Jeremías 25:3 - DIOSPA QHELQACHISQ

³ Amonpa churin Josías chunka kinsayoj watata Judapi kamachisqanmanta kunankama, iskay chunka kinsayoj watataña Tata Dios noqaman parlamullawanpuni. Noqataj chayta qankunaman kutin kutinta willarqaykichej. Qankunatajrí manapuni uyariwarqankichejchu.

DIOSPA QHELQACHISQAN DEUTEROCANONICAL

³ Amonpa churin Josías chunka kinsayoj watata Judapi kamachisqanmanta kunankama, iskay chunka kinsayoj watataña Tata Dios noqaman parlamullawanpuni. Noqataj chayta qankunaman kutin kutinta willarqaykichej. Qankunatajrí manapuni uyariwarqankichejchu.

Jeremías 25:3 ပူးပေါင်းရင်းမြစ်များ

Génesis 22:3

Jinapi Abraham q'ayantin tutamanta jatarispa, q'olachinapaj llant'ata burronman chajnaykorqa. Chantá iskay kamachinkunawan, churin Isaacwan ima rerqanku, maymanchus Dios rinankuta nerqa, chayman.

1 Reyes 22:3

Israelmanta kuraj kamachejtaj yanapajninkunata nerqa: Manachu yachankichej Galaadmanta Ramotqa noqanchejpata kasqanta? Noqanchejtajrí mana imatapis ruwashanchejchu siriokunamanta qhechukapunanchejpaj, nispa.

2 Reyes 17:13

Tata Diosqa israelitakunata, jinataj Judá suyupi tiyakojkunata ima sut'inchajkunanejta k'amichisqa: Millayta ruwaspa purisqaykichejmanta noqaman kutirikamuychej. Chantá tataykichejkunaman qosqay kamachisqaykunata, yachachisqaykunatapis kasuychej. Chaykunata noqamanta sut'inchajkunanejta willacherqaykichej, nispa.

2 Crónicas 24:19

Chaywanpis Tata Dios kachamorqaraj paymanta sut'inchajkunata, chay runakunata payman kutirichinankupaj. Paykunatajrí sut'inchajkunaj k'amisqankuta mana kasorqankuchu.

2 Crónicas 34:1

Josiasqa pusaj watayoj kashaspa, kamachiyta qallarerqa, Jerusalenmantapacha kinsa chunka ujniyoj watata kamacherqa.

2 Crónicas 34:3

Pusaj watataña kamachishaspa, waynallaraj karqa. Chaywanpis ñawpa tatan Davidpa Diosninta kasuyta qallarerqa. Chunka iskayniyoj watata kamachisqanmantataj, Judamanta, Jerusalenmantawan loma patapi yupaychana wasikunata, Asera lantikunata, metalmanta jich'asqa lantikunatapis chinkachiyta qallarerqa.

2 Crónicas 34:8

Chunka pusajniyoj watataña kamachisqanmanta, Josiasqa tukuy suyuta, Tata Diospa Templotapis llimphuchachisqanmanta, Azaliaspa churin Safanta, llajtata kamachej Maseiasta, Joacazpa churin qhelqeri Yoajta ima kacharqa, Tata Diosninpa Templonta allinchanankupaj.

2 Crónicas 36:15

Ñawpa tatankoj Diosninku Tata Dios Templonrayku, ayllunta khuyakusqanraykutaj, kutin kutinta sut'inchajninkunata kacharqa ayllunta k'aminankupaj.

Salmos 81:13

13 (14) Aylluychus uyariwanman karqa chayqa, Israeltajchus nisqayman jina purinman karqa chayqa,

Éxodo 8:20

20 (16) Tata Diosqa Moisesta nillarqataj: Q'aya paqarin faraonqa tutamanta mayuman renqa. Qanpis tutamanta jatarispa, riy paywan parlaj. Chantá ajinata ninki: Tata Dios ajinata nisunki: Aylluyta kachariy, ch'innejman rispa yupaychamunawankupaj.

Isaías 55:2

Imaraykutaj qolqeykichejta tukunkichej mana mikhuna kajllapi? Imaraykutaj pagoykichejta tukunkichej mana sajsachej mikhunallapiri? Allinta uyariwaychej, jinaspataj allin kajmanta mikhunkichej, sumaj mikhuykunawantaj misk'irichikuychej.

Jeremías 1:2

Tata Dios Jeremiasman parlarqa, Amonpa churin Josías chunka kinsayoj watataña Judata kamachishajtin.

Jeremías 11:7

Maypachachus ñawpa tataykichejkunata Egiptomanta orqhomorqani, chaymantapacha kunankama paykunaman mayta nerqani: Kasuwaychej, nispa.

Jeremías 19:15

Israelpa Diosnin Tukuy Atiyniyoj Tata Dios nin: Kay llajtaman, jinataj muyuyninpi kaj llajtakunamanwan, ima jasut'ichus jamunanta nerqani, chayta kachaykamusajpuni, imaraykuchus sonqoykichejta rumiyacherqankichej, nisqayta ama uyarinawaykichejpaj, nispa.

Jeremías 22:21

Tukuy ima allillanraj rishasojtin, parlapayarqayki, qantajrí mana uyariwayta munarqankichu. Qanqa wayna kasqaykimantapacha ajinapuni karqanki. Nisqaytataj manapuni uyariyta munarqankichu.

Jeremías 25:4

Jinallataj Tata Diosqa kutin kutinta waj sut'inchajkunata kachamusorqachej, qankunatajrí mana kasuta ruwarqankichejchu, nitaj uyariyllatapis munarqankichejchu, nillataj chay nisqankuta kasorqankichejchu.

Jeremías 26:5

Sichus kamachiykunaj k'amisqankuta mana kasunkichejchu, pikunatachus qhepan qhepanta kachamorqaykichej, chaykunanejta chayqa,

Jeremías 29:19

Chayta ruwasaj, imaraykuchus kamachiykunanejta tukuy willachisqayta mana kasorqankuchu, maypachachus noqamanta sut'inchajkunata kutin kutinta kachamorqani, chaypacha, nispa. Ajinata noqa Tata Dios nini.

Jeremías 32:33

Paykunaqa wasanchawarqanku, manataj kutirikamuwayta munarqankuchu. Noqa paykunata kutin kutinta yachachispa k'amerqani chaypis, mana kasuwarqankuchu, nitaj jasut'isqaywan wanaytapis munarqankuchu.

Jeremías 35:14

Recabpa churin Jonadabpa ayllonqa ñawpa tatankoj kamachisqanta kasuspa, mana vinota ujyankuchu. Chayrayku paykunaqa kunankama mana vinota ujyankuchu, imaraykuchus ñawpa tatankoj kamachisqanta junt'ashanku. Noqapis qankunaman kutin kutinta parlapayarqaykichej, jinapis qankunaqa mana kasuwankichejchu.

Jeremías 35:15

Qhepan qhepanta noqamanta sut'inchajkunata kachamorqaykichej ninasuykichejpaj: Mana allin ruwasqaykichejta, millay kawsayniykichejta ima saqeychej. Ama waj dioskunaj qhepankuta ripuychejchu, nillataj paykunata yupaychaychejchu. Kay nisqaytachus kasuwankichej chayqa, qankunaman, jinataj ñawpa tataykichejmanpis qosqay jallp'api tiyakullankichejpuni, nispa. Chaywanpis qankunaqa manapuni kasuwarqankichejchu, nitaj nisqayta junt'arqankichejchu.

Jeremías 36:1

Josiaspa churin Joacín Judá suyuta tawa watataña kamachishajtin, Tata Diosqa Jeremiasta nerqa:

Jeremías 36:2

Uj qaraman tukuy kay nisusqayta qhelqay, Josiaspa tiemponmanta kunankama, Israelmanta, Judamantawan, chantá chay waj suyukunamanta imatachus nerqani, chay tukuyta.

Jeremías 44:4

Noqaqa kutin kutinta kamachiykuna sut'inchajkunata paykunaman kacharqani, kay jinata ninankupaj: Imatachus Tata Dios millachikun, chayta amañapuni ruwaychejchu, nispa.

Jeremías 7:13

Mashkha kutita parlapayarqaykichej, qankunatajrí mana kasuwayta munarqankichejchu, nitaj uyarillawaytapis munarqankichejchu.

Jeremías 7:25

Ñawpa tataykichejkuna Egiptomanta llojsimusqankumantapacha kunankama, qankunaman sapa kuti noqamanta sut'inchajkunata kachamullarqanipuni.

Ezequiel 33:4

Pillapis trompetata waqajta uyarishaspa, sichus mana kasuta ruwanman, awqankunataj yaykumuspa payta wañurparichinkuman chayqa, chay runa wañusqanmanta paylla juchayoj kanqa.

Zacarías 1:4

Ama ñawpa tataykichejkuna jina kaychejchu. Noqamanta ñawpa sut'inchajkunaqa paykunata sutiypi nerqanku: Millay kawsayta saqeychej, mana allin kajta ruwanamantataj t'aqakuychej, nispa. Paykunatajrí mana uyariwarqankuchu nitaj nisqayta kasuwarqankuchu. Noqa Tukuy Atiyniyoj Tata Diosmin chayta niykichej.

Marcos 1:35

Q'ayantenqa Jesús tutamanta jatarerqa. Allin chhapullaraj kashajtin, wasimanta llojsispa, ch'innejman rerqa, chaypitaj Dioswan parlarikorqa.

San Juan 8:2

Q'ayantin sut'iyaytataj Temploj pationman Jesús kutirejtin, may chhika runa chayman tantakorqanku. Jesustaj tiyarikuspa, paykunaman yachacherqa.

San Juan 8:47

Diospata kajkunaqa paypa nisqanta tukuy sonqo uyarinku. Qankunatajrí mana uyariyta munankichejchu, imaraykuchus mana Diospa wawanchu kankichej, nispa.

2 Timoteo 4:2

Diospa simi nisqanmanta mana sayk'uspa parlaypuni tutapis, p'unchaypis, mayk'ajllapis. Jinataj wawqe panakuna pantajtinku, cheqan ñanman churay, k'amiy, chantá pacienciawan yachachispa, Jesucristota qhatejkunaj sonqonkuta oqhariy.