Jeremías 24:2 - DIOSPA QHELQACHISQ

² Ujnin canasta mishkhamanta sumaj poqosqa higoyoj karqa. Chay ujninrí mana allin poqosqa higoyoj karqa, millay mana mikhunapaj jinachu.

Qheshwa Biblia DC

² Ujnin canastaqa sumaj poqosqa higosniyoj karqa, ñaupajta poqojkunamanta. Chay ujninrí mana allin poqosqa higoskunasniyoj karqa, may millay mana mikhunapaj jinachu karqa.

DIOSPA QHELQACHISQAN DEUTEROCANONICAL

² Ujnin canasta mishkhamanta sumaj poqosqa higoyoj karqa. Chay ujninrí mana allin poqosqa higoyoj karqa, millay mana mikhunapaj jinachu.

Jeremías 24:2 ပူးပေါင်းရင်းမြစ်များ

Isaías 5:4

Imatawantaj uva huertayta ruwayman karqari? Manachu tukuy ima ruwanayta junt'arqani? Noqataj misk'i uva poqonanta suyarqani. Imajtintaj k'allku uvallata poqonri?

Isaías 5:7

Tukuy Atiyniyoj Tata Diospa uva huertanqa Israelmin. Judá suyupi runakunataj may munasqa uva sach'anmin kanku. Tata Diosqa israelitakuna justiciata ruwanankuta suyarqa. Aswanpis runa wañuchinakuyllata tarin. Payqa tukuy imapis cheqan kananta suyarqa. Aswanpis nanaywan qhapariyllata uyarin.

Jeremías 29:17

Paykunaman maqanakuyta, yarqhayta, onqoyta ima kachaykusaj. Paykunata q'etayasqa higo jina mana mikhunapaj jina kanankuta ruwasaj.

Oseas 9:10

Tata Dios nin: Ñawpajta Israelta tarispa, kusikorqani, imaynatachus runakuna ch'innejpi uvata tarispa kusikunku, ajinata. Noqapaj ñawpa tataykichejkunaqa mishkha poqoj higo jina karqanku. Paykunatajrí Baal Pegorman chayaspa, qhasi manakaj dioskunaman kutirikorqanku. Munakusqanku lantita yupaychasqankurayku, mayta millachikunaman tukuporqanku.

Miqueas 7:1

Ay, imallapichus tukukusaj. Noqa chajmakoj jina kani, pichus poqoyta pallay tukukuyta higota, chayrí uva chhullchuta mask'an, ajina. Chaywanpis mana imatapis tarinichu, imajtinchus pallajkuna tukuyninta pallasqanku.

Nahúm 3:12

Tukuy sumaj jark'achasqa perqaykikunaqa higo sach'a jina kanku, mishkha poqosqa higowan junt'asqa jina. Thalajtinku, mikhojpa siminman urmaykun.

Números 18:13

Jinallataj israelitakuna mikhuyta oqharispa, ñawpaj kaj poqoyta Tata Diospaj apamuwasqankoqa qankunapaj kanqa. Chaymantaqa wasi aylluykimanta tukuy llimphuchasqa kajkunalla mikhuyta atenqanku.

San Mateo 5:13

Runakuna ukhupi qankunaqa kachi jina kankichej. Chaywanpis, sichus kachi q'aymayanman chayqa, imaynatataj k'araman watej kutinmanri? Mana imapaj walejñachu, manachayqa jawaman wijch'unallapajña, runa sarunanpaj.