Jeremías 30:13 - DIOSPA QHELQACHISQ

¹³ Qankunaqa mana piniyoj jina kankichej. K'irisqa kasqaykichejta mana pipis jampiykoj kanchu, nillataj jampipis kanchu.

Qheshwa Biblia DC

¹³ Mana pipis qanmanta dakojqa kanchu, manataj pipis nanasqasniykita jampiykusoj kanchu, manataj jampipis kanchu.

DIOSPA QHELQACHISQAN DEUTEROCANONICAL

¹³ Qankunaqa mana piniyoj jina kankichej. K'irisqa kasqaykichejta mana pipis jampiykoj kanchu, nillataj jampipis kanchu.

Jeremías 30:13 ပူးပေါင်းရင်းမြစ်များ

Job 34:29

Chaywanpis, sichus Dios ch'inlla kakun chayqa, pitaj payta juchachayta atinmanri? Sichus uyanta pakan chayqa, pitaj rikuyta atinmanri? Payqa tukuy suyuta qhawashan, jinallataj sapa uj runatapis.

Job 5:18

Sichus pay runaj ukhunta nanaykuchin chayqa, payllataj jampenqa. Sichus runata onqochin chayqa, payllataj thañichenqa.

Salmos 106:23

Chayrayku Dios nerqa: Paykunata tukuchisaj, nispa. Ajllakusqan Moisés paykunarayku mañapojtintajrí, Tata Diospa phiñakuynin tiyaykorqa. Ajinata ruwaspa, Moisesqa israelitakunata Tata Dios chinkarparichinanmanta jark'arqa.

Salmos 142:4

4 (5) Pañanejman kutirikuspa qhawani, manataj pipis yanapaj jamoj kanchu, nitaj pipis noqaman kutikuwaj kanchu. Manallataj pipis noqata qhawariwajqa kanchu.

Éxodo 15:26

Chantá Tata Dios paykunaman nerqa: Sichus Tata Diosniykichej parlasqanta tukuy sonqo uyarinkichej, ñawpaqenpitaj cheqanta ruwankichej, chantá kamachisqantataj kasunkichej chayqa, Egipto llajtayojkunaman kachaykorqani, chay onqoykunata mana qankunaman kachaykamusqaykichejchu. Noqa Tata Diosmin qhaliyachisojniykichej kani, nispa.

Isaías 1:6

Chakiykichejmanta umaykichejkama k'irisqa kankichej, q'eyayasqa, punkisqa, aycha khallasqa ima. Ni pi jampiykusunkichejchu, nitaj mayt'usunkichejchu, nillataj aceitewan jawiykusunkichejchu k'irisqa kasqaykichej thañinanpaj.

Isaías 59:16

Chaypacha Tata Dios t'ukorqa mana ujllapis ñak'arichisqa runata yanaparej kasqanmanta. Chayrayku pay kikin atiyninwan paykunata kacharicherqa, justiciantaj payta sumajta sayacherqa.

Jeremías 14:19

Chantá Jeremías nerqa: Tata Dios, Judataqa qhesachasqatapunichu qhesachanki? Sión llajtawanqa amichikunkipunichu? Imaraykutaj qhaliyayta mana atinaykupaj jina maqawarqaykuri? Allinpi tiyakuyta suyarqayku, manataj ima allintapis rikorqaykuchu. Qhaliyachisqa kayta suyarqayku, sinch'i mancharikuyllataj kashan.

Jeremías 17:14

Tata Dios, qan jampiway, qhaliyachisqataj kasaj. Qan qhespichiway, kacharichisqataj kasaj, imaraykuchus Tata Dios, qanllata yupaychayki.

Jeremías 30:17

Noqataj tukuy k'irisqa kasqaykichejta jampiykusaj, ajinamantataj nanasqaykikunata thañichisaj, imaraykuchus awqaykichejkuna qanmanta ninku: Sionqa saqerparisqa, manataj pipis paymanta yuyarikunchu, nispa. Noqa Tata Diosmin chayta nini.

Jeremías 33:6

Chaywanpis qhepanejman kay llajtayojkunata jampispa, qhaliyachisaj. Chantá chhika patata allin kawsaypi paykunata kawsachisaj, nitaj ni imamanta manchachikonqankuchu.

Jeremías 46:11

Sipas jina Egipto suyu, jampita mask'aspa, Galaadman wichariychej. Chaywanpis qhasi manakajllata ashkha jampita ujyanki, manataj jampisonqachu.

Jeremías 6:7

Jerusalenmanta millayta ruwana llojsimullanpuni, imaynatachus uj pujyumanta yaku llojsimullanpuni, ajinata. Chay llajtapi suwanamanta chantá mana allinta ruwanamanta parlasqalla uyarikun. Chaypi onqoykunawan k'irisqa runakunallata rikuni.

Jeremías 8:22

Manachu ima jampipis Galaad llajtapi kanmanri? Manachu jaqaypi pipis jampiykurej kanmanri? Imaraykutaj kay aylluy mana qhaliyayta atinchuri? nispa.

Lamentaciones 2:13

Jerusalén llajta, imatataj niykimanri? Jerusalén, imawantaj rijch'anachiykiman qanta sonqochanaypajri? Qanpa llakiyniykeqa mama qocha jina. Pitaj sonqoykita tiyaykuchiyta atisunkimanri?

Ezequiel 22:30

Chay runakuna ukhupi noqa uj runallatapis mask'arqani, pillapis kay suyoj allinninta mask'aspa, ñawpaqeypi noqamanta mañapunanpaj ajinamanta ama paykunata chinkachinaypaj. Chaywanpis mana ujllatapis tarerqanichu.

Ezequiel 30:21

Runaj churin, Egiptopi kuraj kamachej faraonpa makinta p'akini, manataj pipis jampiykuspa wataykoj kanchu, qhaliyapuytawan watej kallpachakuspa espadata jap'inanpaj.

Oseas 14:4

Tata Dios nin: Mana kasukoj kasqaykichejta noqa jampisaj. Noqa tukuy sonqo munakusqaykichej mana munakunapaj jina kashajtiykichejpis, imaraykuchus phiñakuyneyqa tiyaykapunña.

Oseas 6:1

Jamuychej, Tata Diosman kutirikunachej. Paymin mitharpariwarqanchej, jinapis payllataj jampikapuwasunchej. Pay k'iriwarqanchej chaypis, payllataj qhaliyachiwasun.

Nahúm 3:19

K'irisqa kasqaykipaj mana jampi kanchu. Chay onqoyniykeqa mana jampiy atina. Llakiypi rikhurisqaykimanta tukuy uyarejkuna kusikuspa t'ajllarakunku. Millay ruwasqaykeqa pitataj mana ñak'aricherqachuri?

Deuteronomio 32:39

Yachaychej noqalla Dios kasqayta, noqamanta jawa waj dioskunaqa mana kanchu. Noqalla kawsayta qoni, chantá qhechunitaj. Noqa onqochini, jampinitaj. Mana pipis makiymanta kacharichikuyta atinmanchu.

1 Pedro 2:24

Ajinamanta pay kikin ukhunpi juchanchejta k'aspi cruzpi aparqa, noqanchej juchallinapaj wañuspa, cheqanta ruwaspa kawsananchejpaj. Paypa ukhun khallarasqa kasqanraykutaj qankuna qhaliyachisqa kankichej.

1 Juan 2:1

Munasqa wawaykuna, ama juchallikunaykichejpaj kaykunata qhelqamuykichej. Chaywanpis sichus pipis juchallikun chayqa, Tata Diospa ñawpaqenpi noqanchejrayku parlarinanpaj uj tiyan. Chayqa Jesucristo, paytaj cheqantapuni ruwan.