Jeremías 25:9 - DIOSPA QHELQACHISQ

⁹ Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Qheshwa Biblia DC

⁹ Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

DIOSPA QHELQACHISQAN DEUTEROCANONICAL

⁹ Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Jeremías 25:9 ပူးပေါင်းရင်းမြစ်များ

2 Reyes 24:2

Chantá Tata Diosqa Joacinpa contranta suwa runakunata kachaykamorqa caldeokunamanta, siriokunamanta, moabitakunamanta, amonitakunamantawan ima. Chaykunata Judá suyuta tukuchinankupaj kachamorqa, Diosqa paymanta sut'inchajkunanejta nisqanman jina junt'ananpaj.

2 Crónicas 29:8

Chayrayku Tata Dios phiñasqa kashan Judá suyupaj, Jerusalenpajwan. Jinataj paykunataqa mancharisqa t'ukunapaj jina ruwarqa, runa asikunanpaj jina, chaytataj qankuna rikushankichej.

2 Crónicas 36:21

Ajinamanta Diosmanta sut'inchaj Jeremiaspa nisqan junt'akorqa. Jinamanta Israel suyoj jallp'anqa qanchis chunka wata junt'akunankama samarerqa, ñawpajta israelitakuna mana jallp'ata samarichisqankumanta.

Proverbios 21:1

Kuraj kamachejpa imatachus yuyasqanqa Tata Diospa makinpi mayu jina, Tata Diostaj maynintachus munasqanman jina pusan.

Isaías 10:5

Tata Dios nin: Asiria, qanqa phiñakuyniypi wajtanay k'aspi kanki, phiñakuspa oqharinay varaytaj.

Isaías 13:3

Noqa, Tata Dios, ajllakusqay soldadokunata imatachus ruwanankuta kamachiniña, chantá wajyallanitaj wapu soldadoykunata k'araj phiñakuyniyta rikuchinankupaj. Paykunataj atipasqaymanta kusikunku.

Isaías 39:7

Jinallataj Babiloniamanta kajkuna mirayniykimanta wakinkunata presota apakaponqanku. Paykunata capaspataj, Babilonia kuraj kamachejpa kamachinan wasipi kamachi ruwanayoj kanqanku, nispa.

Isaías 44:28

Kuraj kamachej Cirotapis nini: Qanqa michejniy kanki, jinataj munasqaytapuni ruwanki, nispa. Jerusalentapis nini: Qanqa watej ruwasqa kanki, nispa. Templotapis nillanitaj: Cimientoyki churasqa kanqa, nispa.

Jeremías 1:14

Chantá Tata Dios niwarqa: Wichaynejmanta ñak'areyqa kay suyupi tukuy tiyakojkunaj patankuman jich'akamonqa.

Jeremías 1:15

Noqa Tata Diospuni kayta nini: Wichaynejmanta tukuy suyuta wajyamusaj. Kuraj kamachejninkuna jamuspataj, Jerusalenman yaykuna punkunpi kamachinanku tiyanata churanqanku. Jinallataj jatuchaj perqankuna chaypi, chantá Judáj tukuynin llajtanpipis toldonkuta sayachenqanku.

Jeremías 10:22

Uyariychej, uj llakiy willay chayamun. Wichaynejmanta may chhika soldadokuna jamushanku, chaykunataj Judá suyupi llajtakunata raqayman tukuchenqanku. Chaypi k'ita alqokunallaña kawsanqanku, nispa.

Jeremías 12:14

Tata Dios ajinata nillantaj: Israel suyoj muyuyninpi tiyakoj millay runakunamanta, pikunachus Israelman qosqay jallp'ata jap'ikapunku, chaykunamanta nini: Noqaqa paykunata suyunkumanta t'irasaj, Judatataj paykunaj chawpinkumanta orqhomusaj.

Jeremías 18:16

Ajinamanta paykuna suyunkuta ch'inman tukucherqanku, wiñaypaj runaj asikunan kananpaj. Tukuy chayninta purejkuna t'ukuspataj, umankuta khiwirenqanku.

Jeremías 2:15

Imaraykutaj waj runakuna leonkuna jina sinch'ita qhaparispa, israelitakunaman phinkiykunkuri? Jallp'ankuta ch'inpachata saqerparinku. Llajtankutapis ninawan ruphaykuchispa, mana runayojta saqerparinku.

Jeremías 20:4

Jinataj Tata Dios nisunki: Qanta mancharikunaman tukuchisqayki, qan kikiykipaj, kawsaqeykikunapaj ima. Qhawashajtiyki, awqaykikunaqa kawsaqeykikunata espadawan wañuchenqanku. Judapi tukuy tiyakojkunatarí Babiloniamanta kuraj kamachejpa makinman jaywaykusaj, paytaj suyuykichejmanta Babiloniaman apasonqachej, chayrí espadawan wañuchisonqachej.

Jeremías 24:9

Paykunawanqa t'ukunapaj jina ruwasaj, paykunata rikuspataj, tukuy runakuna mayta mancharikonqanku. Maymanchus paykunata apachisaj, chay suyukunapi tiyakojkuna paykunamanta alqochakonqanku, asipayanqanku, chantá k'umuykachenqanku ima.

Jeremías 25:8

Chayrayku Tukuy Atiyniyoj Tata Dios ajinata nin: Qankunaqa k'amisqayta mana kasuwarqankichejchu.

Jeremías 29:18

Paykunata maqanakuywan, yarqhaywan, onqoywan ima qhatiykachasaj. Kay pachapi tukuy suyu paykunata rikuspa, asipayanqanku, maldicisqa jina kasqankurayku. May suyumanchus paykunata ch'eqerqachisaj, chaypi p'enqayman churasqa kanqanku, runakunataj paykunaj sutinta oqharispa, ujkunata maldicenqanku.

Jeremías 35:11

Jinapis maypachachus Babiloniaj kuraj kamachejnin Nabucodonosor kay suyuman yaykuykamorqa chaypacha, nerqayku: Jaku Jerusalenman rinachej caldeo soldadokunamanta, chantá arameo soldadokunamantapis pakakunanchejpaj, nispa. Chayraykumin Jerusalenpi tiyakushayku, nispa.

Jeremías 36:2

Uj qaraman tukuy kay nisusqayta qhelqay, Josiaspa tiemponmanta kunankama, Israelmanta, Judamantawan, chantá chay waj suyukunamanta imatachus nerqani, chay tukuyta.

Jeremías 36:29

Chantá Judata kuraj kamachej Joacinman kay jinata ninki: Tata Dios nin: Qanqa qaramanta ruwasqa p'anqata ruphacherqanki, imaraykuchus chaypi qhelqasqa nin: Babiloniamanta kuraj kamachejqa jamonqapuni kay suyuta chinkachinanpaj, manataj ni uj runallatapis nitaj uj uywallatapis kawsajta saqenqachu, nispa.

Jeremías 4:7

Leonqa jusk'umanta llojsimunña. Suyukunata chinkarachejqa puririmunña, tukuy llajtaykita ch'inyachinanpaj, raqaykunallataña saqenanpaj ima.

Jeremías 40:2

Chantá Nabuzaradanqa Jeremiasta sapanpi kay jinata nerqa: Diosniyki Tata Dios kay suyuman ñak'ariykunata kachaykamunanta nerqa.

Jeremías 43:10

Chantá niy: Israelpa Tukuy Atiyniyoj Tata Diosnin ajinata nin: Noqaqa Babiloniamanta kamachiy Nabucodonosorta kayman pusamusaj, chaymantataj Jeremiaspa p'ampachasqan rumikuna patapi kamachinan tiyanata churasaj, jinallataj pay toldontapis chaypi sayarichenqa.

Jeremías 46:20

Egiptoqa ima munay terneraman rijch'akun. Wichaynejmantatajrí uj jatun khanikoj ch'uspi jamuspa, payta khanenqa.

Jeremías 49:19

Mana yuyasqaykichej p'unchaypi noqaqa jamusaj, imaynatachus Jordán mayu kantupi ch'umimanta león imata jina llojsimun sumaj wira uywakunata jap'inanpaj, ajinata. Edommanta kajkunatataj chaymanta ayqechisaj. Chantá pitachus noqa ajllasaj, chayta kamachinanpaj churasaj. Pitaj noqa jina kanmanri? Pitaj noqaman sayaykuwayta atinmanri? Mayqen michejtaj ñawpaqeyman churanakoj jamuwanmanri?

Jeremías 6:1

Benjamín ayllumanta kajkuna, pakakunata mask'aychej, Jerusalenmantataj ayqeychej. Tecoapi trompetata waqachiychej. Señal kananpaj ninata jap'ichispa, q'oshñichiychej Bet Haquerenpi, imaraykuchus wichaynejmanta jatun llakiy, manchay ñak'ariytaj jamushan.

Jeremías 8:16

Awqakuna jamushankuña. Caballokunaj samaqesqankupis Danmantapachaña uyarikun. Caballokuna qhaparejtinku, tukuy jallp'a kharkatitin. Kay jallp'api tukuy ima kajta chinkarparichej jamushanku. Tukuy llajtata, chaypi tiyakojkunatawan ima chinkarparichenqanku, nispa.

Ezequiel 12:20

Tukuy llajtakunaqa raqayman tukuchisqa kanqanku, jallp'ataj mana imayoj t'ajra pampa qhepakonqa. Chaypacharaj qankuna noqa Tata Dios kasqayta yachankichej, nispa.

Ezequiel 16:40

Chantá ashkha runakunata contraykipi pusaykamusonqanku, rumiwan ch'anqaykusonqanku, espadankuwantaj pasarparichisonqanku.

Ezequiel 21:11

11 (16) Espadaqa llosq'ochasqa, filochasqataj kashan, runata wañuchejpa makinman churanapaj.

Ezequiel 26:7

Tukuyta Kamachej Tata Dios ajinata nillantaj: Noqaqa wichaynejmanta Babiloniata kuraj kamachej Nabucodonosorta Tiroj contranpi kachaykamusaj. Paymin tukuy kuraj kamachejkunamanta nisqaqa aswan atiyniyoj. Chayrayku pay jamonqa caballokunawan, carretakunawan, carretata purichejkunawan, may ashkha soldadokunawan ima.

Ezequiel 36:5

Tukuyta Kamachej Tata Diosrí kay jinata nin: Noqaqa waj suyukunaj contrankuta may k'araj phiñakuyniypi parlani. Astawanqa tukuynin Edom suyoj contranta ajinata parlani, imaraykuchus paykuna tukuy sonqonkuwan kusikuspa, jallp'ayta jap'ikaporqanku, aylluyta pisipaj qhawaspataj, kapuyninta suwakaporqanku, nispa.

Daniel (hebreo) 5:18

Kuraj kamachej Belsasar, Patapi Kaj Diosqa tatayki Nabucodonosorman kay suyuta, jatun atiyta, jatunpaj qhawasqa kayta ima qorqa.

Habacuc 1:12

Chantá Habacuc kuticherqa: Tata Dios, Diosníy, qanqa wiñay wiñaypajmin kawsanki. Ama wañojta qhawallawaykuchu. Qanmin pakakunayku kanki. Chayrayku ama saqeychu Babiloniamanta kajkuna aylluykita jasut'inawaykuta.

Habacuc 1:17

Ajinatachu Babiloniamanta kajkuna ch'ipankuwan jap'irallawasqaykupuni? Runakunata mana uj chhikanta khuyarikuspa wañuchillanqankupunichu?

Deuteronomio 28:37

Chantá maymanchá Tata Dios apachisonqa, chay suyupi tiyakojkuna t'ukuspa, qhawasonqanku. Qanmanta alqorakusonqanku, chantá qanta imachus qhatirisusqanqa asikunankupaj kanqa.