Jeremías 28:16 - DIOSPA QHELQACHISQ

¹⁶ Chayrayku Tata Dios nisunki: Noqaqa kay pachamanta chinkachisqayki. Qanqa kay watapi wañunki, imaraykuchus sut'inchasqaykiwan runakunata enqhaykunki contrayta oqharikunankupaj, nispa.

Qheshwa Biblia DC

¹⁶ Chayrayku Señorqa nin: Kay jallp'amanta chinkachisqayki. Kay watapi qanqa wañunki, imaraykuchus parlasqasniykiwan noqaj contraypi tukuy runasta oqharichinki.

DIOSPA QHELQACHISQAN DEUTEROCANONICAL

¹⁶ Chayrayku Tata Dios nisunki: Noqaqa kay pachamanta chinkachisqayki. Qanqa kay watapi wañunki, imaraykuchus sut'inchasqaykiwan runakunata enqhaykunki contrayta oqharikunankupaj, nispa.

Jeremías 28:16 ပူးပေါင်းရင်းမြစ်များ

Génesis 7:4

Noqataj qanchis p'unchaymantawan tawa chunka p'unchayta, tawa chunka tutatawan parachimusaj. Ajinata kay pachamanta tukuy kawsashaj ruwasqayta chinkachisaj, nispa.

1 Reyes 13:34

Ajinata ruwaspa Jeroboanqa mirayninta juchallicherqa, chayraykutaj aswan qhepaman tukuy ayllun wañuchisqa karqanku.

Éxodo 32:12

Egipto llajtayojkunaqa ninkumanchari: Diosqa israelitakunata mana allin sonqowan kaymanta orqhon, ch'innejpi wañuchispa kay pachamanta chinkachinanpaj, nispa. Chayrayku sonqoykita tiyaykuchikuspa, aylluykita ama jasut'iychu, ari.

Jeremías 20:6

Qanrí, Pasjur, tukuy aylluykiwan khuska Babiloniaman apasqa kanki. Chaypi wañunki, chayllapitaj qanta p'ampasonqanku, tukuy kawsaqeykikunatawan, pikunamanchus qan llullakuspa Diospa sut'inchajnin jina sut'incharqanki, chaykunata, nispa.

Jeremías 28:17

Jinataj Jeremías nisqanman jina, Jananías chay kikin watapi qanchis kaj killanpi wañorqa.

Jeremías 28:3

Chantá iskay watamanta kuraj kamachej Nabucodonosorqa Diospa Templonmanta Babiloniaman apasqan imakunata kayman kutichimponqa.

Jeremías 29:32

Chayrayku noqa Tata Dios nini: Noqa Nejelán llajtayoj Semaiasta, tukuy miraynintawan jasut'isaj. Mana kay pachapi paypa mirayninmanta ni ujpis qhepakonqachu, nitaj kusikonqachu aylluy Israelman allin kawsayta qoshajtiy, imaraykuchus pay ajinata parlaspa, contraypi oqharikunankupaj aylluyta enqhaykorqa. Noqa Tata Diosmin chayta nini.

Amós 7:17

Tata Diostajrí kay jinata nisunki: Warmiyki llajta chawpipi phisu warmiman tukonqa, jinataj churiykikuna, ususiykikunapis wañurachisqa kanqanku. Jallp'aykitapis suerteta choqaspa rak'inakullanqankutaj, qantaj Diosta mana rejsejkunaj suyunkupi wañunki. Israelitakunapis mana munashajta llajtankumanta karu suyuman apasqa kanqanku, nispa.

Amós 9:8

Tukuyta Kamachej Tata Dios qhawamushan kay juchasapa suyuta. Chantá nin: Kay millay suyuta kay pachamanta chinkachisaj. Chaywanpis Jacobpa ayllunmanta mana tukuyninkutachu chinkachisaj, nispa nin Tata Diosqa.

Números 14:37

Chayrayku chay jallp'amanta mana allinta parlajkunaqa Tata Diospa ñawpaqenpi millay onqoywan wañorqanku.

Números 29:32

Qanchis kaj p'unchaypi mana iman imanasqa qanchis torillokunata, iskay carnerokunata, uj watayoj chunka tawayoj corderokunata ima jaywankichej.

Deuteronomio 6:15

imajtinchus Tata Diosniykichejqa qankunawan kashan. Payqa manchay celoso. Qankunaj contraykichejpichus phiñakunman chayqa, chinkarparichisunkichejman.