Jeremías 27:14 - DIOSPA QHELQACHISQ

¹⁴ Chantá pikunachus Babiloniamanta kuraj kamachejta ama kasunaykichejta umachasunkichej, chaykunata ama kasuychejchu, imaraykuchus paykunaj nisqankoqa llullalla.

Qheshwa Biblia DC

¹⁴ Ama kasuychejchu Babiloniamanta reyta mana kasunaykichejta umachasunkichej chay profetataqa, imaraykuchus paykunaj nisqankoqa llullalla.

DIOSPA QHELQACHISQAN DEUTEROCANONICAL

¹⁴ Chantá pikunachus Babiloniamanta kuraj kamachejta ama kasunaykichejta umachasunkichej, chaykunata ama kasuychejchu, imaraykuchus paykunaj nisqankoqa llullalla.

Jeremías 27:14 ပူးပေါင်းရင်းမြစ်များ

Jeremías 14:14

Chantá Tata Dios ujtawan niwarqa: Paykunaqa llullakuspa sutiypi sut'inchashanku. Mana noqaqa chay sut'inchajkunata kachamunichu, nitaj kamachinichu. Paykunawanqa mana parlallanipischu. Imatachus sut'inchasqankoqa llulla, mosqoypi jina rikusqankutaj qhasi manakajlla. Paykunaqa sonqonkupi musphaspa, yuyasqankuman jinalla parlanku.

Jeremías 23:21

Tata Dios nin: Mana noqachu chay sut'inchajkunata kachamorqani. Paykunamanqa mana parlallarqanipischu. Jinapis paykuna usqhay usqhayta rispa, sutiypi parlamorqanku.

Jeremías 23:25

Noqa chay sut'inchajkunaj llullakusqankuta uyarini, pikunachus sutiypi parlashasqankuta ninku, chaykunajta. Paykuna ninku: Tata Dios mosqochaspa parlawan, nispa.

Jeremías 28:15

Chaypacha Diosmanta sut'inchaj Jeremiasqa Jananiasta nerqa: Uyariy, Jananías: Mana Tata Dioschu kachamusunki. Llullakuspa parlasqaykiwan kay runakunata q'otiyashanki.

Jeremías 37:19

Maypitaj chay sut'inchajniykichej kashanku, pikunachus nerqasunkichej: Babiloniamanta kuraj kamachej mana kay suyuman nitaj llajtaykichejmanpis yaykumonqachu, nispa nejkunari?

Jeremías 38:22

Caldeamanta soldadokunaqa Judá suyuta kuraj kamachejpa wasinpi tukuy qhepakoj warmikunata orqhospa, Babiloniaj soldadonkunaj kurajninkunaman jaywaykonqanku. Chay warmikunataj kay jinata qanmanta nenqanku: Qanpa kawsaqeykikunallataj wasanchasorqanku, atipaykusorqankutaj. Chakiyki t'uruman chinkaykushajtinpis, paykuna saqerparisorqanku, nispa.

Lamentaciones 2:14

Diosmanta sut'inchajkunaqa qhasi manakaj imakunata willasunku. Mana juchaykitapis rikuchisorqankuchu, chaynejta ama karu llajtaman apasqa kanaykipaj. Manachayqa llullallata willasunku, qhasi manakaj imakunata creechispa.

Miqueas 2:11

Sichus pi ch'awkiyaspa, llullakuspataj nisunkichej: Tata Diosqa vinotawan, licortawan qosonqachej nispa, chayqa, chay runamari qankunapaj sumaj sut'inchaj kanman.

Zacarías 10:2

Lantikunaj nisqankoqa llullamin, yatirikunaj watusqankupis qhasillamin. Imatachus mosqoypi jina nisqankupis qhasilla, sonqochakoj jina parlasqankupis yanqhalla. Chayraykumin aylloyqa chinkasqa oveja tropa jina thamaykachashanku, michejmanta jina ñak'arispa.

San Mateo 7:15

Qankunaqa allinta qhawakuychej pikunachus llullakuspa: Diosmanta sut'inchaj kani, nispa nejkunamanta. Paykunaqa oveja jina jamusunkichej, sonqonkupitajrí suwa atoj jina kanku.

Filipenses 3:2

Qhawakuychej alqo jina kaj runakunamanta. Paykuna millayta ruwajkuna kanku, jinallataj: Circuncidakunapuni tiyan, nispa yachachinku.

1 Juan 4:1

Munasqa wawqe panakuna, tukuy pikunachus: Diospa Espiritunpa yuyaychasqan kani, nispa ninku, chaykunaj yachachisqankuta ama jap'ikullaychejchu. Manachayqa Diosmantachus kanku, manachus chayta allinta reparaychej, imaraykuchus ashkha mana cheqanta yachachejkuna tukuynejpi purishanku.