Jeremías 24:7 - DIOSPA QHELQACHISQ

⁷ Jinallataj allin yuyayta paykunaman qosaj, noqa Tata Dios kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus paykuna tukuy sonqowan kutimpuwanqanku.

Qheshwa Biblia DC

⁷ Allin sonqota qosaj, noqa Señorninku kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus tukuy sonqowan kutirimpuwanqanku.

DIOSPA QHELQACHISQAN DEUTEROCANONICAL

⁷ Jinallataj allin yuyayta paykunaman qosaj, noqa Tata Dios kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus paykuna tukuy sonqowan kutimpuwanqanku.

Jeremías 24:7 ပူးပေါင်းရင်းမြစ်များ

2 Crónicas 6:38

May suyumanchus apasqa karqanku chaypi, tukuy sonqo tukuy alma qanman kutirikamonqanku, qanmantataj mañakamusonqanku kay ñawpa tatankuman qorqanki, kay jallp'aman kutirisqa, ajllakusqayki kay llajtaman, kay Templo ruwachipususqayman qhawarisqa.

Salmos 119:2

Jinallataj Tata Diospa kamachisqanta kasuspa purejkunaqa may jina kusisqa kanqanku, tukuy sonqowan nisqanta kasojkuna.

Isaías 51:16

Nisqayta simiykiman churarqani, makiypa llanthunpitaj waqaycharqayki. Janajta jatunman aysaspa, kay pachaj cimientontapis churaspa, Sionta nerqani: Qanqa aylluy kanki, nispa.

Jeremías 11:4

Kay tratota ñawpa tatankukunawan ruwarqani, maypachachus Egiptomanta paykunata orqhomorqani, chaypacha. Egipto suyoqa fierro unuyachina horno jina karqa. Chaypachataj noqa nerqani: Kasuwaychej, ruwaychejtaj tukuy kamachisqayta, chantá qankuna aylluy kankichej, noqataj Diosniykichej kasaj, nispa.

Jeremías 29:10

Noqa Tata Dios nillanitaj: Qanchis chunka wata Babiloniapi kasqaykichej junt'akojtinkama, kay cheqaman qankunata kutichimunayta nerqani, chay nisqayta junt'asaj.

Jeremías 3:10

Chaywanpis wasanchawaj Judaqa mana tukuy sonqowanchu noqaman kutirimuwarqa, manachayqa pujllakullawarqa. Noqa Tata Diosmin chayta nini.

Jeremías 30:22

Ajinamanta israelitakunaqa aylluy kanqanku, noqataj Diosninku kasaj. Noqa Tata Diosmin chayta nini.

Jeremías 7:23

Manachayqa kayta paykunaman kamacherqani: Noqata kasuwaychej. Sichus kasuwankichej chayqa, noqa Diosniykichej kasaj, qankunataj aylluy kankichej. Qankuna kamachisqayman jinapuni puriychej allin risunaykichejpaj, nispa.

Ezequiel 11:17

Noqaj sutiypi paykunaman nillaytaj: Kay jinata Tata Dios nin: Noqa Tukuyta Kamachej Tata Diosmin paykunata tantaykamusaj waj suyukunamanta, karu llajtakunamanta ima, maykunamanchá paykunata ch'eqeracherqani, chaykunamanta. Israelitakuna, qankunata tantaykamuspa, suyuykichejta kutichipusqaykichej.

Ezequiel 14:11

Ajinamanta Israel aylloqa manaña jayk'ajpis noqamanta t'aqakonqankuchu, nitaj millay imata ruwaspa ch'ichichakonqankuñachu. Paykuna aylluy kanqanku, noqataj paykunaj Diosninku kasaj, nispa nin Tukuyta Kamachej Tata Dios.

Ezequiel 16:62

Tratota watej qanwan ruwasaj. Ajinamanta noqa Tata Dios kasqayta yachanki.

Ezequiel 37:23

Manañataj millay lantikunata yupaychaspa ch'ichichakonqankuchu, nitaj millayta ruwanqankuchu, nillataj contrayta oqharikonqankuchu. Noqa paykunata kacharichisaj, maypichus juchallikorqanku, chay cheqamanta, paykunatataj llimphuchasaj. Ajinamanta aylluy kanqanku, noqataj paykunaj Diosninku kasaj.

Ezequiel 37:27

Noqapuni paykunawan khuska tiyakusaj. Noqa paykunaj Diosninku kasaj, paykunataj aylluy kanqanku.

Ezequiel 39:22

Chay p'unchaymantapacha ñawpajmantaj Israel aylloqa yachanqanku noqa Tata Dios kasqayta.

Oseas 2:22

22 (24) Jallp'ataj poqonqa trigota, uvata, aceitunata ima, chaykunatataj Jezrelman qopusaj.

Zacarías 13:9

Chay qhepakojkunarí ninawan ch'uwanchasqa kanqanku. Imaynatachus runa qolqe metalta ninapi ch'uwanchan, chayrí qorita ch'uwanchan, ajinata noqapis paykunata llimphuchasaj. Chaypacha paykunaqa sutiyta oqharenqanku Diosninkupaj rejsikapuwasqankurayku, noqataj mañakuwasqankuta uyarisaj. Chantá paykunata nisaj: Qankuna aylluy kankichej, nispa. Paykunataj kutichiwanqanku: Tata Diosqa Diosninchej, nispa. Noqa Tata Diosmin chayta nini.

Zacarías 8:8

Chaymantataj paykunata Jerusalenman pusasaj chaypi tiyakunankupaj. Chaypacha paykuna aylluy kanqanku, noqataj Diosninku kasaj, nisqayta junt'aspa, justiciata ruwaspataj, nispa.

Romanos 6:17

Ñawpajta juchaj wata runan karqankichej. Kunantajrí, Diosta pachis ninachej, imaraykuchus tukuy sonqowan imatachus yachachisqaykuta kasukushankichej.

Hebreos 11:16

Chaywanpis, paykuna aswan sumaj llajtata moq'erisharqanku, mayqenchus janaj pachapi kashan, chayta. Chayrayku Diosqa paykunaj Diosninku kayta mana p'enqakunchu, imaraykuchus paykunapaj uj llajtata wakichipunña.

Hebreos 8:10

Chayrayku chay p'unchay, kay jina mosoj tratota Israel aylluwan ruwasaj, nispa Tata Dios nin: Yuyayninkuman kamachisqayta churasaj, sonqonkupitaj nisqayta qhelqasaj. Noqa Diosninku kasaj, paykunataj noqaj aylluy kanqanku.

1 Samuel 7:3

Chayrayku Samuelqa tukuynin israelitakunata nerqa: Sichus qankuna tukuy sonqowan Tata Diosman kutirikunkichej chayqa, waj dioskunata, chantá Astarotpa lantintapis yupaychanata saqeychej. Chantá tukuy sonqomanta Tata Diosllataña yupaychaychej. Chaymantaraj payqa filisteokunaj makinkumanta kacharichisonqachej, nispa.