Jeremías 27:19 - DIOSPA QHELQACHISQ

¹⁹ Noqa Tukuy Atiyniyoj Tata Dios kayta nini: Babiloniamanta kuraj kamachej Nabucodonosorqa chaypacha Temploj sayantankunata, broncemanta chay jatun yaku churanata ima mana aparqachu. Nitaj chay chukukunata, nillataj Templopi waj imakunatapis aparqachu.

Qheshwa Biblia DC

^19-20 Maypachachus rey Nabucodonosor, chay Joacimpa wawan Judamanta rey Jeconiasta Jerusalenmanta apashaspa Babiloniaman wijch'orqa, Judamanta, Jerusalenmantawan kuraj kamachejkunatawan khuska, chaypacha mana aparqankuchu sayantasta, nitaj broncemanta chay jatun yaku pilastapis, nitaj chay sayachinastapis, nillataj chay yupaychana wasipi kaj imastapis.

DIOSPA QHELQACHISQAN DEUTEROCANONICAL

¹⁹ Noqa Tukuy Atiyniyoj Tata Dios kayta nini: Babiloniamanta kuraj kamachej Nabucodonosorqa chaypacha Temploj sayantankunata, broncemanta chay jatun yaku churanata ima mana aparqachu. Nitaj chay chukukunata, nillataj Templopi waj imakunatapis aparqachu.

Jeremías 27:19 ပူးပေါင်းရင်းမြစ်များ

1 Reyes 7:23

Jiranqa broncemanta unuyachispa, uj jatun yaku churanata ruwarqa, chaytaj muyu karqa. Uj kantunmanta ujnin kantunkama tawa metro khuskanniyoj karqa, sayayninmantaj iskay metro kurajniyoj karqa, tukuy muyuynintaj chunka kinsayoj metro khuskanniyoj karqa.

1 Reyes 7:27

Chantá Jiranqa broncemanta chunka chukukunata ruwallarqataj, sapa ujtaj sayt'unman uj metro tawa cuartayoj karqa. Anchonman kikillantaj karqa, sayayninmantaj uj metro iskay cuartayoj karqa.

2 Reyes 25:13

Babiloniamanta soldadokunaqa Tata Diospa Templonpi broncemanta tukuy imata p'akirarqanku: Sayantakunata, chukukunata, jatun kaj yaku churanatawan. Chay broncetataj Babiloniaman apakaporqanku.

2 Reyes 25:17

Sapa uj sayantaqa pusaj metro karqa, tukukuynin broncemanta pilluyoj karqa, chay pillutaj phatunman iskay metro karqa. Chay pilloqa broncemanta granada warawayoj ch'ipawan muyuykusqa karqa. Chay ujnin sayantapis kikillantaj karqa.

2 Crónicas 36:18

Chantá Caldea suyuta kuraj kamachejqa Tata Diospa Templonmanta tukuy kaj imakunata Babiloniaman apakaporqa, jatuchajkunata, jinataj juch'uykunata. Apakapullarqataj Diospa Templonpi valorniyoj kaj imakunata, kuraj kamachejpa valorniyoj imankunata, kamachejta yanapajkunaj valorniyoj kapuyninkutapis.

Lamentaciones 1:10

Awqankoqa Jerusalenpata qhapaj imankunata jap'ikapun. Jerusalenqa qanta mana manchachikoj runakunata rikorqa Temploykiman junt'aykojta, pikunatachus mana Temploykiman yaykunankuta nerqanki, chaykunata.

Daniel (hebreo) 1:2

Chantá Tukuyta Kamachej Dios nerqa Nabucodonosor Judá suyuta kuraj kamachej Joacinta jap'inanta, jinataj Diospa Templonpi kaj imakunamanta wakinta apakapunanta. Nabucodonosortaj Diospa Templonmanta imakunata Babiloniaman apaspa, lantinta yupaychana wasipi, lantinpa tiyapuyninta waqaychana wasiman churarqa.