Jeremías 26:10 - DIOSPA QHELQACHISQ

¹⁰ Judá ayllumanta kurajkunaqa imachus kasqanta uyarispa, kuraj kamachejpa wasinmanta Diospa Templonman rerqanku. Chaypitaj Mosoj Punku nisqapi tiyaykorqanku.

Qheshwa Biblia DC

¹⁰ Judá ayllumanta kurajkuna, imachus kasqanta uyarispa, reypa palacionmanta Diosta yupaychana wasiman rerqanku, chaypitaj chay mosoj punku nisqapi tiyaykukorqanku.

DIOSPA QHELQACHISQAN DEUTEROCANONICAL

¹⁰ Judá ayllumanta kurajkunaqa imachus kasqanta uyarispa, kuraj kamachejpa wasinmanta Diospa Templonman rerqanku. Chaypitaj Mosoj Punku nisqapi tiyaykorqanku.

Jeremías 26:10 ပူးပေါင်းရင်းမြစ်များ

2 Reyes 15:35

Payqa Tata Diospa Templonpa wichaynej punkunta ruwacherqa. Chay tukuywanpis, orqo patapi waj dioskunata yupaychana altarkunata mana thuñerqachu. Chayrayku runakunaqa chaykunapi uywata ñak'aspa jaywashallarqankupuni, inciensotapis q'oshñichishallarqankupuni.

2 Crónicas 27:3

Paymin Tata Diospa Templonpa pata jatun punkunta ruwacherqa, jinallataj Ofel nisqa chay perqapipis waj imakunata ruwachillarqataj.

Jeremías 20:2

Chantá Pasjur Diosmanta sut'inchaj Jeremiasta seq'onankuta kamacherqa, jinallataj Diospa Templon qayllapi wichaynejpi Benjamín sutiyoj punku qayllapi cepoman churanankuta.

Jeremías 26:21

Kuraj kamachej Joacintaj, tukuy kamachinkuna, kurajninkunapis Uriaspa nisqanta uyarejtinku, kuraj kamachejqa Uriasta wañuchichiyta munasqa. Uriasrí chayta yachaspa mancharikuytawan, Egiptoman ayqerikapusqa.

Jeremías 26:24

Safanpa churin Ajicanpis Jeremiasman sayakorqa. Chayrayku mana Jeremiasta runakunaman jaywarqankuchu payta wañuchinankupaj.

Jeremías 34:10

Chantá tukuy kurajkuna, tukuy runapis tratota junt'anankuta nerqanku. Chay tratota ruwasqankuta kasuspataj, judío masinkumanta wata runankukunata kachariporqanku, amaña ujtawan wata runa kanankupaj.

Jeremías 36:10

Jinapi Baruc Diospa Templonpa pata kaj pationman rerqa, Mosoj Punku nisqa, chaynejman. Chaypi kuraj kamachejpa qhelqerin Safanpa churin Gemariaspa cuarton karqa, chaynejmantapachataj Baruc tukuy runaj uyarinanta ñawirerqa, imatachus Jeremías qhelqachisqa, chay tukuyta.

Jeremías 36:25

Elnatán, Delaía, Gemarías imalla kuraj kamachejta parlapayarqanku ama chay p'anqata ruphachinanpaj. Paytajrí manapuni kasukorqachu.

Ezequiel 22:27

Kay llajtapi kurajkunaqa atojkuna jina jap'isqankuta mithanku, runakunatataj wañuchinku kapuyninkuta suwaspa qhapajyanankupaj.

Ezequiel 22:6

Israelpa kuraj runankunaqa atisqankuta runakunata wañuchinku.