Jeremías 25:11 - DIOSPA QHELQACHISQ

¹¹ Tukuy kay suyoqa ch'inyachisqa kanqa, raqayman tukuchisqataj. Kay suyumanta runakunataj qanchis chunka wata junt'ata Babiloniata kuraj kamachej makinpi kankichej.

Qheshwa Biblia DC

¹¹ Tukuy kay llajta phishqa kanqa, raqaykunasmantaj tukuchisqas kanqa. Qanchis chunka watas junt'ata kay naciones Babilonia reypa makisnimpi kanqa.

DIOSPA QHELQACHISQAN DEUTEROCANONICAL

¹¹ Tukuy kay suyoqa ch'inyachisqa kanqa, raqayman tukuchisqataj. Kay suyumanta runakunataj qanchis chunka wata junt'ata Babiloniata kuraj kamachej makinpi kankichej.

Jeremías 25:11 ပူးပေါင်းရင်းမြစ်များ

2 Crónicas 36:20

Mana wañuchisqa kajkunatapis presochaspa, Babiloniaman apallarqankutaj. Chaypitaj kuraj kamachejta, churinkunatawan wata runamanta jap'erqanku, Persiapi kuraj kamachej sayarinankama.

Isaías 5:6

Ch'in t'ajra pampata ruwasaj. Manaña pipis uva sach'ata llimphuchanqachu, nitaj qhoranqachu. Manachayqa imaymana khishka qhorakuna junt'aykonqa. Phuyutapis nillasajtaj amaña chaynejman paramunanta, nispa.

Jeremías 25:12

Qanchis chunka wata junt'akojtin, Babiloniata kuraj kamachejta millay ruwasqanmanta jasut'isaj, jinallataj caldeokunatapis. Chay suyukunata wiñaypaj ch'inyachisaj. Noqa Tata Diosmin chayta nini.

Jeremías 25:38

Imaynatachus uj león jusk'unmanta llojsin, ajinata llojserqa. Llajtankoqa raqayllamanña tukuchisqa kanqa, imaraykuchus Tata Dios sinch'ita phiñakuspa, sinch'i maqanakuta paykunaman kachaykonqa, nispa.

Jeremías 27:22

Chaykunatapis Babiloniaman apakaponqanku, chaypitaj qhepakonqanku, mayk'ajchari noqa ujtawan kutichimuyta munasaj, chaykama. Noqa Tata Diosmin chayta nini.

Jeremías 27:7

Tukuy suyukuna Nabucodonosorpa, churinpa, chantá allchhinpa kamachiyninpi ima kanqanku. Chay kanqa kikin Babilonia suyu atipasqa kanan p'unchay chayamunankama. Chaypacha waj jatuchaj suyukuna, jinataj atiyniyoj kuraj kamachejkuna payta atipanqanku.

Jeremías 28:14

Noqa Israelpa Tukuy Atiyniyoj Tata Diosnin nini: Fierro yugota tukuy suyoj kunkankuman noqa churani, Babiloniamanta kuraj kamachej Nabucodonosorpa kamachinkuna kanankupaj. K'ita animalkunatapis paypa makinman churallanitaj, nispa.

Jeremías 29:10

Noqa Tata Dios nillanitaj: Qanchis chunka wata Babiloniapi kasqaykichej junt'akojtinkama, kay cheqaman qankunata kutichimunayta nerqani, chay nisqayta junt'asaj.

Jeremías 4:26

Qhawarispa, sumaj poqoj jallp'akunapis ch'inman tukuchisqa kasqankuta rikorqani, tukuy llajtankunataj raqayllaña kasqankuta. Tata Diosmin k'araj phiñakuyninpi chay tukuyta ruwarqa.

Jeremías 4:27

Tata Dios nin: Tukuy jallp'a ch'inman tukuchisqa kanqa. Chaywanpis mana tukuynintapunichu tukuchisaj.

Jeremías 43:10

Chantá niy: Israelpa Tukuy Atiyniyoj Tata Diosnin ajinata nin: Noqaqa Babiloniamanta kamachiy Nabucodonosorta kayman pusamusaj, chaymantataj Jeremiaspa p'ampachasqan rumikuna patapi kamachinan tiyanata churasaj, jinallataj pay toldontapis chaypi sayarichenqa.

Jeremías 44:22

Tata Diosqa manañapuni chay millay ruwasqaykichejta awantarqachu. Chayraykumin qankunaj llajtaykichejqa ch'inyachisqa kashan, mana runayoj, t'ukunapaj jina maldicisqataj.

Ezequiel 12:19

Jinaspataj, kay suyupi tiyakojkunata niy: Tukuyta Kamachej Tata Diosqa Jerusalenpi tiyakojkunaman, israelitakunamanpis kay jinata nin: T'antankuta may manchachikuywan mikhonqanku, yakutataj llakiywan mancha manchalla ujyanqanku. Ajina kanqa, imaraykuchus kallpaman atinikuspa millayta ruwasqankurayku, jallp'anku t'ajraman tukuchisqa kanqa, mana ima poqojtaj.

Ezequiel 29:11

Chay suyupi mana runakuna, nitaj uywakunapis purenqankuñachu. Tawa chunka wata junt'ata manapuni pi runapis chaypi tiyakonqañachu.

Ezequiel 6:14

Uray ladopi ch'in pampamanta wichaypi kaj Diblat llajtakama makiyta oqharisaj paykunata jasut'inaypaj. Maynejpichus tiyakunku, chay suyuta mancharina ch'inman tukuchisaj. Chaypachataj paykunaqa noqa Tata Dios kasqayta yachanqanku, nispa Tata Dios nin.

Daniel (hebreo) 9:2

Darío uj watata kamachishajtin, noqaqa Diosmanta sut'inchaj Jeremiaspa qhelqanta allinta yachayta munaspa ñawirisharqani. Chay qhelqapi nisqa Jerusalenqa qanchis chunka wata junt'ata thuñisqa kananta, sut'inchaj Jeremiasman Tata Dios nisqanman jina.

Levítico 26:32

Llajtaykichejta ch'inman tukuchisaj, chayman awqaykichejkuna tiyakoj jamojkunataj t'ukushaj qhepakonqanku.

Miqueas 7:13

Kunantajrí kay jallp'a ch'inman tukuchisqa kanqa kaypi tiyakojkunaj juchaykichejrayku. Ajina kanqa millayta ruwasqaykichejrayku.

Zacarías 1:12

Chantá Tata Diospa angelnin nerqa: Tukuy Atiyniyoj Tata Dios, Jerusalenpaj chantá Judapi kaj llajtakunapajpis qanchis chunka watataña phiñasqa kanki. Mayk'ajkamataj paykunamanta mana khuyarikunkichuri? nispa.

Zacarías 7:5

Kayta niy tukuy aylluyman, jinataj sacerdotekunamanpis: Qankuna phishqa kaj killapi, qanchis kaj killapipis, qanchis chunka watataña qhashqa p'achata churakuspa, ayunaj kankichej. Chaywanpis mana noqata jatunchanawaykichejpajchu chayta ruwarqankichej. Jinallatataj qankuna raymikunapi mikhuspa, ujyaspapis, chaytapis qankunallapaj ruwankichej.