Jeremías 25:34 - DIOSPA QHELQACHISQ

³⁴ Qhapariychej, michejkuna, nanaywan qhapariychej. Aylluyta pusajkuna, nanaywan pampapi sunt'iraychej, imaraykuchus wañuchisqa kanaykichej p'unchay chayamunña, qankunataj wira oveja jina ñak'asqa kankichej.

Qheshwa Biblia DC

³⁴ Qhapariychej, michejkuna, nanaywan qhapariychej! Qankuna aylluyta pusankichej chaykuna, pampapi sunt'iraychej! Imaraykuchus wañuchinanku rato chayamunña, qankunatatajri wañuchisonqachej wira ovejata jina.

DIOSPA QHELQACHISQAN DEUTEROCANONICAL

³⁴ Qhapariychej, michejkuna, nanaywan qhapariychej. Aylluyta pusajkuna, nanaywan pampapi sunt'iraychej, imaraykuchus wañuchisqa kanaykichej p'unchay chayamunña, qankunataj wira oveja jina ñak'asqa kankichej.

Jeremías 25:34 ပူးပေါင်းရင်းမြစ်များ

2 Crónicas 36:10

Mosoj wata qallarikushajtin, Nabucodonosorqa Joaquinta Babiloniaman apanankuta kamacherqa, Tata Diospa Templonmanta aswan valorniyoj imakunatawan khuskata. Chantá Nabucodonosorqa Sedequiasta churarqa Judá suyuta, Jerusalentawan kamachinanpaj. Sedequiasqa Joaquinpa ayllunmanta karqa.

Salmos 2:9

Chantá qan fierro varawan kay pachapi kamachejkunata chakiyki uraman churanki, t'uru mankata jinataj paykunata phiriranki, nispa.

Isaías 10:12

Chaywanpis Tata Dios Sión orqopi, Jerusalenpiwan Asirianejta imachus ruwananta ruwaytawan, Asiriata kuraj kamachejtañataj jasut'enqa wapuykachasqanmanta, may kasqanta yuyakusqanmantataj.

Isaías 2:16

Tarsismanta tukuy barcokunata, qhatunapaj ashkha imayoj barcokunatapis yakuman p'ultirachenqa.

Isaías 30:14

Qankuna t'unasqa k'analla jina kankichej. Chay jinatapuni kallpawan phirisqa kasqanrayku, mana uj chhikan k'anallallapis qhepakunchu, q'onchamanta ninata orqhonallapajpis, nitaj yakuta wisinallapajpis, nispa.

Isaías 33:1

Ay, ima llakiyrajchus kanqa qankunapaj, asiriokuna. Qankuna wajkunata thuñerqankichej chaypis, qankuna mana jayk'aj thuñisqachu karqankichej. Qankuna tukuyta wasancharqankichej, qankunatatajrí mana pipis wasanchasorqachejchu. Chaywanpis qankuna thuñiyta tukojtiykichej, qankunatapis thuñillasonqachejtaj. Wasanchayta tukojtiykichej, qankunatapis wasanchallasonqachejtaj.

Isaías 34:6

Tata Diospa espadanqa sumaj yawarchasqa, wirawan qhoshqorishajtaj kashan. Chayqa ovejakunaj, cabrakunajpata yawarninku, chay wirataj carnerokunaj lurunninpa wiran. Tata Diosqa uywa ñak'asqa jaywanakunata Bosra llajtapi ruwan, Edom suyupitaj may chhika runakunata wañurachin.

Isaías 34:7

Chay runakunawan khuska wañonqanku k'ita torokuna, torokuna, torillokuna ima. Chay jallp'ataj yawarwan ch'aranchasqa kanqa, wirawan qhoshqochasqataj.

Jeremías 18:22

Kaymanta jinalla contrankuta soldadokunata kachaykuy, manchariywan qhaparqachasqanku uyarikunanpaj. Paykunaqa t'oqota allanku wijch'uykunawankupaj, purinaymantaj tojllata churamunku.

Jeremías 22:28

Coniasqa mana ni imapaj walej p'akisqa k'analla jina. Payqa mana rikuy atina lajrasqa yaku p'uñu jina. Imaraykutaj pay tukuy wawankunawan khuska mana rejsisqa suyuman wijch'usqa kanmanri?

Jeremías 23:1

Tata Dios nin: Ay, michejkuna imapichus tukukonqanku, pikunachus ovejaykunata ch'eqerachinku, chinkachinkutaj, chaykuna, nispa.

Jeremías 25:12

Qanchis chunka wata junt'akojtin, Babiloniata kuraj kamachejta millay ruwasqanmanta jasut'isaj, jinallataj caldeokunatapis. Chay suyukunata wiñaypaj ch'inyachisaj. Noqa Tata Diosmin chayta nini.

Jeremías 25:23

Jinallataj Dedanman, Temaman, Buzmanpis, pikunachus chujchankuta ruthukunku, chay ayllumanpis ujyachillarqanitaj.

Jeremías 25:36

Michejkuna qhaparinku. Nanaywan ayqonku ovejaykunata pusajkuna, imaraykuchus Tata Diosmin pastonkuta ch'akirparichin.

Jeremías 27:7

Tukuy suyukuna Nabucodonosorpa, churinpa, chantá allchhinpa kamachiyninpi ima kanqanku. Chay kanqa kikin Babilonia suyu atipasqa kanan p'unchay chayamunankama. Chaypacha waj jatuchaj suyukuna, jinataj atiyniyoj kuraj kamachejkuna payta atipanqanku.

Jeremías 3:19

Israel, noqa qanta wawaypaj jina jap'ikapuyta yuyarqani, sumaj moq'ena jallp'ata qonasuypaj, tukuy kay pachapi jallp'amanta aswan sumaj jallp'ata. Noqa yuyarqani: Tatáy, nispa ninawaykita, manataj jayk'ajpis noqamanta karunchakunawaykita.

Jeremías 48:26

Moabta machaykuchiychej, imaraykuchus Tata Diospa contranpi oqharikorqa. Chaypacha Moabqa lansasqanpi sunt'enqa, tukuytaj paymanta asikonqanku.

Jeremías 48:38

Moabpi tukuy wasikunapi, tukuynin callekunapipis waqasqanku uyarikun, imaraykuchus noqaqa Moabta phiriykorqani, imaynatachus mana allin ruwasqa yuruta phirinku, ajinata. Noqa Tata Diosmin chayta nini.

Jeremías 50:27

Tukuy wapu soldadonkunata wañuchiychej, ñak'ana cheqaman paykunata apaychej. Ay, paykunamanta, imaraykuchus wañunanku p'unchay chayamun, jasut'isqa kananku p'unchaytaj.

Jeremías 6:26

Ayllúy, qhashqa p'achata churakuy, ushphapitaj qhoshpaspa, llakiyniykita rikuchiy. Luto p'achata churakuspa, sonqo nanayta waqay, imaynatachus pipis uj k'ata wawan wañupojtin waqan, ajinata, imaraykuchus wañuchejkuna contraykipi ñapis jamonqankuña, nispa.

Lamentaciones 4:21

Uz suyupi tiyakoj Edom, kunanqa kusikuy ari. Chaywanpis aswan qhepaman qanmanpis chay jaya ujyana chayamullasonqataj. Chaywan qanqa machasqa, mana p'achayoj q'alalla rikhurinki.

Ezequiel 34:20

Chayrayku noqa Tukuyta Kamachej Tata Dios kay jinata niykichej: Tulluyasqa ovejakunawan, wirayasqa ovejakunawan paykuna ukhupi justiciata kananta ruwasaj.

Daniel (hebreo) 11:8

Astawanpis, payqa Egiptoman kutirispa, wichaynejmanta kaj kuraj kamachejpa diosninkunata, metalmanta ruwasqa lantikunata, qorimanta, qolqe metalmanta ruwasqa valorniyoj imakunatawan apakaponqa. Chantá unay watata iskaynin suyukuna mana maqanakuspalla kawsanqanku.

Oseas 8:8

Waj suyukuna Israelta oqokaponqanku, chay suyukunapitaj Israel lajrasqa t'uru manka jina ni imapaj walej kanqa.

Amós 5:11

Qankunaqa ch'eqosqa rumimanta ruwasqaykichej wasikunapi mana tiyakuyta atinkichejchu, nitaj poqochisqaykichej uvamanta vinotapis ujyayta atinkichejchu, imaraykuchus wajchakunata waqacherqankichej, poqochisqanku trigomantataj ashkha impuestota orqhorqankichej.

Zacarías 10:3

Chayrayku Tata Dios nin: Aylluyta michejkunapajmin phiñakuyniy astawan k'ajarin, noqataj aylluyta kamachejkunata jasut'isaj, nispa. Kunantaj Tukuy Atiyniyoj Tata Dios Judáj mirayninta tropanta jina waqaychanqa, aylluntataj yanapanqa, maqanakupaj wakichisqa caballo jina kallpayoj kanankupaj.

Zacarías 11:3

Michejkunapis qhaparispa waqashanku, imaraykuchus sumaj pastoqa chinkachisqaña. Leonpa qhaparisqanpis uyarikullantaj, imaraykuchus Jordán mayu kantupi ch'umipis chinkachisqaña kashan.

Santiago 5:5

Qankunarí kay pachapi chhika patapi kawsarikushankichej, sonqoykichejpa tukuy munasqanta ruwaspa, manchayta kusirikuspataj. Qankuna ñak'ana p'unchaypaj waka jina manchayta wirayarishankichej.