Jeremías 3:22 - DIOSPA QHELQACHISQ

²² Tata Diosrí paykunata nin: Mana kasukoj churikuna, noqaman kutirimpuwaychej, noqataj contrayta oqharikoj sonqollapuni kasqaykichejmanta qhaliyachisqaykichej, nispa. Qankuna niwankichej: Arí, watejmanta kutimpusqayku, imaraykuchus qanllamin Diosniyku Tata Dios kanki.

Qheshwa Biblia DC

²² Mana kasukoj wawas noqaman kutirimpuwaychej, noqataj jampisqaykichej chay mana kasukoj kayniykichejmanta. Kaypi kashayku, qanmantaj chimpakamuyku, imaraykuchus qanllamin Señor Diosniykoqa kanki.

DIOSPA QHELQACHISQAN DEUTEROCANONICAL

²² Tata Diosrí paykunata nin: Mana kasukoj churikuna, noqaman kutirimpuwaychej, noqataj contrayta oqharikoj sonqollapuni kasqaykichejmanta qhaliyachisqaykichej, nispa. Qankuna niwankichej: Arí, watejmanta kutimpusqayku, imaraykuchus qanllamin Diosniyku Tata Dios kanki.

Jeremías 3:22 ပူးပေါင်းရင်းမြစ်များ

TAKIYKUNA 1:4

Usqhayta pusarikuway ari. Kuraj kamachejníy, puñunaykiman pusakuway. Qanwan manchayta kusikusqayku. Munarikusqaykeqa vinomantapis astawan misk'i. Chayrayku sipaskunaqa mayta munakusunku.

Isaías 1:2

Janaj, kay pacha ima, Tata Diospa nisqanta uyariychej: Wawakunata uywarqani jatun kanankukama, paykunatajrí contraypi oqharikunku.

Isaías 27:8

Chaywanpis Dios ayllunta karu suyuman wijch'uspa jasut'in. Payqa manchachikuna samayninwan paykunata wijch'un, inti llojsimuynejmanta sinch'i wayrawan jina.

Isaías 31:6

Diospa ayllun israelitakuna, Tata Diosman kutirikamuychej ari, pejpa contrantachus oqharikorqankichej, chayman.

Isaías 57:17

Israel millay ruwayta munapayasqanrayku noqa phiñakorqani. Chayrayku payta sinch'ita jasut'erqani, phiñakuyniypitaj payta saqerparerqani. Jinapis pay mana kasuwaspa, sonqonpa munasqanta ruwallarqapuni.

Jeremías 3:12

Chayrayku, wichaynejman rispa, kayta Israelman willamuy: Tata Dios nin: Noqaman kutimpuway, wasanchawaj Israel. Mana phiñasqachu qanta qhawasqayki, nitaj phiñakuyneyqa wiñaypajchu kanqa, imaraykuchus noqaqa khuyakuyniyojmin kani. Noqa Tata Diosmin chayta niykichej.

Jeremías 30:17

Noqataj tukuy k'irisqa kasqaykichejta jampiykusaj, ajinamantataj nanasqaykikunata thañichisaj, imaraykuchus awqaykichejkuna qanmanta ninku: Sionqa saqerparisqa, manataj pipis paymanta yuyarikunchu, nispa. Noqa Tata Diosmin chayta nini.

Jeremías 31:18

Efraín aylloj kay jina waqasqanta uyarini: Noqaqa mana amansasqa torillo jina karqani. Jinapis qan kasukuyta yachachiwarqanki. Qanman kutirichiway, noqataj qanman kutirikamusqayki, imaraykuchus qanmin Diosniy Tata Dios kanki.

Jeremías 33:6

Chaywanpis qhepanejman kay llajtayojkunata jampispa, qhaliyachisaj. Chantá chhika patata allin kawsaypi paykunata kawsachisaj, nitaj ni imamanta manchachikonqankuchu.

Jeremías 4:1

Tukuyta Kamachej Dios nillantaj: Israel, sichus kutimpuyta munanki chayqa, noqaman kutimpuway. Chay millay lantiykikunata wijch'uy, noqamantataj amaña karunchakuychu.

Ezequiel 18:30

Chayrayku, Israel ayllu, noqaqa sapa ujta ruwasqaykichejman jina juchachasqaykichej. Noqa Tukuyta Kamachej Tata Dios chayta nini. Millay ruwasqaykichejta saqespa, noqaman kutirikamuychej, ajinamanta ama millay ruwasqaykichejmanta chinkachisqa kanaykichejpaj.

Ezequiel 33:11

Chayrayku paykunata niy: Noqa Tukuyta Kamachej Tata Dios sutiyrayku tiluspa nini: Mana munanichu mana allinta ruwaj runa juchanrayku wañunanta. Astawanpis munani millay ruwananmanta kutirikuspa, kawsananta. Israelitakuna, millay kawsayniykichejmanta kutirikamuychej. Imaraykutaj qankuna wañuyta munankichejri? nispa.

Oseas 13:4

Tata Dios nin: Noqa Tata Diosniyki kani, Egipto suyupi kashasqaykimantapacha. Ama pitapis Diosniykita jina rejsikapuychu, manachayqa noqallata. Noqallamin Qhespichejniyki kani.

Oseas 14:1

Israel, Tata Diosniykiman kutirikuy juchallispa urmasqaykimanta.

Oseas 14:4

Tata Dios nin: Mana kasukoj kasqaykichejta noqa jampisaj. Noqa tukuy sonqo munakusqaykichej mana munakunapaj jina kashajtiykichejpis, imaraykuchus phiñakuyneyqa tiyaykapunña.

Oseas 14:5

Israelpaj noqa chhulla jina kasaj, paytaj lirio t'ika jina phancharenqa. Saphintaj Libanopi pino sach'aj saphin jina allin saphichasqa kanqa.

Oseas 14:8

Qan Efraín ninki: Lantikunawan ni ima ruwanay kanchu, nispa. Chantá noqa uyarisqayki, noqallataj waqaychasqayki. Noqa, qanpaj kani pino jina q'omerllapuni. Noqapitaj qan ayllúy, allin kayta tarinki.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Joel 2:12

Chayrayku Tata Dios nin: Noqaman tukuy sonqo kutirikamuwaychej ayunaspa, waqaspa, llakikuspa ima.

Zacarías 13:9

Chay qhepakojkunarí ninawan ch'uwanchasqa kanqanku. Imaynatachus runa qolqe metalta ninapi ch'uwanchan, chayrí qorita ch'uwanchan, ajinata noqapis paykunata llimphuchasaj. Chaypacha paykunaqa sutiyta oqharenqanku Diosninkupaj rejsikapuwasqankurayku, noqataj mañakuwasqankuta uyarisaj. Chantá paykunata nisaj: Qankuna aylluy kankichej, nispa. Paykunataj kutichiwanqanku: Tata Diosqa Diosninchej, nispa. Noqa Tata Diosmin chayta nini.