Jeremías 24:10 - DIOSPA QHELQACHISQ

¹⁰ Paykunaman maqanakuta, yarqhayta, onqoytapis apachimusaj, kay suyumanta tukuy chinkanankukama, mayqen suyutachus paykunaman, chantá ñawpa tatankumanpis qorqani, kaymanta, nispa.

Qheshwa Biblia DC

¹⁰ Paykunaman maqanakuta, yarqhayta, onqoytapis apachimusaj, mana ujniyoj kay jallp'api tukukunankukama, may jallp'atachus paykunaman, chantá ñaupa tatasninkumampis qorqani chaypi.

DIOSPA QHELQACHISQAN DEUTEROCANONICAL

¹⁰ Paykunaman maqanakuta, yarqhayta, onqoytapis apachimusaj, kay suyumanta tukuy chinkanankukama, mayqen suyutachus paykunaman, chantá ñawpa tatankumanpis qorqani, kaymanta, nispa.

Jeremías 24:10 ပူးပေါင်းရင်းမြစ်များ

1 Reyes 14:15

Imaynatachus t'uturata purej yaku thalarin, ajinata Tata Diosqa israelitakunata thalarparenqa. Payllataj israelitakunata wijch'onqa, kay chhika sumaj jallp'ata tatankuman qorqa, chaymanta. Éufrates mayumantapis aswan jaqaymanraj paykunata wijch'onqa, k'ullumanta Asera lantikunata ruwakuspa, Tata Diosta wasanchasqankurayku.

Isaías 51:19

Kay iskay llakiykuna qanta qhatirisorqa: Llajtaykeqa tukuchisqa, ch'inpacha saqesqa karqa, runaykikunataj yarqhaywan, espadawan ima wañurachisqa karqanku. Kunantaj pitaj qanmanta llakikonqari? Pitaj sonqochaykurisonqari?

Jeremías 14:12

Ayunaspa mañakuwajtinkupis, mana uyarisajchu. Uywa ñak'asqa q'olachinata apamuwajtinkupis, jinataj poqoykunamanta jaywanata ima, manapuni tukuy sonqochu jap'ikusaj. Manachayqa paykunata maqanakupi tukuchisaj, yarqhaywan, onqoywan ima, nispa.

Jeremías 15:2

Sichus tapusunkuman: Maymantaj risqaykuri? nispa chayqa, paykunaman niy: Ajinata Tata Dios nin: Millay onqoywan wañunanku kajkunaqa chay onqoywan wañuchunku. Maqanakupi wañunanku kajkunataj maqanakupi wañuchisqa kachunku. Chantá yarqhaywan wañunanku kajkuna yarqhaywan wañuchunku. Jinallataj llajtankumanta waj suyuman apasqa kananku kashan, chaykunaqa apasqapuni kachunku, nispa.

Jeremías 16:4

Paykunaqa millay onqoykunawan wañonqanku, manataj pipis paykunamanta waqanqachu, nitaj p'ampajkuna kanqachu. Pampapi wanu jina wijch'usqa qhepakonqanku. Maqanaku, yarqhay ima paykunata tukuchenqa, ayankutataj suwintukuna, k'ita animalkunawan mikhonqanku, nispa.

Jeremías 19:7

Kay cheqapi noqaqa Judá, jinataj Jerusalén imatachus ruwanankupaj wakichikorqanku, chayta chinkachisaj. Noqapuni awqankuwan paykunata atipachisaj, paykunatataj espadawan wañurachenqanku. Chantá Judamanta runakunaj ayankuta suwintukunaman, k'ita animalkunaman ima mikhunankupaj qarasaj.

Jeremías 21:9

Pichus kay llajtapi qhepakojqa maqanakupi, yarqhaywan, chayrí onqoywan wañuchisqa kanqa. Pitajchus caldeokunawan jap'ichikonqa chayqa, mana wañonqachu, aswanpis kawsanqa.

Jeremías 27:8

Mayqen suyupis, chayrí kamachejkunapis Nabucodonosorpa kamachiyninpi kayta mana munajkunataqa, noqa chay suyukunata maqanakuywan, yarqhaywan, onqoywan ima jasut'isaj tukuyninku paypa atiyninman yaykunankukama. Noqa Tata Diosmin chayta nini.

Jeremías 29:17

Paykunaman maqanakuyta, yarqhayta, onqoyta ima kachaykusaj. Paykunata q'etayasqa higo jina mana mikhunapaj jina kanankuta ruwasaj.

Jeremías 29:18

Paykunata maqanakuywan, yarqhaywan, onqoywan ima qhatiykachasaj. Kay pachapi tukuy suyu paykunata rikuspa, asipayanqanku, maldicisqa jina kasqankurayku. May suyumanchus paykunata ch'eqerqachisaj, chaypi p'enqayman churasqa kanqanku, runakunataj paykunaj sutinta oqharispa, ujkunata maldicenqanku.

Jeremías 32:24

Kunan Caldeamanta runakuna jallp'amanta moqota ruwankuña kay llajtaman phawaykamunankupaj. Jinataj maqanaku, yarqhay, onqoy ima kay llajtata jap'enqanku. Tata Dios, nisqayki imaynatachus junt'akushasqanta rikushanki.

Jeremías 32:25

Chaywanpis, Tukuyta Kamachej Tata Dios, qanqa kamachiwarqanki testigokunaj rikunanta uj jallp'ata rantikunayta, kay llajtata Caldeamanta runakuna jap'inanku kashajtinpis, nispa.

Jeremías 34:17

Chayrayku noqa Tata Dios nini: Qankunaqa llajta masiykichej wata runata mana kacharipuspaqa, mana kasuwarqankichejchu. Chayraykumari kunan noqapis maqanakuta, onqoyta, yarqhayta ima qankunaman kachaykamusqaykichej, tukuy kay pachapi kaj suyukuna t'ukunankupaj jina, nispa.

Jeremías 42:17

Pikunachus Egiptoman ripuspa, tiyakamuyta munashankichej, tukuyniykichej chaypi maqanakupi wañunkichej. Manachayrí yarqhaywan, chantá onqoywan ima wañunkichej. Manapuni pipis kawsashajqa qhepakonqachu, nitaj pipis ñak'ariykunata qankunaman kachaykamusqaymanta llusp'enqachu, nispa.

Jeremías 42:22

Chayrayku kayta allinta yachaychej: Qankunaqa maqanakupi wañunkichej, yarqhaywan, onqoywantaj, maymanchus tiyakoj ripuyta munashankichej, chaypi, nispa.

Jeremías 5:12

Paykuna Tata Diosmanta parlaspa, kay jinata llullakunku: Diosqa mana kanchu. Mana ima mana allin kajpis qhatiriwasunchu, manataj maqanakupis, nitaj yarqhaykunapis kanqachu, nispa.

Jeremías 9:15

15 (14) Chayrayku noqa Israelpa Diosnin Tukuy Atiyniyoj Tata Dios kayta nini: Paykunaman jayaq'eta mikhuchisaj, venenoyoj yakutataj ujyachisaj.

Jeremías 9:16

16 (15) Paykunata ñawpa tatankoj, nitaj paykunaj mana rejsisqanku suyukunaman ch'eqerachisaj. Chaypitaj paykunata espadawan qhatiykachachisaj, ni uj puchuyoj tukuchisqa kanankukama, nispa.

Ezequiel 33:27

Paykunata nillaytaj: Tukuyta Kamachej Tata Dios kay jinata nin: Noqa kawsayniyrayku tiluspa nini: Pikunachus raqayman tukuchisqa llajtapi tiyakushanku, chaykunaqa espadawan wañurachisqa kanqanku. Campopi kawsajkunatataj k'ita animalkunaman jaywaykusaj. Pikunachus qaqakunapi, jusk'ukunapi tiyakushanku, chaykunarí onqoywan wañuranqanku.

Ezequiel 6:11

Tukuyta Kamachej Tata Dios kaytawan nin: Qhasqoykita takakuy, chakiykikunawantaj zapateyay. Israel ayllu millayta ruwasqanmanta llakiywan qhapariy, imaraykuchus maqanakupi, yarqhaywan, onqoywan ima wañonqanku.

Ezequiel 7:15

Llajtamanta jawapi maqanakuy tiyan, llajta ukhupitaj onqoy, yarqhay tiyan. Campopi kajkunaqa maqanakupi wañonqanku, llajtapi kajkunataj yarqhaywan, onqoykunawantaj wañuranqanku.

Deuteronomio 28:21

Tata Diosqa, jap'inkichej, chay jallp'api tukuy wañunaykichejkama millay onqoyta kachaykamusonqa.

Apocalipsis 6:8

Chantá uj q'ellu caballota rikorqani. Chay caballopi lloq'asqa kajpata sutin Wañuy karqa, paypa qhepantataj Ukhu Pacha nisqa risharqa. Paykunamantaj atiyta qorqanku, kay pachamanta khuskanpa khuskannin runakunata wañuchinankupaj espadawan, yarqhaywan, onqoykunawan, chantá k'ita animalkunawan ima.