Jeremías 23:36 - DIOSPA QHELQACHISQ

³⁶ Jinapis qankunaqa ama kay jinata parlaychejchu: Tata Dios ajinata nin, nispa. Pillapis: Tata Dios ajinata nin, nispa ninman chayqa, chay kikin nisqallantataj may llasa q'epiman jina tukuchisaj. Qankuna noqa kawsashaj Diospa nisqayta q'ewispa, uj jinaman tukuchinkichej. Noqa Diosniykichej kani, Tukuy Atiyniyoj Tata Dios.

Qheshwa Biblia DC

³⁶ Jinapis qankunaqa ama kay jinata parlaychejchu, Señorpa willaynin kayqa, nispa. Pillatajpis Señorpa palabran kasqanta ninman chayqa, chay kikin palabrasnillantataj uj q'epiman tukuchisaj. Qankunamin kausaj Diospa palabrasninta uj jinaman tukuchinkichej. Payqa Diosniykichej, Tukuy Atiyniyoj Señortaj.

DIOSPA QHELQACHISQAN DEUTEROCANONICAL

³⁶ Jinapis qankunaqa ama kay jinata parlaychejchu: Tata Dios ajinata nin, nispa. Pillapis: Tata Dios ajinata nin, nispa ninman chayqa, chay kikin nisqallantataj may llasa q'epiman jina tukuchisaj. Qankuna noqa kawsashaj Diospa nisqayta q'ewispa, uj jinaman tukuchinkichej. Noqa Diosniykichej kani, Tukuy Atiyniyoj Tata Dios.

Jeremías 23:36 ပူးပေါင်းရင်းမြစ်များ

2 Reyes 19:4

Ichapis Tata Diosniykeqa soldadokunata kamachej Rabsacespa parlasqanta uyarinña. Asiria suyuta kuraj kamachejqa payta kachamorqa kawsaj Diosmanta millayta parlananpaj. Tata Diosniyki imatachus nisqanmanta payta jasut'ichun. Kunanqa kaypi qhepakojkunarayku Diosmanta mañapuy ari, nispa.

Salmos 12:3

3 (4) Tata Diosqa tukuy puraj uya runakunata chinkachichun, jatunchakuspa parlajkunatawan.

Salmos 120:3

Q'otiyajkuna, qankunataqa mana allinchu risonqachej. Diosmin jasut'isonqachej.

Salmos 149:9

Ajinata ruwanqanku, Tata Dios paykunata juchachasqan junt'asqa kananpaj. Chaymin Diosta qhatejkunapaj kusikunanku kanqa. Tata Dios jatunchasqa kachun.

Salmos 64:8

8 (9) Kikin parlasqallankupitaj urmanqanku, paykunata rikojkunataj paykunamanta alqochakonqanku.

Proverbios 17:20

Millay yuyayniyojmanqa mana allinchu renqa. Llulla runapis jatun llakiyman urmanqa.

Isaías 28:22

Chayrayku amaña alqochakuychejchu. Pajtataj, imawanchus watasqa kashankichej, chaywan astawan mat'iykusunkichejman. Tukuy Atiyniyoj Tata Dios kay pachata chinkarparichinanta uyarini.

Isaías 3:8

Cheqapuni Jerusalén llajtaqa urmananpajña kashan. Judá suyupis urmallanqataj, imaraykuchus chaypi tiyakojkuna Tata Diospa contranta parlanku. Mana kamachisqanta kasunkuchu, paypa jatun kayninmantaj sayaykunku.

Jeremías 10:10

Tata Diostajrí cheqa kaj Diospuni, kawsaj Dios, wiñaypaj Kuraj Kamachejtaj. Maypachachus pay phiñakun, chaypacha, kay pacha kharkatitin. Phiñakojtenqa, suyukunapis mana sayayta atinkuchu.

Jeremías 23:37

Jeremías, chay sut'inchajkunata tapuriy: Ima nispataj Tata Dios kutichisunkiri? Ima nisunkitajri? nispa.

Lamentaciones 2:14

Diosmanta sut'inchajkunaqa qhasi manakaj imakunata willasunku. Mana juchaykitapis rikuchisorqankuchu, chaynejta ama karu llajtaman apasqa kanaykipaj. Manachayqa llullallata willasunku, qhasi manakaj imakunata creechispa.

San Mateo 12:36

Chayrayku niykichej: Juicio p'unchaypeqa tukuy runakuna cuentata qonqanku tukuy qhasi manakajta parlasqankumanta,

San Lucas 19:22

Chantá kuraj kamachej nisqa: Qanqa mana allin kamachi kanki, jinataj nisqaykiwan qanllataj juchachakushanki. Sichus yacharqanki rumi sonqo kasqayta, mana noqaj kajta jap'ikapusqayta, mana tarpusqay kajta oqharisqayta ima chayqa,

Hechos 14:15

Runa masikuna, imaraykutaj kayta ruwashankichejri? Noqayku runalla kayku, qankuna jina. Aswanpis qankunaman willaj jamuyku, kay qhasi manakaj imakunata saqespa, kawsashaj Diosman kutirikunaykichejpaj. Paymin janajta, kay pachata, mama qochata ima ruwarqa, chaykunapi tukuy ima kajkunatapis.

Gálatas 6:5

imajtinchus sapa ujpis imatachus ruwasqanmanta cuentayoj kanqa.

Deuteronomio 5:26

Pi runataj chay jina nina lawray chawpimanta kawsaj Diospa parlasqanta uyarinman, noqanchej jina mana wañuspallari?

1 Tesalonicenses 1:9

Paykuna parlanku noqayku llajtaykichejman chayamojtiyku, imaynatachus wajyarikuwasqaykumanta. Jinallataj parlanku qankuna imaynatachus lantikunata yupaychayta saqespa, kawsashaj cheqa kaj Diosman kutirikusqaykichejta, payllataña kasunaykichejpaj.

2 Pedro 3:16

Sapa carta apachimusqanpi Pablo chay imakunamanta parlan. Chay parlasqanmanta wakinkunaqa mana entiendey atina jinallachu kanku. Chayrayku chaymanta pisita yachajkuna, chantá Diospi atinikuypi pisi kallpayojkuna q'ewinku. Jinallatataj Diospa Qhelqachisqanpi waj imakunatapis q'ewinku, chaymantataj paykuna chinkachisqa kanankupaj.

1 Samuel 17:26

Chaypacha David qayllanpi kajkunata tapurerqa: Jaqay filisteo runata wañuchejman imatataj qonqankuri? Imatataj qonqanku Israelta k'umuykachachejta chinkachejmanri? Pitaj kasqa chay mana diosniyoj runa, kawsaj Diospa soldadonkunaj contrankupi sayaykunanpajri? nispa.

1 Samuel 17:36

Ajinata noqaqa leontapis, jinallataj jukumaritapis wañuchej kani. Kay mana diosniyoj filisteotapis kikillantataj ruwasaj, Tata Diospa soldadonkunaj contrankupi sayaykusqanrayku.