Jeremías 30:10 - DIOSPA QHELQACHISQ

¹⁰ Noqa Tata Dios nillanitaj: Kamachiy Jacobpa ayllun, ama manchachikuychejchu. Israel, ama mancharikuychu. Noqa qankunata, wawaykichejkunatapis karu llajtamanta kacharichimusaj, maymanchus apasqa karqankichej, chaymanta. Watej allin kawsaypi tiyakunkichej, ni pejpa ima nisqan, ni imata manchachikuspataj.

Qheshwa Biblia DC

¹⁰ Noqa Señor nillanitaj: Jacobpa ayllun kamachiy, ama mancharikuychu. Qan, Israel, ama mancharikuychu. Qanta, wawasniykitapis noqa kacharichimusaj, chay karu llajtasmanta, maypichus wijch'usqas kashankichej chaymanta. Watejmanta sonqo tiyasqa kaypi tiyakunki, ch'inllapi mana pejpa mancharichinan.

DIOSPA QHELQACHISQAN DEUTEROCANONICAL

¹⁰ Noqa Tata Dios nillanitaj: Kamachiy Jacobpa ayllun, ama manchachikuychejchu. Israel, ama mancharikuychu. Noqa qankunata, wawaykichejkunatapis karu llajtamanta kacharichimusaj, maymanchus apasqa karqankichej, chaymanta. Watej allin kawsaypi tiyakunkichej, ni pejpa ima nisqan, ni imata manchachikuspataj.

Jeremías 30:10 ပူးပေါင်းရင်းမြစ်များ

Génesis 15:1

Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

Isaías 14:3

Israel ayllu, maypachachus Tata Dios samarikuyta qosonqachej chay jinata ñak'arisqaykichejmanta, jinallataj phutikusqaykichejmanta chantá chay jina sinch'i ruwaymanta ima chaypacha,

Isaías 35:9

Chaypeqa mana leonkuna kanqachu, nitaj phiña k'ita animalkunapis chaynejta purenqankuchu. Manachayqa chay ñannejta, pikunatachus Tata Dios preciota pagaspa kacharicherqa, chaykunalla kutimponqanku.

Isaías 43:5

Ama manchachikuychu, imaraykuchus qanwanpuni kashani. Chantá inti llojsimuynejmanta, inti yaykuynejmantawan runaykikunata tantamusaj.

Isaías 44:1

Kunanqa Jacobpa ayllun Israel, ajllakusqay kamachíy, uyariway, ari:

Isaías 44:2

Noqa ruwasoj Tata Diosniyki kani. Manaraj paqarikushajtiyki ruwarqaykiña, kunantaj qanta yanapasqayki. Munakusqay Jacobpa ayllun, ama manchachikuychu, imaraykuchus noqaqa kamachiy kanaykipaj ajllakorqayki.

Isaías 46:11

Inti llojsimuynejmanta uj runata wajyani. Payqa karu suyumantapacha anka jina jamonqa wakichisqayta junt'ananpaj. Noqa ruwanayta nini, chay nisqaytataj junt'asajpuni. Imatachus wakichisqayta ruwasajpuni.

Isaías 46:13

Noqaqa justiciayta qayllachimusaj, manataj karupichu kashan. Qhespichinaypis usqhayta chayamullanqataj. Noqaqa Sionta qhespichisaj, Israelpitaj jatun kayniypa lliphipiynin rikukonqa, nispa.

Isaías 49:12

Aylluymanta kajkunaqa karumanta kutimonqanku. Wakenqa wichaynejmanta, wakintaj inti yaykuynejmanta jamonqanku, wakintaj Egipto suyupi Sinim llajtamanta.

Isaías 49:25

Tata Diostajrí ninpuni: Presochasqa runaqa kallpayoj soldadoj makinmanta qhechusqa kanqa, presochasqa runapis millay runaj makinmanta kacharichisqallataj kanqa. Qanwan churanakojkunawan noqa churanakusaj, noqa kikiytaj wawaykikunata kacharichisaj.

Isaías 54:4

Ama manchachikuychu ari. Qanqa manaña p'enqachisqachu kanki. Ama p'enqakuychu, imaraykuchus manaña k'umuykachachisqachu kanki. Qanqa sipas kashaspa, p'enqakoj kasqaykita qonqayman churanki, manallataj yuyarikunkichu warmisapa kashaspa k'umuykachasqaykimantapis.

Jeremías 23:3

Tata Dios nillantaj: Noqa kikin puchoj ovejaykunata tantasaj, maymanchus wijch'orqani, chay suyumantapacha kanchankuman kutichimpusaj, chaypitaj mayta miranqanku.

Jeremías 23:4

Chantá waj michejkunata paykunata michinankupaj churasaj, ovejaykunataj mana manchachikonqankuchu, nitaj ni ujpis chinkanqachu. Noqa Tata Diosmin chayta nini.

Jeremías 23:6

Pay kamachishajtin, Judá suyuta allin renqa, Israel suyupis sumaj waqaychasqa tiyarikonqa. Chay kuraj kamachejtaj sutichasqa kanqa: Tata Diosmin Justiciata Ruwajninchejqa, nispa.

Jeremías 23:8

Manachayqa tilonqanku: Tata Diospa sutinpi tiluyku, pichus wichaynej suyumanta, chantá tukuynin waj suyukunamantapis, ch'eqerasqa kasharqanku, chay israelitakunata pusakamporqa, chayrayku, nispa. Chantá paykuna kikin suyunkupi tiyakonqanku, nispa.

Jeremías 29:11

Noqalla yachani imatachus qankunapaj yuyasqayta. Chay yuyayqa mana qankuna ñak'arichisqa kanaykichejpajchu, manachayqa qankuna allinta kawsakunaykichejpaj yuyani, jinallataj qhepanejmanpis allin kawsayta tarinaykichejpaj. Noqa Tata Diosmin chayta nini.

Jeremías 29:14

Arí, noqata qankuna tariwankichej, chantá preso kasqaykichejta tukuchisaj. Chay suyumanta orqhomusqaykichej, maymanchus apasqa karqankichej, chaymanta tantaykusqaykichej. Chantá Jerusalén llajtaman kutichimusqaykichej, maymantachus karuman apacherqaykichej, chayllamantaj. Noqa Tata Diosmin chayta nini.

Jeremías 3:18

Chay p'unchay chayamojtin, Judá aylloqa Israel aylluwan khuska tantakonqa. Iskayninkutaj wichaynej suyumanta kutimonqanku, ñawpa tataykichejkunaman chayaqepaj qorqani, chay jallp'aman.

Jeremías 30:3

Uj p'unchay jamushan, chay p'unchaytaj Israelmanta, Judamantawan apasqa kajkuna llajtankuman kutimponqanku. Noqaqa paykunata ñawpa tatankuman qosqay suyuman kutichimusaj, chaypi tiyakunankupaj. Noqa Tata Diosmin chayta nini.

Jeremías 30:7

Sinch'i ñak'arina p'unchay qayllamushan, chay p'unchay jinaqa mana jayk'ajpis karqachu. Jatun llakiy p'unchay Jacobpa mirayninpaj kanqa. Chaywanpis noqa chaymanta paykunata kacharichisaj.

Jeremías 33:16

Chay p'unchaypi Judapi tiyakojkuna kacharichisqa kanqanku, Jerusalentaj sumaj waqaychasqa kawsakonqa. Chaypacha kay jina sutiwan sutichasqa kanqa: Tata Diosmin Noqanchejpaj Justiciata Ruwaj, nispa.

Ezequiel 16:52

Kunanqa p'enqakuywan k'umuykachaspa ñak'ariy, imaraykuchus ñañaykikunamanta nisqaqa astawan millaytaraj ruwarqanki. Ajinamanta qan paykunata mana juchayojpis kankuman jina rikhuricherqanki. Chay p'enqayta qan apanayki tiyan, imaraykuchus ñañaykikunata mana juchayojta jina rikhurichinki.

Ezequiel 38:11

Chantá qan ninki: Noqa chay mana kutichiyta atej runakunaj contrankupi wicharisaj. Mana imata manchachikuspa tiyakushanku, noqataj chay runakunaj contrankuta risaj, maypichus mana perqawan muyuykuchisqa llajtakunapi tiyakunku, mana punkuyoj, nitaj llavenayoj, chayman.

Daniel (hebreo) 12:1

Chantá Israel suyuta qhawaj angelkunata kamachej Miguel rikhurimonqa. Chaypachaqa may sinch'i llakiy kanqa. Chay jina llakeyqa runa kasqanmantapacha manapuni jayk'ajpis karqachu. Chaywanpis chaypachaqa Israel aylluykimanta pikunachus p'anqapi sutinku qhelqasqa kajkuna qhespichisqa kanqanku.

Oseas 2:18

18 (20) Chaypachallataj noqa israelitakunaj allinninkupaj tratota ruwasaj k'ita animalkunawan, p'isqokunawan, katarikunawan ima. Jinallatataj kay suyumanta chinkachisaj flechakunata, maqanakutapis, ajinamanta aylluy mana manchachikuspa samarikunanpaj.

Oseas 2:20

20 (22) Noqa qanwan casarakusaj, manataj piwanpis wasanchasqaykichu. Chaypachataj Tata Diosniyki kasqayta rejsiwanki.

Oseas 6:11

Judá, mayk'ajchus jasut'isqa kanaykeqa ñapis nisqaña. Chaywanpis uj p'unchay, aylluyta apasqa kasqanmanta llajtanman watej kutichimusaj, nispa.

Joel 2:21

Kay pacha, mayta kusikuy, amataj manchachikuychu, imaraykuchus Tata Dios t'ukunata ruwanqa.

Miqueas 4:9

Kunanrí, imarayku ajinata qhaparinki, onqokushaj warmi jinari? Manachu qanpi kuraj kamachej tiyan? Chayrí yuyaychasojkuna wañupusqankuchu?

Zacarías 3:10

Chay p'unchay chayamojtintaj, ujkuna ujkuna wajyarinakunkichej, chantá uva sach'aj llanthunpi, jinataj higo sach'aj llanthun urapi mikhuspa samarikunkichej. Noqa Tukuy Atiyniyoj Tata Diosmin chayta nini.

San Juan 12:15

Jerusalenpi tiyakojkuna, ama manchachikuychejchu. Kuraj Kamachejniykichejqa burro uñapi lloq'asqa jamushasunkichej, nispa.