Jeremías 30:11 - DIOSPA QHELQACHISQ

¹¹ Noqa Tata Dios nillanitaj: Qankunawan kashani kacharichisunaykichejpaj, nispa. Tukuy suyukunata kantumanta tukuchisaj, mayqenkunamanchus ch'eqeracherqaykichej, chaykunata. Jinapis qankunata mana tukuchisqaykichejchu. Juchallikusqaykichejman jina jasut'isqaykichej. Mana jasut'isuspaqa manapuni saqesqaykichejchu. Noqa Tata Diosmin chayta nini.

Qheshwa Biblia DC

¹¹ Noqa Señor nillanitaj, qanwan salvasunaypaj kashasqayta. Tukuy nacionesta tukuchisaj maypichá ch'eqeracherqayki chaykunata. Jinapis qantaqa mana tukuchisqaykichu; jasut'isqayki juchallikusqaykiman jinalla. Manapuni saqesqaykichu mana jasut'ispaqa.

DIOSPA QHELQACHISQAN DEUTEROCANONICAL

¹¹ Noqa Tata Dios nillanitaj: Qankunawan kashani kacharichisunaykichejpaj, nispa. Tukuy suyukunata kantumanta tukuchisaj, mayqenkunamanchus ch'eqeracherqaykichej, chaykunata. Jinapis qankunata mana tukuchisqaykichejchu. Juchallikusqaykichejman jina jasut'isqaykichej. Mana jasut'isuspaqa manapuni saqesqaykichejchu. Noqa Tata Diosmin chayta nini.

Jeremías 30:11 ပူးပေါင်းရင်းမြစ်များ

2 Samuel 24:12

Riy Davidman, nimuytaj kay kinsa imakunamanta, imatachus noqa ruwanayta chijllakunanpaj, nispa.

Salmos 6:1

1 (2) Tata Dios, phiñakuspa ama k'amiwaychu. K'arajta phiñakuspapis, ama jasut'iwaychu.

Éxodo 34:7

Munakuyneyqa mana tukukuyniyoj, wiñaypaj kikillanpuni. Chayrayku tukuy millay ruwasqankuta, mana kasukusqankuta, juchallisqankutapis pampachani. Chaywanpis juchallejtaqa mana qhawakullanichu, aswanpis tata mamaj juchallisqankumanta wawankunata, allchhinkunata, allchhinkunaj wawankukamaraj ñak'arichini, nispa.

Isaías 43:25

Chaywanpis Diosniyki kasqayrayku, chay millay juchaykita llimphuchasaj. Juchaykikunatataj qonqayman churasaj.

Isaías 8:10

Sumajtapis maqanakunapaj wakichikojtiykichej, qhasi manakajllapaj kanqa. Imata parlasqaykichejqa manapuni junt'akonqachu, imaraykuchus Diosqa noqaykuwan kashan, nispa.

Jeremías 1:19

Paykunaqa qanwan maqanakonqanku, jinapis mana atipasonqankuchu, imaraykuchus noqa yanapasunaypaj qanwan kasaj, nispa. Noqa Tata Diosmin chayta nini.

Jeremías 1:8

Ama paykunamanta manchachikuychu, imaraykuchus noqa qanwan kashani yanapasunaypaj. Noqa Tata Diosmin chayta nini, nispa.

Jeremías 10:24

Tata Diosníy, justiciaykiman jina cheqan ñanniykiman churawayku, manataj k'araj phiñakuyniykiman jinachu, ama tukusqata tukuchinawaykupaj.

Jeremías 15:20

Noqa broncemanta perqata jina kay runakunaj ñawpaqenkupi sayachisqayki. Paykuna maqanakusonqanku chaypis, mana atipasonqankuchu, imaraykuchus noqamin qanwan kashani waqaychasunaypaj, kacharichisunaypajtaj. Noqa Tata Dios tiluspa chayta niyki.

Jeremías 4:27

Tata Dios nin: Tukuy jallp'a ch'inman tukuchisqa kanqa. Chaywanpis mana tukuynintapunichu tukuchisaj.

Jeremías 5:10

Awqanku uva huertaman yaykuykuspa, t'ustichunku. Jinapis ama tukuynintachu q'arachunku. Yuranta k'ajllarachunku, imaraykuchus chay uva yurakuna mana Tata Diospatachu.

Jeremías 5:18

Tata Dios nillantaj: Chaywanpis chaypacha mana chinkachisqatachu chinkachisqaykichej.

Lamentaciones 3:22

Tata Diospa khuyakuynenqa mana jayk'ajpis tukukunchu, munakuyninpis mana tukukuyniyojchu.

Ezequiel 11:13

Tata Diospa sutinpi paykunaman chayta parlashajtillayraj, Benaiaspa churin Pelatías wañorqa. Noqataj pampakama k'umuykorqani, jatunmanta qhaparispataj, nerqani: Ay, Tukuyta Kamachej Tata Dios, pisi puchoj israelitakunatapis tukuynintachu wañurachinki? nispa.

Ezequiel 6:8

Chaywanpis noqa saqesaj paykuna ukhumanta wakinkuna mana wañunankuta, astawanpis kawsanankuta waj suyukunaman ch'eqerasqa kaspa.

Oseas 11:9

Mana phiñakuyniy k'ajarisqanman jinachu ruwasaj. Mana ujtawan Efrainta chinkachisajñachu, imaraykuchus noqaqa Dios kani, manataj runachu. Noqa chawpiykichejpi May Llimphu Kaj Diosmin kani, manataj phiñasqachu qankunaman jamusaj.

Levítico 26:44

Chay tukuywanpis awqaykichejpa llajtanpi kashajtiykichejpis, mana qankunata saqerparisqaykichejchu, nitaj qhesachasqaykichejchu. Nillataj tukuchisunaykichejkama chejnikusqaykichejchu. Manallataj qankunawan ruwasqay tratotapis p'akisajchu, imaraykuchus noqamin Tata Diosniykichej kani.

San Mateo 1:23

Qharej mana chayasqan uj sipas wijsallikonqa, uj qhari wawatataj paqarichikonqa. Chay wawata Emanuel sutiwan sutichanqanku. Chay suti niyta munan: Diosqa noqanchejwan, nispa.

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

Hechos 18:10

Noqamin qanwan kashani, manataj pipis imanasonqachu, imaraykuchus kay llajtapi may chhika runakuna noqapi atinikonqanku, nispa.

Deuteronomio 4:31

Tata Diosniykichejqa manchay khuyakuyniyoj kasqanrayku, mana saqerparisonqachejchu, nitaj chinkachisonqachejchu, nillataj ñawpa tataykichejkunawan tiluspa trato ruwasqanta qonqaponqachu.

2 Timoteo 4:22

Tukuyta Kamachej Jesucristo qanwan kachun. Jinallataj Diospa qhasilla k'acha yanapayninpis qankunawan kachun.