Jeremías 30:14 - DIOSPA QHELQACHISQ

¹⁴ Tukuy waynaykikuna qankunamanta qonqapusonqanku, manañataj pipis qankunamanta yuyarikonqankuchu. Noqa qankunata k'irerqaykichej awqaykichejpis kayman jina. May chhika millay ruwasqaykichejmanta manchay sinch'ita jasut'erqaykichej, mana yupay atina juchaykichejmanta ima.

Qheshwa Biblia DC

¹⁴ Tukuy munapayasojkuna qonqapusorqanku; manañataj pipis qanmanta llakikunchu. Noqa qantaqa nanaykucherqayki enemigosniykipis kayman jina, manchay sinch'ita jasut'erqayki may chhika sajra ruwasqasniykimanta, mana yupay atina juchasniykimanta ima.

DIOSPA QHELQACHISQAN DEUTEROCANONICAL

¹⁴ Tukuy waynaykikuna qankunamanta qonqapusonqanku, manañataj pipis qankunamanta yuyarikonqankuchu. Noqa qankunata k'irerqaykichej awqaykichejpis kayman jina. May chhika millay ruwasqaykichejmanta manchay sinch'ita jasut'erqaykichej, mana yupay atina juchaykichejmanta ima.

Jeremías 30:14 ပူးပေါင်းရင်းမြစ်များ

Job 16:9

Tata Diosqa qhatiykachawaspa, mithawan, león jina contrayta khamurarikun. Awqaypis kanman jina ñawinwan oqoykuwan.

Job 19:11

Phiñakuyninta noqaj patayman kachaykamuwan, awqanpis kayman jina qhawawan.

Job 30:21

Qanqa noqapaj mana sonqoyojman tukunki, tukuy atiyniykiwantaj qhatiykachawanki.

Salmos 107:17

Wampukunarí Diosta mana kasusqankurayku, chantá millayta ruwasqankurayku ñak'arichisqa karqanku.

Isaías 57:13

Yanapanayta mañakuspa qhaparejtiyki, chay tantasqayki lantikunamin librasuchunku. Chaywanpis paykunata wayralla aparanqa, uj phukuyllawan chinkarichisqa kanqanku. Pichus noqapi atinikojrí, kay jallp'ata chayaqenpaj jap'enqa, noqapaj t'aqasqa orqopitaj tiyakonqa, nispa.

Jeremías 14:17

Tata Dios nillawarqataj: Aylluyman kayta niy: Tuta p'unchay mana sayk'uyta ñawiymanta waqay t'akakuchun, imaraykuchus may munasqa aylloyqa ñak'arichisqa, k'irisqataj kashan.

Jeremías 2:36

Imaraykutaj chay jina usqhayta qanman sayasqa qhesachaspa, wajmanñataj k'askakunkiri? Egiptoqa k'akillata saqerparisonqa, imaynatachus Asiriapis ruwasorqa, ajinata.

Jeremías 22:20

Qan, Jerusalén, Líbano orqoman wicharispa, qhapariy. Basán orqokunapi jatunmanta waqay. Abarín orqomantapacha qhapariy, imaraykuchus qanman tukuy sayakusqa kajkuna atipasqaña kanku.

Jeremías 22:22

Kunantajrí tukuy kurajniykikunata wayralla apakaponqa, qanman sayasqa kajkunataj waj suyuman apasqa kanqanku. Chantá qan p'enqaypi k'umuykachashaj rikhurinki, chay tukuy millayta ruwasqaykirayku.

Jeremías 30:15

Imaraykutaj k'irisqa kasqaykichejmanta qhaparqachankichejri? Chay nanayniykichejqa mana jampiy atina. Ashkha millay ruwasqaykichejmanta, mana yupay atina juchaykichejmanta ima ajinata ñak'arichiykichej.

Jeremías 32:29

Caldeokuna kay llajtaman yaykuspa, ninawan jap'iykuchenqanku. Maypichus israelitakuna noqata mayta phiñachiwaspa, Baalman inciensota q'oshñichej kanku, jinataj mana rejsisqa dioskunaman vinota jaywaj kanku, chay wasikunatapis ruphaykuchillanqankutaj.

Jeremías 32:30

Qallariymantapacha Israel ayllu, chantá Judá ayllupis ñawpaqeypi millayta ruwarqanku. Israelitakunaqa paykunaj ruwasqanku lantikunata yupaychaspa, phiñachillawajpuni kanku. Noqa Tata Diosmin chayta nini.

Jeremías 32:34

Astawanpis noqapaj t'aqasqa Temployta ch'ichicharqanku millay lantinkuta chaypi sayachispa.

Jeremías 32:35

Jinallataj Ben Jinón vallepipis Baalpaj altarkunata ruwarqanku chaypi churinkunata, ususinkunata ima uywa ñak'asqata jina Molocman q'olachinankupaj. Noqatajrí chay jina millayta ruwanankuta ni jayk'aj kamacherqanichu, nitaj yuyallarqanipischu. Jinata ruwaspa, chay kurajkunaqa Judá suyupi tiyakoj runakunata juchallicherqanku, nispa.

Jeremías 38:22

Caldeamanta soldadokunaqa Judá suyuta kuraj kamachejpa wasinpi tukuy qhepakoj warmikunata orqhospa, Babiloniaj soldadonkunaj kurajninkunaman jaywaykonqanku. Chay warmikunataj kay jinata qanmanta nenqanku: Qanpa kawsaqeykikunallataj wasanchasorqanku, atipaykusorqankutaj. Chakiyki t'uruman chinkaykushajtinpis, paykuna saqerparisorqanku, nispa.

Jeremías 4:30

Qanrí, thuñisqa llajta, imapajtaj yana kulliraw p'achawan p'achallikunkiri? Imapajtaj qori jaluchuwan k'achanchakunkiri? Imapajtaj ñawiykita yanawan pintakunkiri? Chay jinata k'achanchakusqaykeqa qhasi manakajlla kanqa. Munapayasojkuna saqerpayasunku, aswanpis wañuchinasunkupaj mask'ashasunku.

Jeremías 44:22

Tata Diosqa manañapuni chay millay ruwasqaykichejta awantarqachu. Chayraykumin qankunaj llajtaykichejqa ch'inyachisqa kashan, mana runayoj, t'ukunapaj jina maldicisqataj.

Jeremías 5:5

Chayrayku noqa kurajninkukunaman risaj, paykunamantaj parlamusaj, imaraykuchus paykuna imachus Tata Diospa munaynin kasqanta yachankupuni. Diospa kamachisqantapis rejsillankutaj, nispa. Chaywanpis, paykunapis ujllata Diospa contranpi oqharikusqanku, manataj kamachisqanta kasuyta munasqankuchu.

Jeremías 5:6

Chayraykumin montemanta leonkuna llojsimuspa, paykunata wañurachenqanku. Ch'innejmanta onzakuna, k'ita alqokunapis paykunata t'isaranqanku, tigrekunapis llajtakuna qayllapi suyaykonqanku. Llajtankumanta runakuna llojsejtinkutaj, paykunata t'isarallanqankutaj, imaraykuchus ashkha kutita Diospa contranta oqharikorqanku, ashkha kutitataj payta wasancharqanku.

Jeremías 50:42

Paykunaqa flechanapaj arcoyoj, t'ojsina lanzayoj ima jamushanku. Jinallataj rumi sonqo mana uj chhikan khuyakuyniyoj kanku. Ch'ajwasqankoqa mama qochaj qhollchoqeyasqan jina sonarin, caballopitaj purinku. Ñapis Babiloniaj contranpi maqanakoj yaykunankupajña kashanku.

Jeremías 6:23

Lanzakunawan, flechanapaj arcokunawan ima wakichisqaña kanku. Paykunaqa rumi sonqo kanku, mana uj chhika khuyakuyniyojtaj. Mama qochaj qhollchoqeyasqan jina qhaparisqankupis uyarikun. Caballokunapi jamushanku, Sionpa contranpi maqanakunankupaj, nispa.

Lamentaciones 1:19

Waynaykunata yanapanawankupaj wajyakorqani, paykunatajrí wasanchawarqanku. Sacerdoteykunawan, kurajniykunawanqa llajta ukhupi wañorqanku. Kutirinankupaj mikhunata mask'akuspa, purerqanku.

Lamentaciones 1:2

Jerusalén llajta runa jina tukuy tuta sonqo nanayta waqan, waqayninpis uyanta sururin. Waynankunamanta ni mayqen sonqochaykurej kanchu. Tukuy kawsaqenkuna wasancharqanku, awqanmantaj tukorqanku.

Lamentaciones 2:1

Tata Diospa phiñakuynin may sinch'i kasqanrayku, k'achitu Sión llajtata laqhayaykuchin. Israelpa jatunchakunanta janaj pachamanta kay pachaman wijch'uykamun, ñut'u jallp'a jinallaña kashan. Chay jina k'arajta phiñakuspa, Tata Diosqa mana Templollanmantapis khuyakorqachu.

Ezequiel 23:22

Chayrayku Aholibá, Tukuyta Kamachej Tata Dios kay jinata nisunki: Wayllukusorqanku, pikunamantachus kunan millachikushanki, chaykunata contraykipi jatarichisaj, tukuynejmantataj kay runakunata qanpa contraykipi kachaykamusaj:

Ezequiel 23:9

Chayrayku noqaqa payta asirio waynakunaman jaywaykorqani, mayqenkunawanchus sonqonta suwachikusqa, chaykunaman.

Daniel (hebreo) 9:11

Tukuy israelitakuna yachachisqaykita mana kasorqaykuchu. Kamachisqaykita kasunaykutaqa, qanmanta karunchakorqayku. Jinapi contraykipi juchallikusqaykurayku kamachiyki Moisés kamachisqankunapi tiluspa kananta nerqa, chay maldicisqa kaywan, jasut'iykunawan ima pataykuman urmaykuwayku.

Daniel (hebreo) 9:13

Tukuy kay llakeyqa Moisespa kamachisqanpi qhelqasqa kasqanman jina qhatiriwayku. Noqaykurí, mana qanta mask'arqaykuchu, manataj sajra kawsayniykuta saqerqaykuchu, nillataj cheqan kajtapis qhaterqaykuchu.

Daniel (hebreo) 9:5

Noqaykurí juchallerqayku, millayta ruwarqayku, qanta mana kasuspataj kawsarqayku. Jinallataj kamachisqaykimanta, imatachus ruwanaykuta nisqaykimantawan karunchakorqayku.

Oseas 2:5

5 (7) Mamanku khuchichakorqa. Paykunata paqarichikojqa uyanpi mana yawarniyoj jina nerqa: Rispa, mask'amusaj ñawpa qhariykunata. Paykuna mikhunata qowanqanku, linomanta, millmamanta ruwasqa p'achata ima. Sumaj q'apashaj jawinawantaj jawiykuwanqanku, chantá mayta kusichiwanqanku, nispa.

Oseas 5:14

Imaynatachus león uywata jap'inanpaj phawaykun, ajinata noqapis Efrainta, Judatawan ruwasaj. Noqapuni chhikan chhikanta t'isarpariytawan, ripusaj. Noqa jap'ejtiytaj, mana pipis qhechuwayta atenqachu.

Abdías 1:7

Qanman kutisqa kajkunapis wasanchasonqanku, kikin jallp'aykimantataj wijch'usonqanku. Kikin kawsaqeykikunallataj contraykipi sayarenqanku. Jinallataj pikunapichus atinikorqanki, chay kawsaqeykikunallataj urmanaykipaj tojllata churaykapusonqanku. Chaywanpis qan, Edom, mana imatapis reparankichu.