Jeremías 25:6 - DIOSPA QHELQACHISQ

⁶ Ama waj dioskunaj qhepankuta riychejchu, paykunaj munayninkuta ruwanaykichejpaj, yupaychanaykichejpajtaj. Imatachus ruwasqaykichejwan ama phiñachiwaychejchu. Noqataj mana imatapis contraykichejpi ruwasajchu, nispa.

Qheshwa Biblia DC

⁶ Ama waj dioskunata qhatiychejchu, ama jatunchaychejchu, amataj yupaychaychejchu. Ama Señortaqa phiñachiychejchu. Qankuna kikiykichej ruwakunkichej chay dioskunata yupaychaspa, manataj sajra kajtapis chayachimusonqachejchu.

DIOSPA QHELQACHISQAN DEUTEROCANONICAL

⁶ Ama waj dioskunaj qhepankuta riychejchu, paykunaj munayninkuta ruwanaykichejpaj, yupaychanaykichejpajtaj. Imatachus ruwasqaykichejwan ama phiñachiwaychejchu. Noqataj mana imatapis contraykichejpi ruwasajchu, nispa.

Jeremías 25:6 ပူးပေါင်းရင်းမြစ်များ

1 Reyes 14:22

Judá suyumanta kajkunaqa Tata Diospa ñawpaqenpi mana allintachu ruwarqanku, sinch'itataj payta phiñacherqanku. Ñawpa tatankoj juchallisqankumantapis astawanraj juchallerqanku.

2 Reyes 17:35

Paykunawan Tata Dios tratota ruwaspa, kamachisqa: Ama waj dioskunata yupaychankichejchu, nitaj jatunchankichejchu, nillataj uywa ñak'asqata q'olachispa jaywankichejchu.

Éxodo 20:23

Ama qolqe metalmanta, nitaj qorimanta dioskunata ruwakuspa, noqata jina yupaychankichejchu.

Éxodo 20:3

Noqamanta jawa ama waj dioskuna kapusuchunchu.

Jeremías 32:30

Qallariymantapacha Israel ayllu, chantá Judá ayllupis ñawpaqeypi millayta ruwarqanku. Israelitakunaqa paykunaj ruwasqanku lantikunata yupaychaspa, phiñachillawajpuni kanku. Noqa Tata Diosmin chayta nini.

Jeremías 35:15

Qhepan qhepanta noqamanta sut'inchajkunata kachamorqaykichej ninasuykichejpaj: Mana allin ruwasqaykichejta, millay kawsayniykichejta ima saqeychej. Ama waj dioskunaj qhepankuta ripuychejchu, nillataj paykunata yupaychaychejchu. Kay nisqaytachus kasuwankichej chayqa, qankunaman, jinataj ñawpa tataykichejmanpis qosqay jallp'api tiyakullankichejpuni, nispa. Chaywanpis qankunaqa manapuni kasuwarqankichejchu, nitaj nisqayta junt'arqankichejchu.

Jeremías 44:7

Kunanqa Israelpa Tukuy Atiyniyoj Tata Diosnin nisunkichej: Imaraykutaj jatun llakiyta qankunallataj mask'akunkichejri? Imaraykutaj Judá suyumanta qharikuna, warmikuna, wawakuna, ñuñoj wawakuna ima ni uj puchuyoj chinkanankuta munankichejri?

Jeremías 44:8

Imaraykutaj millayta ruwasqaykichejwan phiñachiwankichej, Egiptopi kay waj dioskunaman inciensota q'oshñichispari? Chayta ruwaspaqa, qankunapis chinkachisqa kanallaykichejpajtaj mask'akushankichej. Chay kajtin, tukuypa rikunanta maldicisqa kankichej, tukuy suyu ukhupitaj k'umuykachachisqa kankichej.

Jeremías 7:6

Amallataj chawpiykichejpi tiyakoj waj llajtayojkunata, nillataj wajcha wawakunata, warmisapata ima ñak'arichiychejchu. Jinallataj kay cheqapi mana juchayoj runakunata ama wañuchiychejchu. Amallataj waj dioskunata yupaychaychejchu, imaraykuchus imatachus ruwasqaykichejqa qankunallapajtaj mana allinchu kanqa.

Jeremías 7:9

Chantá qankuna suwankichej, runatataj wañuchinkichej, khuchichakunkichej, qhasillata tilunkichej, Baal lantiman inciensota q'oshñichinkichej, mana rejsisqa lantikunatapis yupaychallankichejtaj.

Oseas 1:7

Judá suyumantarí khuyakusaj. Tata Diosninku jina noqa paykunata kacharichisaj mana maqanakuwanchu, nitaj flechawanchu, nitaj espadawanchu, nillataj caballokunapi purejkunawanchu, nispa.

Deuteronomio 13:2

2 (3) Sichus paypa nisqan junt'akojtin, pay nisunkichejman: Jaku, mana rejsisqaykichej waj dioskunaman k'umuykamunachej, nispa chayqa,

Deuteronomio 28:14

Kunan qoshayki, chay kamachisqakunamanta ama pañaman nitaj lloq'enejman karunchakunkichu, waj dioskunata kasuspa yupaychanaykipaj.

Deuteronomio 6:14

Muyuyniykichejpi llajtayojkunaj diosninkukunata amapuni yupaychankichejchu,

Deuteronomio 8:19

Sichus qankuna Tata Diosniykichejmanta qonqakapuspa, waj dioskunaman k'umuykuspa yupaychankichej chayqa, noqa sut'inta niykichej cheqapuni chinkachisqa kanaykichejta.

Josué 24:20

Sichus qankuna waj dioskunata yupaychaspa Tata Diosmanta qonqapunkichej chayqa, payqa qankunata llakiykunawan ñak'arichisonqachej. Diosqa qankunapaj allin imakunata ruwapusorqachej chaypis, tukuchisonqachej, nispa.