Jeremías 25:10 - DIOSPA QHELQACHISQ

¹⁰ Qankuna ukhupi kusiy wayñu, raymi takiykunapis manaña uyarikonqachu, nitaj casarakojkunaj takirisqankupis. Jinallataj maranpi kutanapis mana uyarikonqachu. Lamparakunapis manaña rikukonqachu.

Qheshwa Biblia DC

¹⁰ Paykuna ukhupi chay kusiy wayñu, fiesta takiykunastapis manaña uyarikunanta saqesajchu, nillataj maran rumispa ch'ajwaykunasnintapis; nillataj ujtawan k'anchaykunas rikukunantapis.

DIOSPA QHELQACHISQAN DEUTEROCANONICAL

¹⁰ Qankuna ukhupi kusiy wayñu, raymi takiykunapis manaña uyarikonqachu, nitaj casarakojkunaj takirisqankupis. Jinallataj maranpi kutanapis mana uyarikonqachu. Lamparakunapis manaña rikukonqachu.

Jeremías 25:10 ပူးပေါင်းရင်းမြစ်များ

Ester (hebreo) 3:13

Chay cartakunatataj chaskikuna tukuynejman aparqanku. Chay cartapitaj kamachisharqa tukuy judiokunata wañuchinankuta. Wata tukukuy killapi, chunka kinsayoj p'unchayta, uj p'unchayllapi tukuyninkuta wañurachinanku karqa: Wayna runakunata, machu runakunata, warmikunata, wawakunata ima. Chantá nillarqataj imankuchus kajta jap'ikapunankuta.

Ester (hebreo) 7:4

Noqatawan, yawar masiykunatawan ima uj runa vendewayku wañurachinawaykupaj, ni uj puchuyojtataj chinkachinawaykupaj. Sichus wiñaypaj wata runa kanaykupaj vendesqa kaykuman karqa chayqa, ch'inlla kakuyman karqa. Chaywanpis, sichus ajinata wañurachiwasqayku chayqa, kuraj kamachejniypaj manapuni allinchu kanqa, nispa.

Ester (hebreo) 8:11

Chay qhelqapi kuraj kamachejqa kamachisharqa tukuy judiokunaman, may llajtakunapichá tiyakusharqanku, chaypi tantaykukuytawan, awqankunaj contrankuta maqanakunankuta. Mayqen llajtamantapis, chayrí mayqen suyumantapis paykunaj contrankupi jamojtinku, kuraj kamachejqa nerqa chay awqankunata wañuchinankuta, mana warmikunata, nitaj wawakunatapis khuyaspa. Chantá tukuy kapuyninkuta jap'ikapunanku karqa.

Isaías 47:2

Maran rumita jap'ispa, trigota kutay. Uma qhatanaykita qhatarakuy, qhoysu p'achaykita patakama oqharikuspataj, mayuta chimpay.

Jeremías 16:9

Noqa Israelpa Diosnin Tukuy Atiyniyoj Tata Dios kayta nini: Noqa kay suyupi raymi takiyninkuta ch'inyachisaj, jinallataj kusikuyninkuta chantá casarakupi takiyninkutapis. Chayqa chay p'unchaykunapi qankunaj rikunaykichej kanqa.

Jeremías 48:33

Moabpa sumachaj jallp'an chawpipi manaña runakunaj kusiywan takisqanku uyarikunñachu. Vino jallch'anapi vinopis tukukapunña. Manaña pipis uvata sarojqa kanchu, nillataj kusiy takiykunapis kanchu.

Jeremías 7:34

Chantá Judá suyupi, jinallataj Jerusalén llajtapipis raymikunata, tusuykunata, takiykunata, jinallataj casarakupi takiykunatapis ch'inyachisaj. Tukuy suyutaj ch'inman tukuchisqa kanqa, nispa.

Lamentaciones 5:15

Sonqoykupi kusikuypis manaña kanchu, tusuyniykupis llakiyman tukupun.

Ezequiel 26:13

Ajinata noqa Tata Diosqa takisqaykita ch'inyachisaj, manataj arpaykej waqasqan uyarikonqañachu.

Oseas 2:11

11 (13) Kusikuyninta chinkachisaj, nitaj mosoj killapi raymikuna, samarina p'unchaykuna, tukuy jatun raymikuna ima kanqachu.