Jeremías 28:11 - DIOSPA QHELQACHISQ

¹¹ Jinaspataj, tukuy runaj uyarinankuta nerqa: Tata Dios nin: Ajinallatataj iskay watamantawan tukuy suyukunaj kunkankumanta Babiloniata kuraj kamachej Nabucodonosorpa yugo watasqanta phaskaraspa p'akirparisaj, nispa. Chayta Jananías nejtinkamataj, Jeremías riporqa.

Qheshwa Biblia DC

¹¹ Chayta phaskaraytawantaj, tukuy runaspa ñaupaqempi kayta nerqa: Señor nin: Kay jinallatataj iskay watamantawan tukuy nacionespa kunkanmanta, Babiloniamanta rey Nabucodonosorpa yugonta phaskarasaj, chantá p'akirparisajtaj, nispa. Jeremiastaj riporqa.

DIOSPA QHELQACHISQAN DEUTEROCANONICAL

¹¹ Jinaspataj, tukuy runaj uyarinankuta nerqa: Tata Dios nin: Ajinallatataj iskay watamantawan tukuy suyukunaj kunkankumanta Babiloniata kuraj kamachej Nabucodonosorpa yugo watasqanta phaskaraspa p'akirparisaj, nispa. Chayta Jananías nejtinkamataj, Jeremías riporqa.

Jeremías 28:11 ပူးပေါင်းရင်းမြစ်များ

1 Reyes 13:18

Machu runatajrí nerqa: Noqapis qan jina Diosmanta sut'inchajllataj kani, Tata Diospa uj angelnintaj kamachiwan: Rispa, Diosmanta sut'inchajta wasiykiman pusamuy mikhunanpaj, ujyananpaj, nispa. Chaywanpis machu runaqa llullakushasqa.

1 Reyes 22:6

Chantá Israelpa kuraj kamachejnenqa Diosmanta sut'inchajkunata tawa pachajta jina tantaykorqa, chantá paykunata taporqa: Galaadmanta Ramotpa contranpi maqanakoj risajchu, amachu? nispa. Paykunataj nerqanku: Rillay, imaraykuchus Tata Diosqa chay llajtata jap'inaykipaj yanapasonqa, nispa.

2 Crónicas 18:10

Jinapi Quenanáj churin Sedequías fierromanta wajrata ruwakuspa, qhaparerqa: Tata Dios ajinata nin: Kay wajrakunawan Siriamanta kajkunata wajraspa tukuchinkichej, nispa.

Proverbios 14:7

Wampu runamanta t'aqakuy, imaraykuchus paypa siminmantaqa mana imatapis yachawajchu.

Jeremías 14:14

Chantá Tata Dios ujtawan niwarqa: Paykunaqa llullakuspa sutiypi sut'inchashanku. Mana noqaqa chay sut'inchajkunata kachamunichu, nitaj kamachinichu. Paykunawanqa mana parlallanipischu. Imatachus sut'inchasqankoqa llulla, mosqoypi jina rikusqankutaj qhasi manakajlla. Paykunaqa sonqonkupi musphaspa, yuyasqankuman jinalla parlanku.

Jeremías 23:17

Noqaj willasqayta pisipaj qhawajkunaman nillankupuni: Tukuy ima allillan risonqachej, nispa. Chantá pikunachus rumi sonqoyoj kaspa, millay yuyasqanman jinalla ruwanku, chaykunatapis ninku: Mana ima mana allin kajpis jamusonqachejchu, nispa.

Jeremías 28:15

Chaypacha Diosmanta sut'inchaj Jeremiasqa Jananiasta nerqa: Uyariy, Jananías: Mana Tata Dioschu kachamusunki. Llullakuspa parlasqaykiwan kay runakunata q'otiyashanki.

Jeremías 29:9

Imatachus paykuna ninku sutiypi willashasqankuta, chayqa llullamin. Mana noqachu paykunata kachamuni. Noqa Tata Diosmin chayta nini.

Ezequiel 13:7

Mosqoypi jina rikusqankoqa qhasi manakajlla, sut'inchasqankupis llullalla. Noqamanta parlasqankuta ninku, noqatajrí mana imatapis nerqanichu.