Jeremías 23:9 - DIOSPA QHELQACHISQ

⁹ Pikunachus Diosmanta sut'inchaj kasqankuta nejkunapaj Jeremías ajinata nerqa: Sonqo p'akisqa kashani, tukuy ukhuytaj kharkatitishan. Machasqa runa jinataj kashani. Phiri machasqa jina kashani Tata Diosrayku, may cheqan nisqanraykutaj.

Qheshwa Biblia DC

⁹ Profetasmanta uj willay: May sinch'i yuyayniy chinkasqa kani, tukuy ukhuy khatatitiwan. Uj machasqa runa jina kani. Aqha ujyaj q'eta machasqa jina kani, Señorpa llimphu palabrasninrayku.

DIOSPA QHELQACHISQAN DEUTEROCANONICAL

⁹ Pikunachus Diosmanta sut'inchaj kasqankuta nejkunapaj Jeremías ajinata nerqa: Sonqo p'akisqa kashani, tukuy ukhuytaj kharkatitishan. Machasqa runa jinataj kashani. Phiri machasqa jina kashani Tata Diosrayku, may cheqan nisqanraykutaj.

Jeremías 23:9 ပူးပေါင်းရင်းမြစ်များ

Salmos 60:3

3 (5) Qan aylluykita sinch'ita llakichiwarqayku. Chankaykachanaykupaj vinota ujyachiwarqayku.

Salmos 69:20

20 (21) Alqochakuwasqankumanta sonqoy p'akisqa kashan, mana kallpayoj, uj jinayasqa kashani. Noqaqa sonqochawajta, noqamanta khuyakojta ima qhasillata mask'arqani, manataj tarerqanichu.

Isaías 28:1

Ay, Samaria llajtamanta, qanqa Efraín suyupi machajkunaj uma oqharinan llajta kanki, qawisqa t'ika pilluwan jina k'achanchasqa. Sumaj vallepi kaspapis, vinoj atipasqan llajta kanki.

Isaías 29:9

Israelitakuna, wampullapuni kaychej, ñawsakuna jinataj ama imata rikuychejchu. Machasqa jina chankaykachallaychejpuni, mana machachej ujyanata ujyashaspapis.

Isaías 51:21

Llakisqa llajta, mana vinollawan machasqa, kayta uyariy:

Isaías 6:5

Chantá nerqani: Ay, imanasajtaj? Kunanqa wañusajchari, imaraykuchus mana allin parlaj runa kaspapis, jinataj mana allin parlayniyoj runakunaj chawpinkupi tiyakushaspa, ñawiywan Tukuy Atiyniyoj Tata Diosta rikuni, nispa.

Jeremías 20:9

Sichus nini: Manaña Tata Diospi yuyasajchu, niñataj sutinpipis parlasajchu, nispa chayqa, qanpa nisqaykeqa sonqoypi nina jina ruphaykuwan, tukuy tulluykamataj chayan. Sonqoyta ñit'iykukuyta munashaspapis, manapuni atinichu.

Jeremías 36:16

Chayta uyariytawankama, paykunaqa may mancharisqa ujkuna ujkunaman ninakorqanku: Kay tukuy uyarisqanchejta kuraj kamachejman willananchej tiyan, nispa.

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Jeremías 8:18

Chantá Jeremías nerqa: Jatun llakiy ñit'iykuwan, chaypajtaj mana jampi kanchu. Sonqoypis phatashawanña.

Jeremías 9:1

1 (8.23) Jeremiasqa nillarqataj: Imaynapichus ñaweyqa yaku juturi jina kanman, jinamanta tuta p'unchay paran paranta waqanaypaj llajtay ukhupi wañuchisqa kajkunamanta.

Lamentaciones 3:15

Tata Diosqa llakiykunawan junt'aykuchiwan, jaya ujyanawantaj machaykuchiwan.

Ezequiel 13:3

Tukuyta Kamachej Tata Dios kay jinata nin: Pajtataj, qankuna mana yuyayniyoj sut'inchajkuna, pikunachus sonqoykichejpa yuyasqallanta ninkichej, manataj imatapis noqa Diosmanta rikunkichejchu, chaykuna.

Ezequiel 9:4

Paymantaj nerqa: Jerusalén llajtaj ukhunta purispa, mask'ay, pikunachus tukuy ima millay ruwakusqanmanta llakikuspa waqashanku, chay runakunata. Tarispataj, uj señalta sapa ujpa mat'inkuman churaykuy, nispa.

Ezequiel 9:6

Machu runakunata, waynakunata, sipaskunata, wawakunata, warmikunata ima. Tukuyninkuta wañurachiychej. Pikunachus señalniyoj kajkunamanrí ama qayllaykullankichejpischu, nispa. Chantá chay runakunaqa, pikunachus Diospa Templonpa punkunpi kasharqanku, chay kurajkunamanta qallarispa, runakunata wañurachiyta qallarerqanku.

Daniel (hebreo) 8:27

Chay qhepata noqa Daniel mana kallpayoj rikhurerqani, chantá unaysituta onqosqa karqani. Chaymanta jatarikuspa, imatachus Babiloniaj kuraj kamachejpaj ruwanay karqa, chayta ruwallarqanipuni. Chaywanpis imatachus rikusqaymanta anchata t'ukusharqani, nitaj imatachus niyta munasqanta sut'inchayta aterqanichu.

Habacuc 3:16

Kay tukuy imata uyarispa, manchachikorqani. Simiypis kharkatiterqa. Chakiy mana sayayta aterqachu, tukuy ukhuypis llawch'iyaporqa. Chaywanpis pacienciawan suyasaj, maypachachus Dios ñak'arichiwajninchej soldadokunata ñak'arichillanqataj, chay p'unchayta.

Romanos 7:9

Ñawpajta kawsaj kani Moisespa kamachisqan imatachus kamachiwasqanta mana yachaspalla. Chaywanpis maypachachus mana munapayanamanta kamachisqanta yacharqani chaypacha, juchalliyta munana noqapi rijch'arerqa. Chayraykutaj Diospa ñawpaqenpi wañusqa jina rikhurerqani.