Jeremías 25:12 - DIOSPA QHELQACHISQ

¹² Qanchis chunka wata junt'akojtin, Babiloniata kuraj kamachejta millay ruwasqanmanta jasut'isaj, jinallataj caldeokunatapis. Chay suyukunata wiñaypaj ch'inyachisaj. Noqa Tata Diosmin chayta nini.

Qheshwa Biblia DC

¹² Qanchis chunka watas junt'akojtinkamataj, juchasninkumanta cuentata mañarisaj, Babilonia reymanta, nacionninmanta; caldeosmantapis, chay nacionninkutataj wiñaypaj chinkachisaj. Noqa Señor chayta nini.

DIOSPA QHELQACHISQAN DEUTEROCANONICAL

¹² Qanchis chunka wata junt'akojtin, Babiloniata kuraj kamachejta millay ruwasqanmanta jasut'isaj, jinallataj caldeokunatapis. Chay suyukunata wiñaypaj ch'inyachisaj. Noqa Tata Diosmin chayta nini.

Jeremías 25:12 ပူးပေါင်းရင်းမြစ်များ

2 Reyes 24:1

Joacín kamachishajtin, Babilonia suyuta kuraj kamachej Nabucodonosor Judá suyoj contranpi maqanakoj jamuspa, Joacinta atipaykorqa. Jinataj Judá suyoqa kinsa watata kuraj kamachej Nabucodonosorpa makinpi karqa. Chay kinsa wata pasaytataj Joacín kuraj kamachej Nabucodonosorpa contranpi oqharikorqa.

2 Crónicas 36:22

Aswan qhepaman Diosman sut'inchaj Jeremiasnejta Tata Diospa nisqan kay jinata junt'akorqa: Persia suyuta kuraj kamachej Ciro kamachiyta qallarishajtin, chay watapi Tata Diosqa Cirota umacharqa tukuynin jap'iyninpi kajkunaman parlasqapi, jinataj qhelqasqapi kay jinata willarachinanpaj:

Salmos 137:8

Babilonia, qanpis thuñisqallataj kanki. Kusisqa kanqa pichus qanta thuñisojqa, imaynatachus qan ruwawasqaykuman jina.

Isaías 13:19

Babiloniaqa waj suyukunapaj sumaj lliphipirishaj rumi jina karqa, caldeokunaj may uyarisqa llajtanku. Jinapis chay llajtata Tata Dios tukuchenqa, imaynatachus Sodomata, Gomorratawan tukucherqa, ajinata.

Isaías 14:23

Llajtankuta yaku qhochiman tukuchisaj, ch'useqakunaj tiyakunankutataj ruwasaj. Chaymantaqa chinkachiy pichanawan paykunata picharparisaj, nispa. Ajinata Tukuy Atiyniyoj Tata Dios nin.

Isaías 15:6

Nimrín pujyupi yakupis ch'akipun. Pastopis ch'akirapullantaj. Qhorapis ch'akipun manañataj ima q'omerpis kanñachu.

Isaías 20:1

Asiriata kuraj kamachej Sargón soldadokunata kamachejta Asdod llajtaman kacharqa. Paytaj soldadonkunawan Asdod llajtapi tiyakoj filisteokunaj contranpi maqanakuspa jap'ikaporqa.

Isaías 33:1

Ay, ima llakiyrajchus kanqa qankunapaj, asiriokuna. Qankuna wajkunata thuñerqankichej chaypis, qankuna mana jayk'aj thuñisqachu karqankichej. Qankuna tukuyta wasancharqankichej, qankunatatajrí mana pipis wasanchasorqachejchu. Chaywanpis qankuna thuñiyta tukojtiykichej, qankunatapis thuñillasonqachejtaj. Wasanchayta tukojtiykichej, qankunatapis wasanchallasonqachejtaj.

Isaías 46:1

Bel diosqa k'umpuykukun. Nebo diospis pampaman wijch'ukun. Chay lantikunaqa burropi chajnasqa rinku, llasa q'epita apajkunataj kharkatitinku llasa kasqankurayku.

Jeremías 23:2

Chayrayku Israelpa Tata Diosnin nillantaj: Aylluyta michejkuna, qankunaqa ovejaykunata ch'eqeracherqankichej, ayqeracherqankichejtaj, manataj allintachu qhawarqankichej. Chayrayku noqapis millayta ruwasqaykichejmanta jasut'isqaykichej. Noqa Tata Diosmin chayta nini.

Jeremías 25:14

Jatun suyukuna chantá atiyniyoj kuraj kamachejkunapis Babilonia llajtayojkunata chakinku uraman churanqanku. Ajinata ruwasqankuman jina paykunawan pagachikusaj, nispa.

Jeremías 27:22

Chaykunatapis Babiloniaman apakaponqanku, chaypitaj qhepakonqanku, mayk'ajchari noqa ujtawan kutichimuyta munasaj, chaykama. Noqa Tata Diosmin chayta nini.

Jeremías 27:7

Tukuy suyukuna Nabucodonosorpa, churinpa, chantá allchhinpa kamachiyninpi ima kanqanku. Chay kanqa kikin Babilonia suyu atipasqa kanan p'unchay chayamunankama. Chaypacha waj jatuchaj suyukuna, jinataj atiyniyoj kuraj kamachejkuna payta atipanqanku.

Jeremías 29:10

Noqa Tata Dios nillanitaj: Qanchis chunka wata Babiloniapi kasqaykichej junt'akojtinkama, kay cheqaman qankunata kutichimunayta nerqani, chay nisqayta junt'asaj.

Ezequiel 35:9

Noqa wiñaypaj ch'inpachata saqesqayki, llajtaykikunapitaj manaña jayk'ajpis runakuna tiyakonqankuñachu. Chaypachataj qankuna yachankichej noqa Tata Dios kasqayta.

Daniel (hebreo) 9:2

Darío uj watata kamachishajtin, noqaqa Diosmanta sut'inchaj Jeremiaspa qhelqanta allinta yachayta munaspa ñawirisharqani. Chay qhelqapi nisqa Jerusalenqa qanchis chunka wata junt'ata thuñisqa kananta, sut'inchaj Jeremiasman Tata Dios nisqanman jina.

Habacuc 1:17

Ajinatachu Babiloniamanta kajkuna ch'ipankuwan jap'irallawasqaykupuni? Runakunata mana uj chhikanta khuyarikuspa wañuchillanqankupunichu?