Jeremías 25:5 - DIOSPA QHELQACHISQ

⁵ Paykuna nisorqachej: Millay purisqaykichejta chantá millay ruwasqaykichejtapis saqeychej. Ajinatachus ruwankichej chayqa, tiyakuyta atillankichej, Tata Dios qankunaman, jinataj ñawpa tataykichejkunaman wiñaypaj qosorqachej, chay jallp'api.

Qheshwa Biblia DC

⁵ Paykuna nisorqachej: Saqeychej chay sajra puriyniykichejta, millay ruwasqasniykichejtapis; jinamanta tiyarikunaykichejpaj Señor qankunaman, jinataj ñaupa tatasniykichejman wiñaypaj qosorqachej chay jallp'api.

DIOSPA QHELQACHISQAN DEUTEROCANONICAL

⁵ Paykuna nisorqachej: Millay purisqaykichejta chantá millay ruwasqaykichejtapis saqeychej. Ajinatachus ruwankichej chayqa, tiyakuyta atillankichej, Tata Dios qankunaman, jinataj ñawpa tataykichejkunaman wiñaypaj qosorqachej, chay jallp'api.

Jeremías 25:5 ပူးပေါင်းရင်းမြစ်များ

Génesis 17:8

Qanman, mirayniykimanwan, maypichus tiyakushanki, chay tukuy Canaán jap'iyta qosqaykichej wiñaypaj chayaqeykichej kananpaj. Noqataj wiñaypaj Diosniyki kasaj, nispa.

Salmos 139:24

Ajinata ruwaspa, noqapi imachus mana allin rijch'asusqanta rikuchiway, chantá munasqaykiman jina wiñay kawsayman pusaway.

Salmos 37:27

Mana allin kajta ruwanamanta karunchakuspa, allin kajta ruway. Ajinata ruwaspa kanki chayqa, maypipis tiyakunayki kanqapuni.

Isaías 1:16

Mayllakuychej, llimphuchasqataj kaychej. Ñawpaqeymanta mana allin ruwasqaykichejta wijch'uychej. Amaña mana allin kajta ruwaychejchu.

Jeremías 17:25

Sichus kasuwankichej chayqa, Davidpa kamachinan tiyanapi kuraj kamachejkuna kallanqankupuni. Paykuna chantá kurajkuna ima carretapi, chayrí caballopi kay llajtaman punkunta yaykonqanku, Judamanta runakunawan, chantá Jerusalenmanta runakunawan khuska. Jerusalenpi tiyakojkunapis wiñaypaj kallanqapuni.

Jeremías 18:11

Niy ari Judamanta runakunaman, jinataj Jerusalenpi tiyakojkunaman ima, noqa Tata Diosmin imatachus nini, chayta: Noqa qankunata jasut'inaypaj jatun ñak'ariyta wakichishani. Chayrayku millay puriyniykichejmanta kutirikuychej, kawsayniykichejta, ruwasqaykichejtapis allinchaychej, nispa.

Jeremías 35:15

Qhepan qhepanta noqamanta sut'inchajkunata kachamorqaykichej ninasuykichejpaj: Mana allin ruwasqaykichejta, millay kawsayniykichejta ima saqeychej. Ama waj dioskunaj qhepankuta ripuychejchu, nillataj paykunata yupaychaychejchu. Kay nisqaytachus kasuwankichej chayqa, qankunaman, jinataj ñawpa tataykichejmanpis qosqay jallp'api tiyakullankichejpuni, nispa. Chaywanpis qankunaqa manapuni kasuwarqankichejchu, nitaj nisqayta junt'arqankichejchu.

Jeremías 4:1

Tukuyta Kamachej Dios nillantaj: Israel, sichus kutimpuyta munanki chayqa, noqaman kutimpuway. Chay millay lantiykikunata wijch'uy, noqamantataj amaña karunchakuychu.

Jeremías 7:7

Ajinata ruwajtiykichej, noqa saqesqaykichej kay jallp'api tiyakojta, mayqentachus ñawpa tataykichejman wiñaypaj qorqani, chay jallp'api.

Ezequiel 18:30

Chayrayku, Israel ayllu, noqaqa sapa ujta ruwasqaykichejman jina juchachasqaykichej. Noqa Tukuyta Kamachej Tata Dios chayta nini. Millay ruwasqaykichejta saqespa, noqaman kutirikamuychej, ajinamanta ama millay ruwasqaykichejmanta chinkachisqa kanaykichejpaj.

Ezequiel 33:11

Chayrayku paykunata niy: Noqa Tukuyta Kamachej Tata Dios sutiyrayku tiluspa nini: Mana munanichu mana allinta ruwaj runa juchanrayku wañunanta. Astawanpis munani millay ruwananmanta kutirikuspa, kawsananta. Israelitakuna, millay kawsayniykichejmanta kutirikamuychej. Imaraykutaj qankuna wañuyta munankichejri? nispa.

Oseas 1:7

Judá suyumantarí khuyakusaj. Tata Diosninku jina noqa paykunata kacharichisaj mana maqanakuwanchu, nitaj flechawanchu, nitaj espadawanchu, nillataj caballokunapi purejkunawanchu, nispa.

Hechos 26:20

Ajinaqa Damascopiraj Jesusmanta willayta qallarerqani, chaymantá Jerusalenpi, qhepantataj tukuy Judeapi. Mana judío kajkunamanpis noqa Jesusmanta willallarqanitaj. Tukuyninkuman nerqani Diosman kutirikunankuta, jinataj allin kajta ruwaspa, Diosman kutirikusqankumanta yachayta qonankupaj.