Jeremías 24:9 - DIOSPA QHELQACHISQ

⁹ Paykunawanqa t'ukunapaj jina ruwasaj, paykunata rikuspataj, tukuy runakuna mayta mancharikonqanku. Maymanchus paykunata apachisaj, chay suyukunapi tiyakojkuna paykunamanta alqochakonqanku, asipayanqanku, chantá k'umuykachenqanku ima.

Qheshwa Biblia DC

⁹ Paykunata mancharikunapaj jina ruwasaj, tukuy jallp'api kaj nacionespaj; p'enqakunankupaj jina, cuentakunankupaj jina, asikunankupaj jina, maldición kanankupaj jina, maymanchus chayanqanku chay naciompi.

DIOSPA QHELQACHISQAN DEUTEROCANONICAL

⁹ Paykunawanqa t'ukunapaj jina ruwasaj, paykunata rikuspataj, tukuy runakuna mayta mancharikonqanku. Maymanchus paykunata apachisaj, chay suyukunapi tiyakojkuna paykunamanta alqochakonqanku, asipayanqanku, chantá k'umuykachenqanku ima.

Jeremías 24:9 ပူးပေါင်းရင်းမြစ်များ

1 Reyes 9:7

noqaqa kay jallp'ata qorqaykichej, chaymanta qharqosqaykichej. Kay Templota noqapaj t'aqakusqaytapis qhesachallasajtaj. Israel suyutaj, tukuy suyoj asipayasqan kanqa.

2 Crónicas 7:20

tiyakunaykichejpaj qorqaykichej, chay jallp'amanta wijch'usqaykichej. Noqapaj t'aqakusqay Templotapis chinkarparichisaj. Qankunataj tukuy runaj asikunanku kankichej.

Salmos 69:11

11 (12) Llakisqa kaspa qhashqa p'achata churakojtiypis, tukuypa asipayanan kani.

Isaías 43:28

Sacerdoteykikuna Temployta pisipaj qhawasqankurayku p'enqaypi rikhurichisaj. Jacobpa aylluntaqa chinkarparichisqa kananpaj churasaj, Israel ayllutataj p'enqayta qhesachasqa kananpaj churallasajtaj.

Isaías 65:15

Chantá sutiykichejta oqharispa, ajllakusqay runakuna waj runakunata maldicenqanku. Noqa Tukuyta Kamachej Tata Dios qankunata wañurachisqaykichej, kamachiykunatataj waj sutiwan sutichasaj.

Jeremías 15:4

Judá suyuta ñawpa kuraj kamachej Ezequiaspa churin Manasés imatachus Jerusalenpi millayta ruwasqanmanta, chayta ruwasaj. Chayta rikuspataj, tukuy suyumanta kajkuna mayta mancharenqanku.

Jeremías 19:8

Kay llajtata ch'in raqayman tukuchisaj, tukuy t'ukunankupaj jina. Chantá tukuy chayninta purejkuna t'ukushaj qhepakonqanku, chay jina phirisqa kasqanta rikuspa.

Jeremías 25:18

Chay vasota Jerusalén llajtaman jaywarqani, jinallataj Judá suyupi llajtakunaman, kuraj kamachejkunaman, jinataj kurajninkukunamanpis jaywallarqanitaj. Chay jinamanta Tata Dios paykunata kantumanta tukucherqa, wiñaypajtaj raqaykunallataña saqerqa mancharikunapaj, asikunapaj jina, imaynachus kunan kashanku, ajina.

Jeremías 26:6

Silo llajtapi ruwasqayta jinallatataj kay Templotapis ruwasaj. Kay llajtataj tukuypa asipayanan, alqochakunantaj kanqa, nispa.

Jeremías 29:18

Paykunata maqanakuywan, yarqhaywan, onqoywan ima qhatiykachasaj. Kay pachapi tukuy suyu paykunata rikuspa, asipayanqanku, maldicisqa jina kasqankurayku. May suyumanchus paykunata ch'eqerqachisaj, chaypi p'enqayman churasqa kanqanku, runakunataj paykunaj sutinta oqharispa, ujkunata maldicenqanku.

Jeremías 29:22

Judamanta Babiloniapi apasqa kashanku, chaykunamanta mayqellanpis wajta maldiciyta munaspa, kay jinata nichun: Imaynatachus Babiloniaj kuraj kamachejnin Sedequiasta, Ajabtawan ninawan ruphaykucherqa, ajinata qantapis Tata Dios ruwasuchun, nispa.

Jeremías 34:17

Chayrayku noqa Tata Dios nini: Qankunaqa llajta masiykichej wata runata mana kacharipuspaqa, mana kasuwarqankichejchu. Chayraykumari kunan noqapis maqanakuta, onqoyta, yarqhayta ima qankunaman kachaykamusqaykichej, tukuy kay pachapi kaj suyukuna t'ukunankupaj jina, nispa.

Jeremías 42:18

Israelpa Tukuy Atiyniyoj Tata Diosnin nillantaj: Imaynatachus Jerusalenpi tiyakojkunaj contrankupi phiñakuyniy k'ajarerqa, ajinallatataj qankunaj contraykichejta k'arajta phiñakusaj, sichus qankuna Egiptoman ripunkichej chayqa. Qankunaqa tukuypa rikunanta maldicisqa kankichej, chaytaj mayta t'ukunapaj jina kanqa. Manañataj ni jayk'aj kay suyuta ujtawan rikunkichejchu, nispa.

Jeremías 44:12

Judamanta puchojkuna, pikunachus Egiptoman tiyakapoj ripuyta munarqankupuni, chaykuna Egipto suyupi espadawan chayrí yarqhaywan wañuchisqa kanqanku. Tukuyninku juch'uymanta, jatunkama wañuchisqa kanqanku maqanakupi, chayrí yarqhaywan, tukuypa rikunantataj maldicisqa, t'ukunapaj jina, may k'umuykachachisqataj kanqanku.

Jeremías 44:13

Noqaqa Egiptopi tiyakoj Judá suyumanta kajkunata jasut'isaj, imaynatachus Jerusalenta maqanakuwan, yarqhaywan, onqoywan ima jasut'erqani, ajinata.

Jeremías 44:22

Tata Diosqa manañapuni chay millay ruwasqaykichejta awantarqachu. Chayraykumin qankunaj llajtaykichejqa ch'inyachisqa kashan, mana runayoj, t'ukunapaj jina maldicisqataj.

Ezequiel 23:46

Chayrayku Tukuyta Kamachej Tata Dios kay jinata nin: Noqa chay warmikunaj contrankupi ashkha runata tantaykamusaj, mancharichinankupaj, tukuy imankutataj suwanankupaj.

Ezequiel 25:3

Paykunata niy: Amonitakuna, Tukuyta Kamachej Tata Diospa nisqanta uyariychej. Pay ajinata nisunkichej: Temploy ch'ichichasqa kashajtin, qankuna kusikuspa, jatunmanta asikorqankichej, maypachachus Israel suyu ch'inyachisqa karqa, Judá aylluytaj apasqa kasharqa, chaypacha.

Ezequiel 26:2

Runaj churin, Tiro llajtaqa Jerusalenmanta alqochakuspa, kay jinata nerqa: Walejpacha, suyukunaj qhatu ruwananku llajtaqa thuñisqaña. Kunan noqamanñataj mit'a chayamuwan. Pay phirisqa kasqanrayku, noqañatajmin qhapajyarisaj, nispa.

Ezequiel 5:8

Chayrayku noqa Tukuyta Kamachej Tata Dios nini: Jerusalén, noqa contraykipi kashani. Muyuyniykipi kashanku, chay suyukunaj rikunankuta noqa jasut'isqayki.

Deuteronomio 28:25

Chantá Tata Diosqa qanta awqaykiwan atipachisonqa. Qan uj ñannejllata awqaykiwan maqanakoj rinki, atipachikuspataj, maynejtachus ayqenaykita mana yachaspa ch'eqeraspa ayqenki. Kay pachapi tukuy suyutaj t'ukuspa, chantá mancharisqa ima qhawasonqanku.

Deuteronomio 28:37

Chantá maymanchá Tata Dios apachisonqa, chay suyupi tiyakojkuna t'ukuspa, qhawasonqanku. Qanmanta alqorakusonqanku, chantá qanta imachus qhatirisusqanqa asikunankupaj kanqa.