Jeremías 23:32 - DIOSPA QHELQACHISQ

³² Paykunaqa yanqhallata mosqokusqankuta aylluyman sut'inchanku, ajinata ruwaspataj, aylluyta pantachinku. Mana noqaqa paykunata kachamorqanichu, nitaj imatapis kamacherqanichu. Chayrayku paykunaqa ni uj chhikallatapis aylluyta yanapayta atinkuchu. Noqa Tata Diosmin chayta nini.

Qheshwa Biblia DC

³² Llullakusqasninkuwan, chay thautisqasninkuwantaj aylluytaqa noqamanta t'aqachinku. Mana noqaqa paykunata kachakorqanichu, nitaj imatapis kamacherqanichu. Ajinaqa aylluyta yanapaytaqa mana aterqankuchu. Noqa Señor chayta nini.

DIOSPA QHELQACHISQAN DEUTEROCANONICAL

³² Paykunaqa yanqhallata mosqokusqankuta aylluyman sut'inchanku, ajinata ruwaspataj, aylluyta pantachinku. Mana noqaqa paykunata kachamorqanichu, nitaj imatapis kamacherqanichu. Chayrayku paykunaqa ni uj chhikallatapis aylluyta yanapayta atinkuchu. Noqa Tata Diosmin chayta nini.

Jeremías 23:32 ပူးပေါင်းရင်းမြစ်များ

Job 13:4

Qankunaqa llullakuspa, cheqa kajta pakankichej, qhasi manakaj jampikamayoj jina kankichej.

Isaías 3:12

Majt'illukunalla aylluytaqa munasqankuta ruwanku, warmikunallataj paykunata kamachinku. Ayllúy, kamachejniykichejkunaqa q'otiyashasunkichej, pantay ñankunata pusaspa.

Isaías 9:15

15 (14) Chay uma ninakun Israelpa kurajnin chantá sumachajnin runakunawan. Chupatajrí ninakun pikunachus llullallata parlaspa ninku Diosmanta sut'inchasqankuta, chaykunawan.

Jeremías 23:13

Samariapi tiyakoj sut'inchajkunata rikuni kay millachikuna imata ruwashajta: Paykuna Baalpa sutinpi sut'inchaspa, Israel aylluyta pantachinku.

Jeremías 23:16

Tukuy Atiyniyoj Tata Dios nillantaj: Israelitakuna, ama kasuychejchu sut'inchajkunaj nisqankuta. Paykunaqa llullakuspalla, yuyasqankuman jinalla thawtinku. Imatachus nisqankuta mana noqachu nerqani.

Jeremías 23:25

Noqa chay sut'inchajkunaj llullakusqankuta uyarini, pikunachus sutiypi parlashasqankuta ninku, chaykunajta. Paykuna ninku: Tata Dios mosqochaspa parlawan, nispa.

Jeremías 23:31

Noqa chay sut'inchajkunaj contrankupi oqharikuni, imaraykuchus paykunaqa yuyasqankuman jinalla wakichispa, noqaj nisqaypis kanman jina parlanku.

Jeremías 29:31

Waj suyukunaman tukuy apasqa kajkunaman kay nisqayta willachiy: Nejelanmanta Semaiasqa sutiypi parlasorqachej, mana noqaj kachamusqallay, mana imatapis payman yuyaychajtillay. Kunantaj qankuna llullakusqanta jap'ikushankichej.

Jeremías 7:8

Qankunatajrí qhasi manakaj llulla parlaykunapi atinikushankichej.

Lamentaciones 2:14

Diosmanta sut'inchajkunaqa qhasi manakaj imakunata willasunku. Mana juchaykitapis rikuchisorqankuchu, chaynejta ama karu llajtaman apasqa kanaykipaj. Manachayqa llullallata willasunku, qhasi manakaj imakunata creechispa.

Lamentaciones 3:37

Pitaj imapis kananta ninman, Tata Dios mana kamachejtinri?

Sofonías 3:4

Diosmanta sut'inchajninkukunaqa jaramalla kanku, mana atinikunapaj jina. Sacerdotenkunapis Diospaj t'aqasqa imakunata pisipaj qhawanku, Tata Diospa kamachisqantataj p'akinku.

Zacarías 10:2

Lantikunaj nisqankoqa llullamin, yatirikunaj watusqankupis qhasillamin. Imatachus mosqoypi jina nisqankupis qhasilla, sonqochakoj jina parlasqankupis yanqhalla. Chayraykumin aylloyqa chinkasqa oveja tropa jina thamaykachashanku, michejmanta jina ñak'arispa.

San Mateo 15:14

Paykunata saqeychej, imaraykuchus ñawsakuna kanku, waj ñawsakunata pusaykachajtaj. Sichus ñawsa runa waj ñawsata pusaykachanman chayqa, iskayninku t'oqoman urmaykonqanku, nispa.

2 Corintios 1:17

Ichá qankuna tapukushankichej imaraykuchus yuyasqayta mana ruwasqaymanta. Qankuna yuyankichejchu mana allinta unanchaspalla parlasqayta? Chayrí yuyankichejchu noqaqa Diosman mana kutirikojkuna jina, ñawpajta arí, arí nishaspa, chay kikinpacha mana, mana nispa nisqayta? Mana jinachu.

Deuteronomio 18:20

Sichus mayqen runa sut'inchajman tukuspa, mana noqa kamachishajtillay sutiypi parlayta munanman, chayrí waj dioskunaj sutinkupi parlanman chayqa, chay runaqa wañuchisqa kanqa.

Apocalipsis 19:20

Chantá sierpeqa jap'ichisqa karqa, jinallataj llullakuspa sut'inchajpis. Chay sut'inchajqa sierpej sutinpi runa mana jayk'aj rikusqan t'ukunata ruwaspa, sierpej marcanta apajkunata q'otiyasqa, lantinta yupaychanankupaj. Jinataj sierpewan, llulla sut'inchajninwan ima azufrewan lawrashaj nina qochaman kawsashaj wijch'uykusqa karqanku.