Jeremías 23:4 - DIOSPA QHELQACHISQ

⁴ Chantá waj michejkunata paykunata michinankupaj churasaj, ovejaykunataj mana manchachikonqankuchu, nitaj ni ujpis chinkanqachu. Noqa Tata Diosmin chayta nini.

Qheshwa Biblia DC

⁴ Michejkunatataj qhawapunawankupaj churasaj, mana imatapis manchachikunankupaj, nitaj imamanta pisichikunankupaj. Noqa Señor chayta nini.

DIOSPA QHELQACHISQAN DEUTEROCANONICAL

⁴ Chantá waj michejkunata paykunata michinankupaj churasaj, ovejaykunataj mana manchachikonqankuchu, nitaj ni ujpis chinkanqachu. Noqa Tata Diosmin chayta nini.

Jeremías 23:4 ပူးပေါင်းရင်းမြစ်များ

Isaías 11:11

Chaypacha Tata Dios ujtawan atiyninta rikuchillanqataj, maykunapichus ayllunmanta kajkuna puchorqanku, chaykunata kutichimunanpaj: Asiriamanta, Egiptomanta, Patrosmanta, Etiopiamanta, Elammanta, Sinarmanta, Jamatmanta, mama qochaj kantunmanta ima.

Jeremías 30:10

Noqa Tata Dios nillanitaj: Kamachiy Jacobpa ayllun, ama manchachikuychejchu. Israel, ama mancharikuychu. Noqa qankunata, wawaykichejkunatapis karu llajtamanta kacharichimusaj, maymanchus apasqa karqankichej, chaymanta. Watej allin kawsaypi tiyakunkichej, ni pejpa ima nisqan, ni imata manchachikuspataj.

Jeremías 31:10

Suyukuna, Tata Diospa nisqanta uyariychej. Mama qochaj karu kantunkunapi kayta willaramuychej: Tata Diosqa Israel ayllunta ch'eqeracherqa. Jinapis payllataj paykunata tantaykamonqa, waqaychanqataj. Imaynatachus michej ovejankunata michin, ajinata paykunata waqaychanqa, nispa.

Jeremías 33:26

Kikillantataj mana jayk'ajpis Jacobpa mirayninta, nitaj kamachiy Davidpa mirayninmanta kamachinanpaj qhesachasajchu. Paykuna ukhumanta Abrahampa, Isaacpa, Jacobpa mirayninta kamachinanpaj jatarichisaj. Paykunamanta khuyakuspa, watej kay suyuman kutichimpusaj, nispa.

Ezequiel 36:11

Qankunapi runakunata, uywakunatapis ashkhata miraykuchisaj. Miranqanku, ashkhamantaj tukonqanku. Imaynatachus ñawpa tiempopi tiyakorqankichej ajinallatataj tiyakunkichej. Qankunataqa ñawpajmantapis astawan allintaraj ruwasqaykichej. Chaypachataj qankuna yachankichej noqa Tata Dios kasqayta.

Levítico 26:9

Noqa qankunata qhawarisqaykichej, may jinatataj mirachisqaykichej. Qankunawan trato ruwasqaytapis junt'asajpuni.

Miqueas 4:4

Manachayqa, tukuyninku ni imata manchachikuspa kawsakonqanku. Sapa runa uva sach'anpa llanthunpi samarikuyta atenqa, jinataj higo sach'anpa llanthunpi tiyarikonqa. Ajinata Tukuy Atiyniyoj Tata Dios nin.

Miqueas 5:2

2 (1) Qantajrí Efratamanta Belén llajta, Judá jap'iypi kaj llajtakunamanta aswan juch'uy kanki. Chaywanpis qanmantamin Israelta kamachej llojsenqa. Paypa miraynenqa wiñay wiñaymantaña.

Miqueas 7:14

Tata Dios, Israel aylluykita waqaychay qanpa tropaykita jina, imaraykuchus montepi chinkasqa oveja jina kashanku. Paykunata sumachaj jallp'akunaman pusariy. Ñawpajta jina, Basanpi chantá Galaadpi pastoman pusay.

Sofonías 3:13

Chaypacha Israel ayllumanta puchojkuna manaña mana cheqan kajta ruwanqankuchu, nitaj llullata parlanqankuchu, nillataj ch'awkiyaspa parlanqankuchu. Aswanpis paykuna mikhurikonqanku, samarikonqankutaj ni imamanta manchachikuspa.

Números 31:49

Nerqankutaj: Noqaykoqa soldadonchejkunata sumajta yupayku, manataj ujpis wañusqachu.

San Juan 17:12

Kay pachapi paykunawan kashaspaqa, noqa atiyniykiwan paykunata waqaycharqani, pikunatachus qowarqanki, chaykunata. Manataj mayqenpis chinkarqachu, manachayqa chinkananpaj churasqa kajlla, ajinamanta Diospa Qhelqachisqan junt'akunanpaj.

San Juan 18:9

Ajina karqa Jesuspa kay nisqan junt'akunanpaj: Tatáy, pikunatachus qowarqanki, chaykunamanta mana ujtapis chinkacherqanichu, nispa.

1 Pedro 1:5

Diospi atinikusqaykichejrayku qankunapis Diospa atiyninwan waqaychasqallataj kankichej, tukuy imamanta qhespichisqa kanata jap'inaykichejkama. Chayqa qhepanejman rikuchisqa kananpaj wakichisqa kashan.