajtamanta ninku: Kaychu chay k'achitu llajta, kay pachapi tukuyta kusichejqa? nispa.

Ezequiel 34:16

Chinkasqa ovejakunata noqa mask'amusaj, ch'eqerasqatataj tropaman kutirichimusaj. Chakin p'akisqata tableyaykusaj, mayt'uykusajtaj. Tulluyajkunata makimanta mikhuchisaj, kallpasapa wira ovejakunatataj maychus michinata michisaj, nispa.

Ezequiel 35:12

Chaypacha yachanki noqa Tata Dios uyarisqayta Israelpa orqonkunaj contranta imatachus rimasqaykita. Qan nerqanki: Kay orqokunaqa ch'inpacha saqerasqaña kashanku, kunantaj noqanchej jap'ikapuyta atinchej, nispa.

Ezequiel 36:20

Chantá may suyukunamanchá apasqa karqanku, chaypipis llimphu sutiyta p'enqaypi rikhurichillarqankutaj, imaraykuchus waj suyukunapi kaj runakuna nerqanku: Kay runakuna Tata Diospa ayllun kanku, chaywanpis paypa suyunmanta wijch'usqa kanku, nispa.

Oseas 11:3

Makinmanta jap'ispa, noqa Efrainta puriyta yachacherqani. Chaywanpis pay mana repararqachu noqamin payta waqaychashasqayta.

Oseas 6:1

Jamuychej, Tata Diosman kutirikunachej. Paymin mitharpariwarqanchej, jinapis payllataj jampikapuwasunchej. Pay k'iriwarqanchej chaypis, payllataj qhaliyachiwasun.

Malaquías 4:2

2 (3.20) Qankuna noqata kasuwajkunapajrí, justiciay inti jina lliphipipirenqa, chay k'anchaynintaj sumaj kawsayta apamonqa. Chantá qankuna kusiymanta phinkirinkichej, imaynatachus torillokuna corralmanta llojsispa sink'urinku, ajinata.

1 Pedro 2:24

Ajinamanta pay kikin ukhunpi juchanchejta k'aspi cruzpi aparqa, noqanchej juchallinapaj wañuspa, cheqanta ruwaspa kawsananchejpaj. Paypa ukhun khallarasqa kasqanraykutaj qankuna qhaliyachisqa kankichej.

Apocalipsis 22:2

Chay mayoqa llajtaj jatun callenpa chawpinta purisharqa, chay mayoj puraj chimpanpitaj kawsachej sach'akuna karqa, mayqenchus sapa wata chunka iskayniyoj kutita poqoj, sapa killa uj kutita, chay sach'a. Chay sach'akunaj laqhentaj kay pachapi tukuy runata qhaliyachinanpaj jampi karqa.