Jeremías 26:6 - DIOSPA QHELQACHISQ

⁶ Silo llajtapi ruwasqayta jinallatataj kay Templotapis ruwasaj. Kay llajtataj tukuypa asipayanan, alqochakunantaj kanqa, nispa.

Qheshwa Biblia DC

⁶ Chaypajwanqa noqa ruwasaj kay Diosta yupaychana wasiwan imaynatachus Silopi ruwarqani ajinata. Kay llajtataj tukuypa rikunanta ñak'arichisaj, kay pachamanta tukuy naciones wananankupaj jina.

DIOSPA QHELQACHISQAN DEUTEROCANONICAL

⁶ Silo llajtapi ruwasqayta jinallatataj kay Templotapis ruwasaj. Kay llajtataj tukuypa asipayanan, alqochakunantaj kanqa, nispa.

Jeremías 26:6 ပူးပေါင်းရင်းမြစ်များ

2 Reyes 22:19

Chantá kay llajta jinataj chaypi tiyakojkuna maldicisqa kanankuta, chantá ch'inman tukuchisqa kanankuta nisqayrayku, sonqoykita wawayachispa ñawpaqeypi k'umuykorqanki, jinallataj p'achaykita llik'irakuspa waqarqanki. Chayta noqa uyariyki, nispa Tata Diosqa nisunki.

Isaías 43:28

Sacerdoteykikuna Temployta pisipaj qhawasqankurayku p'enqaypi rikhurichisaj. Jacobpa aylluntaqa chinkarparichisqa kananpaj churasaj, Israel ayllutataj p'enqayta qhesachasqa kananpaj churallasajtaj.

Isaías 65:15

Chantá sutiykichejta oqharispa, ajllakusqay runakuna waj runakunata maldicenqanku. Noqa Tukuyta Kamachej Tata Dios qankunata wañurachisqaykichej, kamachiykunatataj waj sutiwan sutichasaj.

Jeremías 24:9

Paykunawanqa t'ukunapaj jina ruwasaj, paykunata rikuspataj, tukuy runakuna mayta mancharikonqanku. Maymanchus paykunata apachisaj, chay suyukunapi tiyakojkuna paykunamanta alqochakonqanku, asipayanqanku, chantá k'umuykachenqanku ima.

Jeremías 25:18

Chay vasota Jerusalén llajtaman jaywarqani, jinallataj Judá suyupi llajtakunaman, kuraj kamachejkunaman, jinataj kurajninkukunamanpis jaywallarqanitaj. Chay jinamanta Tata Dios paykunata kantumanta tukucherqa, wiñaypajtaj raqaykunallataña saqerqa mancharikunapaj, asikunapaj jina, imaynachus kunan kashanku, ajina.

Jeremías 29:18

Paykunata maqanakuywan, yarqhaywan, onqoywan ima qhatiykachasaj. Kay pachapi tukuy suyu paykunata rikuspa, asipayanqanku, maldicisqa jina kasqankurayku. May suyumanchus paykunata ch'eqerqachisaj, chaypi p'enqayman churasqa kanqanku, runakunataj paykunaj sutinta oqharispa, ujkunata maldicenqanku.

Jeremías 29:22

Judamanta Babiloniapi apasqa kashanku, chaykunamanta mayqellanpis wajta maldiciyta munaspa, kay jinata nichun: Imaynatachus Babiloniaj kuraj kamachejnin Sedequiasta, Ajabtawan ninawan ruphaykucherqa, ajinata qantapis Tata Dios ruwasuchun, nispa.

Jeremías 42:18

Israelpa Tukuy Atiyniyoj Tata Diosnin nillantaj: Imaynatachus Jerusalenpi tiyakojkunaj contrankupi phiñakuyniy k'ajarerqa, ajinallatataj qankunaj contraykichejta k'arajta phiñakusaj, sichus qankuna Egiptoman ripunkichej chayqa. Qankunaqa tukuypa rikunanta maldicisqa kankichej, chaytaj mayta t'ukunapaj jina kanqa. Manañataj ni jayk'aj kay suyuta ujtawan rikunkichejchu, nispa.

Jeremías 44:22

Tata Diosqa manañapuni chay millay ruwasqaykichejta awantarqachu. Chayraykumin qankunaj llajtaykichejqa ch'inyachisqa kashan, mana runayoj, t'ukunapaj jina maldicisqataj.

Lamentaciones 2:15

Ñanta tukuy purejkunaqa qanmanta asikuspa, t'ajllarakunku. Silbarispa, umankuta khiwirispataj, Jerusalén llajtamanta ninku: Kaychu chay k'achitu llajta, kay pachapi tukuyta kusichejqa? nispa.

Lamentaciones 2:16

Tukuy awqaykikuna qanpaj rimanku. Paykuna alqochakuspa, kirunkuta k'arurakuspataj, ninku: Kay llajtata ujllapi chinkarpachina. Noqanchej kay p'unchayta maytapuni suyasharqanchej, kunantaj rikunchejña, nispa.

Daniel (hebreo) 9:11

Tukuy israelitakuna yachachisqaykita mana kasorqaykuchu. Kamachisqaykita kasunaykutaqa, qanmanta karunchakorqayku. Jinapi contraykipi juchallikusqaykurayku kamachiyki Moisés kamachisqankunapi tiluspa kananta nerqa, chay maldicisqa kaywan, jasut'iykunawan ima pataykuman urmaykuwayku.

Zacarías 5:3

Chantá ángel niwarqa: Chaypi, tukuy Israel suyupaj maldición kanamanta qhelqasqa kashan. Puraj ladonpi qhelqasqa kashan. Ujnin ladonpi nin pichus suwajqa chinkachisqa kananta, ujnin ladonpitaj nin qhasimanta tilojqa jasut'inamanta mana llusp'inanta.

Malaquías 4:6

6 (3.24) Eliastaj tatakunaj sonqonkuta wawankukunawan allinyachenqa, jinallataj wawakunaj sonqonkutapis tatankukunawan. Mana jina kajtenqa, noqa jamuspa, tukuy suyuta jasut'isaj chinkachinaykama, nispa.

Josué 18:1

Israelitakuna jallp'ata jap'iyta tukuspaña, tukuyninku Silo llajtapi tantakorqanku, chaypi Dioswan Tinkukuna Toldota sayarichinankupaj.