Jeremías 23:5 - DIOSPA QHELQACHISQ

⁵ Tata Dios nillantaj: Uj p'unchay chayamonqa, chay p'unchaypitaj Davidpa mirayninmanta uj kuraj kamachejta jatarichisaj. Chay kuraj kamachejqa yachaywan, justiciawan, cheqanta ruwaspataj kamachenqa.

Qheshwa Biblia DC

⁵ Señorqa nillantaj: Uj p'unchay chayamonqa, maypachachus Davidpa mirayninmanta uj cheqan kajta rikhurichisaj. Kay pachapitaj chay reyqa tukuy yachaywan, justiciawan, cheqan kaywantaj kamachenqa.

DIOSPA QHELQACHISQAN DEUTEROCANONICAL

⁵ Tata Dios nillantaj: Uj p'unchay chayamonqa, chay p'unchaypitaj Davidpa mirayninmanta uj kuraj kamachejta jatarichisaj. Chay kuraj kamachejqa yachaywan, justiciawan, cheqanta ruwaspataj kamachenqa.

Jeremías 23:5 ပူးပေါင်းရင်းမြစ်များ

2 Samuel 23:3

Israelpa Diosnin parlarqa, Israelpa waqaychajnintaj niwan: Pichus cheqanta ruwaspa runakunata kamachin, pichus Diosta manchachikuspa kamachej,

Salmos 45:4

4 (5) May jina atiyniyoj kasqaykiwan atipaj jina puririy, cheqa kajrayku maqanakuspa, llamp'u sonqoyojkunapaj justiciata ruwaspa ima. Atiyniykiwan t'ukuna imakunata ruwaspa, atipankipuni.

Salmos 80:15

15 (16) Qan kikiyki mallkisqaykita, ijimojkunata sumajta wiñachisqaykita ima qhawariy.

Salmos 99:4

Tata Dios, qan may jina atiyniyoj Kuraj Kamachej kanki, justiciatataj munakunki. Qanmin tukuypaj uj rejllata ruwanata sayacherqanki. Jacobpa churinkunapaj justiciata, cheqan kajta ima ruwarqanki.

Isaías 33:5

Tata Dios janaj pachapi tiyakushaspapis, pay allin kajwan, justiciawantaj Sionman junt'achin.

Isaías 4:2

Chaywanpis aswan qhepamanqa Tata Diospa ijichisqan manchay k'achitu kanqa. Chantá puchoj israelitakuna jallp'aj poqoyninmanta mayta kusikonqanku, chaynejtataj may uyarisqa kanqanku.

Isaías 42:6

Noqa Tata Dios qanta wajyarqayki munayniyman jina cheqan kajta ruwanaykipaj. Makiykimanta jap'isqayki, noqataj waqaychasqayki. Qanta runakunawan trato ruwasqay kanaykipaj churayki, tukuy suyupajtaj k'anchay jina kanaykipaj.

Isaías 45:24

Noqamanta nenqanku: Cheqapuni Tata Diosllamanta justiciawan, jatun atiywan ima jamun, nispa. Noqallaman tukuypis jamonqanku, pikunachus contraypi ruwajkunapis may p'enqaypi rikhurenqanku.

Isaías 52:13

Tata Dios nin: Uyariwaychej, kamachiytaqa tukuy imapi allin renqa. Payqa may jina jatunchasqa, may jina pataman oqharisqataj kanqa.

Isaías 53:10

Chay tukuywanpis, Tata Dios munanqapuni kamachin ñak'arichisqa, t'unasqataj kananta. Chay kamachitaj kikin kawsayninta jucharayku uywa ñak'asqa jaywanata jina jaywaykukonqa. Chayrayku payqa aswan qhepaman mirayninta rikonqa, wiñaypajtaj kawsanqa. Paynejtataj Tata Diospa munaynenqa junt'akonqapuni.

Isaías 53:2

Kamacheyqa Tata Diospa ñawpaqenpi ijimoj sach'a jina wiñanqa, ch'aki jallp'api saphichakoj jinataj p'utumonqa. Mana k'achituchu kanqa, sonqonchej payman aysakunanpaj, nitaj k'acha uyayojchu kanqa payta munakunanchejpaj.

Isaías 9:5

5 (4) Soldadokunaj yawarpura p'achanku, botanku ima ninapi ruphachisqa kanqanku.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Isaías 9:7

7 (6) Kamachisqan, chantá allin kawsayta qosqanpis wiñaypaj mana tukukuyniyoj kanqa. Davidpa kamachinan tiyanamanta justiciawan wiñay wiñaypaj kamachenqa. Chaytataj Tukuy Atiyniyoj Tata Diosmin sinch'i munakuyninrayku ruwanqa.

Jeremías 22:15

Cedromanta ruwasqa wasipi tiyakusqaykiraykuchu kuraj kamachej kasqaykita yuyakunki? Tataykeqa kawsashaspa, mikhorqa, ujyarqa, chantá cheqan kajta, justiciata ima ruwarqa. Chayrayku payta tukuy imapi allin rerqa.

Jeremías 22:3

Tata Dios nin: Kay llajtapi justiciata ruwaychej, cheqan kajtataj. Ñak'arichisqa kajkunata runaj yawarninta ch'onqaspa kawsajkunaj makinkumanta kacharichiychej. Chantá waj llajtayoj runakunata, wajcha wawakunata, warmisapakunata ima ama k'umuykachachiychejchu, nitaj ñak'arichiychejchu. Amataj mana juchayoj runakunata wañuchiychejchu.

Jeremías 22:30

Tata Dios nin: Kay runaj sutinta p'anqaman qhelqaychej, mana wawayoj runata jina, mana imapis allin rejta jina, imaraykuchus mirayninmanta ni pi Davidpa kamachinan tiyanapi tiyaykonqachu Judapi kamachinanpaj, nispa.

Jeremías 23:6

Pay kamachishajtin, Judá suyuta allin renqa, Israel suyupis sumaj waqaychasqa tiyarikonqa. Chay kuraj kamachejtaj sutichasqa kanqa: Tata Diosmin Justiciata Ruwajninchejqa, nispa.

Jeremías 29:11

Noqalla yachani imatachus qankunapaj yuyasqayta. Chay yuyayqa mana qankuna ñak'arichisqa kanaykichejpajchu, manachayqa qankuna allinta kawsakunaykichejpaj yuyani, jinallataj qhepanejmanpis allin kawsayta tarinaykichejpaj. Noqa Tata Diosmin chayta nini.

Jeremías 30:3

Uj p'unchay jamushan, chay p'unchaytaj Israelmanta, Judamantawan apasqa kajkuna llajtankuman kutimponqanku. Noqaqa paykunata ñawpa tatankuman qosqay suyuman kutichimusaj, chaypi tiyakunankupaj. Noqa Tata Diosmin chayta nini.

Jeremías 30:9

Chantá noqa Tata Diosninkuta yupaychawanqanku, jinallataj churasqay kuraj kamachej Davidpa kamachiyninpipis kanqanku.

Jeremías 31:27

Tata Dios nillarqataj: Qhepanejman Israelpi, Judapipis runakunata ashkha mirachisaj, jinallataj uywankukunatapis.

Ezequiel 21:27

27 (32) Noqaqa tukuyta thuñisaj, allin thuñisqatapuni saqesaj, ujtawantaj ni pi sayarichenqachu. Babiloniata kuraj kamachej chayamojtin, ajina kanqa. Paymin nisqayta ruwanqa.

Ezequiel 34:16

Chinkasqa ovejakunata noqa mask'amusaj, ch'eqerasqatataj tropaman kutirichimusaj. Chakin p'akisqata tableyaykusaj, mayt'uykusajtaj. Tulluyajkunata makimanta mikhuchisaj, kallpasapa wira ovejakunatataj maychus michinata michisaj, nispa.

Ezequiel 34:29

Jinallataj paykunaman sumajta poqoj jallp'ata qosaj, manataj ujtawan yarqhaywan llajtankupi ñak'arenqankuchu, nitaj waj llajtayojkunapis paykunata asipayanqankuchu.

Ezequiel 45:8

Chay jallp'aqa Israelpi kamachejpaj kanqa. Ajinamanta kamachejkuna aylluyta mana ujtawan ñak'arichenqankuchu. Manachayrí israelitakunaman jallp'ata rak'iranqanku jatun ayllunkuman jina, nispa.

Daniel (hebreo) 9:24

Diosqa qanchis chunka semanata t'aqan israelitakunawan, Diospaj t'aqasqa llajtanwan ima Diospa contranta oqharikusqankumanta kutirikunankupaj, juchallisqankumanta, millay ruwasqankumantataj qhespichisqa kanankupaj ima. Chaymantataj Diosqa cheqan kajta wiñaypaj sayachenqa. Ajinata mosqoypi jina rikusqayki, sut'inchajkunaj willasqanku ima junt'akonqa, may llimphu cheqapis Diosllapaj t'aqasqa kanqa.

Oseas 1:11

11 (2.2) Chaypacha Judá suyumanta kajkuna, Israel suyumanta kajkunawan ujllaman tantakonqanku. Paykuna uj kamachejllata churakonqanku, chantataj tukuynejmanta Jerusalenman kutimponqanku. Jezrelpa p'unchaynenqa may yuyarisqamin kanqa.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Amós 9:11

Uj p'unchay jamushan, chay p'unchaypitaj Davidpa ayllunta urmasqa kasqanmanta oqharisaj, watejmantataj sayarichisaj, imaynachus ñawpajta karqa, kikinta.

Miqueas 5:3

3 (2) Tata Diosqa ayllunta saqenqa awqanpa makinpi kajta, chay onqoj warmi wawanta paqarichikunankama. Chaypacha waj suyukunaman mana munashajta apasqa kajkuna Israel suyuman kutimponqanku.

Zacarías 3:8

Allinta uyariway, kuraj kaj sacerdote Josué, jinallataj qanwan kashaj, chay sacerdotekunapis uyarillachunkutaj. Qankuna señal jina churasqa kankichej imachus aswan qhepaman kananmanta. Noqa kamachiyta kachasaj, Ijimuy Kaj nisqata.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

San Mateo 2:2

Chantá tapurikorqanku: Maypitaj kashanman pichus judiokunaj kuraj kamachejnin kananpaj paqarikojri? Kayta niyku, imaraykuchus inti llojsimuynejpi ch'askanta rikorqayku. Chayrayku payta yupaychaj jamuyku, nispa.

San Juan 1:45

Chantá Felipe Natanaeltañataj mask'aj rerqa, tarispataj, nerqa: Nazaret llajtamanta Joséj churin Jesusta tariyku, pimantachus Moisés kamachisqa qhelqapi nerqa, chayta. Diosmanta sut'inchajkunapis paymanta parlallarqankutaj, nispa.

San Juan 1:49

Chaymanta Natanael, nerqa: Yachachej, qanqa Diospa Churin kanki, Israelpa Kuraj Kamachejnintaj, nispa.

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

Hebreos 8:8

Dios rikorqa ayllun trato ruwasqanta mana munasqanman jina junt'asqankuta. Chayrayku nerqa: Uj p'unchay chayamonqa, chay p'unchaypitaj noqa Tata Diosqa Israel aylluwan, Judá aylluwan ima uj mosoj tratota ruwasaj.

Apocalipsis 19:11

Chaypacha, noqa janaj pachata kicharisqata rikorqani. Uj runa yuraj caballopi lloq'asqa kasharqa, sutintaj karqa Nisqanta Junt'aj Kaj, chantá Cheqa Kaj ima, imaraykuchus payqa justiciata ruwan, chantá cheqa kajta ruwaspa maqanakun.