Jeremías 24:6 - DIOSPA QHELQACHISQ

⁶ Paykunata waqaychasaj, kay suyumantaj kutichimusaj. Kaypitaj paykunata allinta sayachisaj, manañataj urmachisajchu. Paykunata mallkisaj, manataj jayk'ajpis t'irasajchu.

Qheshwa Biblia DC

⁶ Paykunata waqaychasaj, kay jallp'amantaj kutichimusaj, kaypitaj allimpi jatarichisaj. Paykunataqa manaña tukuchisajchu; plantaykusaj manañataj jayk'ajpis sik'irasajchu.

DIOSPA QHELQACHISQAN DEUTEROCANONICAL

⁶ Paykunata waqaychasaj, kay suyumantaj kutichimusaj. Kaypitaj paykunata allinta sayachisaj, manañataj urmachisajchu. Paykunata mallkisaj, manataj jayk'ajpis t'irasajchu.

Jeremías 24:6 ပူးပေါင်းရင်းမြစ်များ

Génesis 44:21

Jinallataj qan niwarqayku sullk'aykuta pusamunaykuta, qan rejsiyta munasqaykirayku.

2 Crónicas 16:9

Tata Diosqa tukuy kay pachata qhawamushan, tukuy sonqo payllapi atinikunku, chaykunata kallpachananpaj. Ben Adadwan trato ruwaspa wampu runa jina ruwanki. Chayrayku kunanmanta ñawpajmanqa maqanaku kallanqapuni, nispa.

Nehemías 5:19

Chayrayku kunan nini: Yuyarikuy noqamanta, Diosníy, allin rinawanpaj, chay tukuy imata judío masiykunarayku ruwasqaymanta, nispa.

Salmos 34:15

15 (16) Tata Diosqa cheqanta ruwaj runakunata qhawashan, qhaparikusqankutataj uyarin.

Salmos 44:2

2 (3) Qanmin makiykiwan qanta mana manchachikoj runakunata wijch'orqanki. Chay suyupi tiyakojkunata sarorqanki, tataykukunatataj chayman churarqanki.

Isaías 14:1

Chaywanpis Tata Diosqa Jacobpa ayllunmanta khuyakonqa. Israelitakunatataj watejmanta ayllun kanankupaj ajllakonqa, jinaspataj jallp'ankupi paykunata watejmanta tiyachenqa. Chaypacha karu llajtayojkunapis paykunaman ujchakonqanku, Jacobpa ayllunwantaj tiyakonqanku.

Isaías 60:21

Chaypacha tukuyniykichej cheqanta ruwajkuna kankichej, jallp'aykichejtapis wiñaypaj jap'ikapunkichej. Qankuna mallkisqaypa ijimuynin kankichej, makiypa ruwasqantaj noqata jatunchanawaykichejpaj.

Jeremías 1:10

Noqa simiykiman nisqaykunata churani. Kunanqa jatun suyukunapi, juch'uy suyukunapi ima atiyta qoyki sik'inaykipaj, thuñinaykipaj, phirinaykipaj, t'unanaykipaj, chantá watej jatarichinaykipaj, mallkinaykipaj ima, nispa.

Jeremías 12:15

Jinaytawankamataj, paykunamanta watej khuyakullasajtaj. Chantá sapa ujninkuta suyunkuman, chayaqenkuman ima kutichimusaj.

Jeremías 16:15

Manachayqa ajinata tilunkichej: Tata Diospa sutinpi tiluni, pichus israelitakunata wichay suyumanta orqhomorqa, jinataj maymanchus ch'eqerachisqa karqanku, chay suyumantapis, chaypa sutinrayku, nispa. Ajinata ninkichej, imaraykuchus noqa kutichimusqaykichej, ñawpa tataykichejkunaman qorqani, chay suyuman.

Jeremías 21:10

Noqa kay llajtaman llakiyta apachimunayta niniña, manataj allin kajtachu. Babiloniamanta kuraj kamachejman kay llajtata jaywaykusaj, paytaj llajtata ninawan ruphaykuchenqa. Noqa Tata Diosmin chayta nini.

Jeremías 23:3

Tata Dios nillantaj: Noqa kikin puchoj ovejaykunata tantasaj, maymanchus wijch'orqani, chay suyumantapacha kanchankuman kutichimpusaj, chaypitaj mayta miranqanku.

Jeremías 29:10

Noqa Tata Dios nillanitaj: Qanchis chunka wata Babiloniapi kasqaykichej junt'akojtinkama, kay cheqaman qankunata kutichimunayta nerqani, chay nisqayta junt'asaj.

Jeremías 31:28

Noqa kikiy paykunata t'irarqani, urmacherqani, atiparqanitaj, phirerqanitaj, chantá ima llakiytapis paykunaman kachaykamorqani. Ajinallatataj allinta ruwasaj paykunata sayarichinaypaj, mallkinaypaj ima. Noqa Tata Diosmin chayta nini.

Jeremías 31:4

Munasqa Israel ayllúy, watej oqharisqayki, sayarichisqataj kanki. Watej panderetata oqharispa, kusiywan tusurinki.

Jeremías 32:37

Kay llajtayojkunata tantaykusaj, maykunamanchus may sinch'i phiñakuyniypi paykunata ch'eqeracherqani, chay suyukunamanta. Chantá paykunata watej kay cheqaman kutirichimusaj, mana imamanta manchachikuspa kaypi tiyarikunankupaj

Jeremías 32:41

Noqaqa paykunapaj allin kajta ruwaspa, kusikusaj. Chantá tukuy sonqo, tukuy alma paykunata kay suyupi kawsachisaj, nispa.

Jeremías 33:7

Noqaqa Judata, Israeltawan watej t'ikarichisaj, jinaspataj, imaynachus ñawpajta karqanku, ajinata sayarichisaj.

Jeremías 33:9

Chantá Jerusalén llajta kusikunay llajta kanqa, tukuy suyoj ñawpaqenkupi manchay uyarisqa kanqa. Paykunanejta kay pachapi tukuy suyukunaj ñawpaqenpi yupaychasqa, chantá manchay uyarisqa kasaj. Jinataj sonqo tiyaykuy kawsayta qosqayrayku chantá tukuy imawan junt'achisqayta rikuspa, waj suyukunamanta runakuna kharkatitenqanku, nispa.

Jeremías 39:12

Jeremiasta carcelmanta orqhomuspa, paymanta qhaway. Amataj ni ima mana allintapis payta ruwaychu, manachayqa tukuy mañakususqanta jayway, nispa.

Jeremías 42:10

Sichus qankuna kay suyupi qhepakunkichej chayqa, noqa qankunata yanapasqaykichej, manataj chinkachisqaykichejchu. Sach'ata jina mallkisqaykichej, manataj t'irasqaykichejchu. Mayta llakikuni kay ñak'ariykunata qankunaman kachaykamusqaymanta.

Ezequiel 36:24

Qankunataqa noqa waj suyukunamanta orqhomusqaykichej, tukuy llajtakunamanta tantaykuspataj, suyuykichejman kutichimpusqaykichej.

Amós 9:14

Chantá karu suyukunaman mana munashajta apasqa kasqanmanta Israel aylluyta pusakampusaj. Paykuna thuñisqa llajtankukunata watej sayarichenqanku, chaypitaj tiyakonqanku. Watej uva sach'akunata mallkenqanku, vinotataj ujyanqanku. Huertakunatapis ruwanqanku, poqojtataj mikhonqanku.

Deuteronomio 11:12

Chay jallp'ataqa Tata Diosniykichej qhawashan. Paypa ñawenqa wata qallariymanta wata tukukuykama qhawan.

1 Pedro 3:12

Tukuyta Kamachej Diosqa cheqanta ruwaspa purej runakunata qhawashan, paykunaj mañakusqankutataj uyarin. Aswanpis Tukuyta Kamachej Diosqa mana allin kajta ruwajkunaj contranpi kashan, nispa.