Jeremías 30:16 - DIOSPA QHELQACHISQ

¹⁶ Chaywanpis tukuy qankunata oqoykusojkunaqa oqoykusqallataj kanqanku. Qankunata ch'uskisojkunaqa ch'uskisqallataj kanqanku. Tukuy awqaykichejkunataj waj suyuman apasqa kanqanku. Qankunamanta suwajkunapis suwachikullanqankutaj.

Qheshwa Biblia DC

¹⁶ Jinaqa, tukuy qanta oqoykusojkunaqa oqoykusqasllataj kanqanku. Qanta ch'uskisojkunaqa ch'uskisqasllataj kanqanku. Tukuy enemigosniyki wijch'usqas kanqanku. Qanta suwasojkunapis suwasqasllataj kanqanku.

DIOSPA QHELQACHISQAN DEUTEROCANONICAL

¹⁶ Chaywanpis tukuy qankunata oqoykusojkunaqa oqoykusqallataj kanqanku. Qankunata ch'uskisojkunaqa ch'uskisqallataj kanqanku. Tukuy awqaykichejkunataj waj suyuman apasqa kanqanku. Qankunamanta suwajkunapis suwachikullanqankutaj.

Jeremías 30:16 ပူးပေါင်းရင်းမြစ်များ

Salmos 129:5

Sión llajtata tukuy chejnikojkuna p'enqaypi rikhurichunku, ayqechunkutaj.

Éxodo 23:22

Sichus cheqatapuni payta kasunki chay, tukuy nisqantataj ruwanki chayqa, noqa awqaykej awqan kasaj. Pichus contraykipi sayaykusojman noqa sayaykullasajtaj.

Proverbios 22:23

Tata Dios wajchakunaman sayakonqa, kapuyninta qhechojkunamantataj Tata Dios kapuyninkuta qhechuspa, mana imayojta saqerparenqa.

Isaías 14:2

Waj suyukuna israelitakunata yanapanqanku jallp'ankuman kutimpunankupaj. Chay runakunataj Diospa jallp'anpi israelitakunaj wata runanku kanqanku. Chantá israelitakunañataj, pikunachus paykunata ñak'arichejkunata presochanqanku, munayninkutataj paykunawan ruwanqanku, pikunachus israelitakunata llakichej kanku, chaykunawan.

Isaías 33:1

Ay, ima llakiyrajchus kanqa qankunapaj, asiriokuna. Qankuna wajkunata thuñerqankichej chaypis, qankuna mana jayk'aj thuñisqachu karqankichej. Qankuna tukuyta wasancharqankichej, qankunatatajrí mana pipis wasanchasorqachejchu. Chaywanpis qankuna thuñiyta tukojtiykichej, qankunatapis thuñillasonqachejtaj. Wasanchayta tukojtiykichej, qankunatapis wasanchallasonqachejtaj.

Isaías 54:15

Sichus pipis qanwan maqanakoj sayaykamusonqa chayqa, mana noqaj kamachisqayraykuchu kanqa. Pillapis qanpa contraykipi sayaykojqa ñawpaqeykipi urmanqa.

Isaías 54:17

Chaywanpis qanta chinkachinanpaj armata mana pipis ruwayta atenqachu. Pichus contraykita parlajtaqa juezpa ñawpaqenpi ch'inyachillankipuni. Chaykunata kamachiypi kajkunaman qoni, noqataj paykunata qhespichisaj. Ajinata noqa Tata Dios nini.

Jeremías 10:25

Phiñakuyniykita kachaykuy, pikunachus mana rejsisunkuchu, chay suyukunaj patankuman, pikunachus sutiykita mana yupaychankuchu, chaykunaj patankuman. Ajinata ruway, imaraykuchus paykuna Jacobpa mirayninta tukucherqanku, suyunkutataj raqayllataña saqerparerqanku, nispa.

Jeremías 12:14

Tata Dios ajinata nillantaj: Israel suyoj muyuyninpi tiyakoj millay runakunamanta, pikunachus Israelman qosqay jallp'ata jap'ikapunku, chaykunamanta nini: Noqaqa paykunata suyunkumanta t'irasaj, Judatataj paykunaj chawpinkumanta orqhomusaj.

Jeremías 2:3

Israel noqapaj t'aqasqa karqa, chajraymanta aswan allin kaj oqharisqay jina karqa. Pillapis paykunata ñak'arichejtenqa, noqa ñak'arichillajtaj kani, sinch'i ñak'ariykunata apachispa. Noqa Tata Diosmin chayta nini.

Jeremías 25:12

Qanchis chunka wata junt'akojtin, Babiloniata kuraj kamachejta millay ruwasqanmanta jasut'isaj, jinallataj caldeokunatapis. Chay suyukunata wiñaypaj ch'inyachisaj. Noqa Tata Diosmin chayta nini.

Jeremías 30:15

Imaraykutaj k'irisqa kasqaykichejmanta qhaparqachankichejri? Chay nanayniykichejqa mana jampiy atina. Ashkha millay ruwasqaykichejmanta, mana yupay atina juchaykichejmanta ima ajinata ñak'arichiykichej.

Jeremías 50:28

Babiloniamanta ayqemojkunaj willasqanku Sionpi uyarikun. Paykuna willanku imaynatachus Tata Diosninchej Babiloniamanta vengakusqanta, Templonta phiriykusqankurayku.

Jeremías 8:16

Awqakuna jamushankuña. Caballokunaj samaqesqankupis Danmantapachaña uyarikun. Caballokuna qhaparejtinku, tukuy jallp'a kharkatitin. Kay jallp'api tukuy ima kajta chinkarparichej jamushanku. Tukuy llajtata, chaypi tiyakojkunatawan ima chinkarparichenqanku, nispa.

Lamentaciones 1:21

Waqashajta uyariwanku, manataj pipis sonqochaykuriwaj kanchu. Tukuy awqaykuna mana allinpi kasqayta yachanku, maytataj kusikunku kay jinata ñak'arichiwasqaykimanta. Paykunamanpis jasut'isaj, nispa nisqaykita apachimullayña, paykunapis noqa jina ñak'arinankupaj.

Lamentaciones 1:22

Qanpa ñawpaqeykiman tukuy millay ruwasqanku chayamuchun. Imaynatachus noqa mana kasukojtiy ruwawarqanki, ajinallatataj paykunatapis ruway ari. Anchataña waqasqayrayku, sonqoy p'akisqa kashan, nispa. Ajinata Jerusalén llajta Tata Diosta nin.

Ezequiel 29:6

Chaypacha Egiptopi tukuy tiyakojkunaqa yachanqanku noqa Tata Dios kasqayta. Ajinata ruwasqayki, imaraykuchus qanqa Israel aylluypaj soqosomanta tojnu jinalla karqanki.

Ezequiel 35:5

Qankuna israelitakunaj wiñay awqanku kaspa, maypachachus paykuna manchay llakiypi kasharqanku chaypacha, paykunata maqanakuspa, wañuracherqankichej.

Joel 3:8

8 (4.8) Churiykichejkunata, ususiykichejkunata ima Judapi tiyakojkunaman vendesaj, paykuna Sabá llajtayojkunamanñataj vendenankupaj, chay karu llajtayojkunaman. Noqa Tata Diosmin chayta nini.

Miqueas 4:11

Kunan ashkha suyukuna contraykipi tantaykukuspa, ninku: Jakuchej, Jerusalén llajta sarusqa kasqanta rikuspa, manchayta kusikusunchej, nispa.

Miqueas 7:10

Chantá awqay chayta rikuspa, p'enqakuymanta wañonqa. Pay kusipayawaspa niwaj: Maypitaj Tata Dios, chay Diosniykiri? nispa. Chaywanpis ñanpi t'uruta jina sarusqata awqayta rikuspa, noqañataj kusikusaj.

Nahúm 1:8

Chaywanpis imaynatachus yaku junt'aykuspa tukuy imata apakapun, ajinatamin paywan tukuy churanakojkunata picharparenqa. Tukuy awqankunata manchay laqhayaylla qhatirenqa.

Habacuc 2:16

Kunantajrí jatunpaj qhawasqa kanayki may p'enqaypi rikhurenqa, imaraykuchus Tata Dios qosonqa uj ujyanata, chaytaj sut'iman orqhonqa q'alalla kayniykita, may uyarisqa kasqaykitaj pampapi rikhurenqa.

Sofonías 2:8

Tukuy Atiyniyoj Tata Dios, pichus Israelpa Diosnin kay jinata nin: Uyarini Moab llajtayojkuna asikuspa imatachus mana allinta parlasqankuta, Amón llajtayojkunaj alqochakusqankuta ima. Paykunaqa aylluypaj millayta parlarqanku, aylluypa jallp'anwantaj qhapajyarqanku.

Zacarías 1:14

Chaymanta Tata Diospa angelnin kamachiwarqa kayta willanayta: Tukuy Atiyniyoj Tata Dios kay jinata nin: Noqa Jerusalentawan, Sión orqotawan sinch'ita munakuni.

Zacarías 1:15

Chayrayku sinch'i phiñasqa kashani mana imamanta llakiyniyoj suyukunaj contrankupi. Maypachachus pisillataraj aylluypaj phiñakorqani chaypacha, paykuna Jerusalén llajtata may sinch'ita ñak'arichispa, astawan phiñachiwarqanku.

Zacarías 12:2

Jerusalenta ruwasaj uma muyuchej vinoyoj vaso jina kananpaj, ajinamanta qayllanpi kaj tukuy suyukunata machachinanpaj. Maypachachus Jerusalenta jap'inankupaj muyuykonqanku chaypacha, Judamanta waj llajtakunatapis muyuykullanqankutaj.

Zacarías 14:2

Chay p'unchaypi Tata Diosqa tukuy suyukunata tantanqa Jerusalenpa contranta maqanakunankupaj. Chaypacha paykuna Jerusalén llajtata jap'enqanku, chaypi tiyakojkunaj wasinkukunatapis ch'inyachenqanku. Chay runakunaj warminkutapis alqochanqanku, chaypi tiyakojkunamantataj khuskannin waj suyukunaman apasqa kanqanku. Chaykunamanta puchojkunalla llajtapi qhepakonqanku.

Zacarías 2:12

12 (16) Tata Diosqa ujtawan paypaj t'aqasqa Judá suyuta chayaqenpaj jina jap'ikapullanqataj. Jerusalentapis ujtawan paypaj t'aqakonqa.

Zacarías 2:8

8 (12) Tukuy Atiyniyoj Tata Dios kayta willanaypaj kachamuwarqa, pikunachus tukuy imaykichejta ch'uskirasorqachej, chay suyukunaj contrankupi: Pillapis qankunata llankhaykojqa ñawi papaytapis llankhaykunman jina.

Deuteronomio 30:7

Tata Diosniykichejqa chay tukuy llakiykunata awqaykichejpa patanman kachaykonqa, pikunachus chejnikuspa qhatiykachasorqachej, chaykunaman.

Apocalipsis 13:10

Pichus carcelpi wisq'asqa kanan kashan, chayta carcelman wisq'anankupaj apanqanku. Chantá pichus wañuchisqa kanan kashan, chaytapis wañuchenqanku. Chay niyta munan Diospa ajllakusqankunaqa qhatiykachasqa kanata pacienciawan awantanankuta, Diosta mana wasanchaspa.

1 Samuel 17:53

Chantá israelitakunaqa filisteokunata qhatiykusqankumanta kutirimuspa, filisteokunaj jarankupi tukuy imankuta apakaporqanku.