Jeremías 28:14 - DIOSPA QHELQACHISQ

¹⁴ Noqa Israelpa Tukuy Atiyniyoj Tata Diosnin nini: Fierro yugota tukuy suyoj kunkankuman noqa churani, Babiloniamanta kuraj kamachej Nabucodonosorpa kamachinkuna kanankupaj. K'ita animalkunatapis paypa makinman churallanitaj, nispa.

Qheshwa Biblia DC

¹⁴ Noqa Tukuy Atiyniyoj Israelpa Señor Diosnin nini: Fierromanta uj yugota tukuy nacionespa kunkanman noqa churani, Babiloniamanta rey Nabucodonosorpa kamachisnin kanankupaj. Chay k'ita animalestapis paypa atiyninman churani, nispa.

DIOSPA QHELQACHISQAN DEUTEROCANONICAL

¹⁴ Noqa Israelpa Tukuy Atiyniyoj Tata Diosnin nini: Fierro yugota tukuy suyoj kunkankuman noqa churani, Babiloniamanta kuraj kamachej Nabucodonosorpa kamachinkuna kanankupaj. K'ita animalkunatapis paypa makinman churallanitaj, nispa.

Jeremías 28:14 ပူးပေါင်းရင်းမြစ်များ

Jeremías 15:12

Tata Dios nillarqataj: Pitaj wichaynejmanta apamusqa fierrota, chayrí broncetapis p'akiyta atinmanri?

Jeremías 27:4

Chay kachakunata kamachiy kamachejninkuman kay jinata ninankuta: Israelpa Diosnin Tukuy Atiyniyoj Tata Dios kayta nisunkichej:

Jeremías 27:8

Mayqen suyupis, chayrí kamachejkunapis Nabucodonosorpa kamachiyninpi kayta mana munajkunataqa, noqa chay suyukunata maqanakuywan, yarqhaywan, onqoywan ima jasut'isaj tukuyninku paypa atiyninman yaykunankukama. Noqa Tata Diosmin chayta nini.

Jeremías 40:4

Chaywanpis kunanpacha watasqa kashanki, chay cadenata phaskarasqayki. Chantá sichus noqawan Babiloniaman riyta munanki chayqa, jaku rina. Noqataj qanta yanapasqayki. Mana riyta munanki chayrí, qhepakullay. Maypichá munanki tiyakuyta, chayman rillay.

Lamentaciones 1:14

Tata Diosqa juchallisqayta rikuspa, chay juchayllawantaj yugowan jina wataykuwan. Chayqa manchayta llasaykuwan, kallpayta tukuchinawankama. Tukuyta Kamachej Diosqa millay runakunaj makinman churaykuwan, noqataj manaña awantayta atinichu.

Daniel (hebreo) 2:38

Payllataj qanta churasorqa kay pachapi kaj chhika runakunata kamachinaykipaj. Chantapis uywakunata, p'isqokunata ima qanpa makiykiman churan. Chayrayku chay lantej qorimanta umanqa qan kanki.

Oseas 10:11

Efrainqa mansuyachisqa vakilla jina erapi trillaspa misk'irichikun. Noqatajrí llosq'o kunkitanman llasa yugota watani carretata aysananpaj. Judaqa llank'anqa, Jacobtaj rastranqa.

Deuteronomio 28:48

Chayrayku Tata Dios contraykipi kachaykamususqan awqaykej wata runan kanki. Jinallataj mikhunamanta, yakumanta, p'achamanta, chantá tukuy imamanta pisichikuyta rikuspa ñak'arinki. Tata Diosqa tukukunaykikama wata runata jina sinch'i ruwanaman churasonqa.

Deuteronomio 4:20

Tata Diosqa Egiptomanta metalta unuyachina hornomanta jina qankunata orqhomusorqachej, paypata ayllun kanaykichejpaj, imaynachus kunan kashankichej, ajina.